A etapa de A Gándara, en Vimianzo, volveu ser case unha repetición do acontecido en Lira. Pero desta vez, a maioría de meteoludópatas pecou por de máis, no canto de quedarse curtos coma no concello de Carnota. A borrasca pasou a zoar por Vimianzo, concentrándose no centro e sur do país e deixando A Gándara coma zona seca no domingo. Volvemos atopar o gañador na zona baixa e de novo os artistas consagrados quedan en ridículo cos seus resultados.

A temperatura máxima acadou os 14º C., baixa para a zona e o contexto. A mínima chegou ata os 11º C. no final do día. A cantidade de chuvia foi de uns miserentos (para a maioría) 4 litros, mentras o refacho mñaximo fixóuse en 57 km/h.

Con estes valores e facendo contas atopamos a Bar Pequeno como gañador único da xornada. Perdeu 2 puntos na máxima, somentes 1 nas precipitacións e ata 5 no refacho para un total de 52 puntos. Gran triunfo dun xogador que nos ten acostunados ó millor e o pior indistintamente. Váise achegando lento pero seguro cara o Top-10 de vitorias históricas. Na xeral, pouco que destacar, pois as 3 incomparecencias son un lastre moi custoso. Pero en Vimianzo non tivo rival!!

51 puntos anotou un vello gañador desta nosa competición senlleira. Víbora deixou 5 puntos en chuvia e mantívose regular no resto dos parámetros, acadando unha gran subida na xeral ata o posto 9. Top-10 para el, que fai unha etapa moi destacable. Noraboa meu!!

E de novo M. B. Joaquín entre os destacados, con 47 puntos despois de gañar en soidade en Lira. Chega ata o posto 22 despois de 2 xornadas épicas para el. De ter continuidade neste ritmo, pronto o veremos ameazando o Top-10. Andas na llama!!

E con 45 puntos dous ocupantes da zona baixa que asoman a cachola neste día. Kalandrakas está no posto 27 buscando darse unha homenaxe entre resultados mediocres e semella que pronto dará unha puñada na mesa. Denodeno xa deu esa puñada no vran pero no inverno colle frío e queda xeado. Pero semella se duchou en caldo nesta ocasión. Maravilla leervos no resumo dos mellores!!

44 puntazos, que son moitos en Vimianzo para Compoñente Sur e Popolo. O primeiro recupera sensacións entrando no Top-20, sempre agardamos máis deste gran competidor. Popolo, uns dos decanos da competición asoma por onde fai anos que non estaba, na 2ª posición compartida. Pódese sentir fachendoso despois de tanta vergoña acumulada por anos. Desta vez, o saber ocupa un bó lugar!!

Con 42 puntos, un cuarteto con aspiracións. Julio repite puntuación para colocarse no 12º posto, con Sarabia xusto detrás. Marius xa está 6ºno grupo dos persecutores do liderato. E gran mención especial para Magor, superlideresa nesta 10ª xornada, a gran sorpresa nesta edición, que xa conta con… 16 puntos de vantaxe!! sobre os persecutores.Poderíamos dicir que somentes ela pode perder esta liga, pero mirando atrás non sería a primeira vez que ocorre (mención a Kaltxon, acórdaste?). Pero hoxe ninguén lle pode quitar esa supremacía asoballante. Moit@s están e estiveron ás portas do Olimpo meteorolóxico amateur pero Magor ven coa pata de cabra!! Moito imos ter que remar tod@s para recortar distancias…

Estes son os 10 mellores na estación de A Gándara durante a 10ª etapa da Liga da Inverneira. Para coñecer todo o derenrolo desta escabechina,picano enlace que ofertamos baixo este texto.

Saúde e sorte!!

Nova xornada, a 10ª, con epicentro na Costa da Morte onde se busca a confirmación d@s nov@s aspirantes ou a rehabilitación das vacas sagradas da competición. Semella que imos ter unha nova etapa de borrasca atlántica durante o domingo. Vento e chuvia media-alta é a predicción das axencias profesionais do ramo, pero iso non significa nada para os participantes de eltiempoentuojete, que son quen de poñerse en tela de xuizo cada semana. Estas son as prediccións para A Gándara, a estación meteorolóxica do concello de Vimianzo.

As apostas recibidas para temperatura máxima oscilan entre os 14 e os 17ºC. Polo que respecta ás mínimas, obtivemos valores que van dende os 10 a os 14º C. Na távoa de precipitacións, as cifras están entre os 0 e os 25 litros acumulados. Polo que atinxe ós refachos de vento estes van dende os 15 ata os 89 km/h.

Con tan dispares opinións o que nos depara en A Gándara é unha suma de emoción e incertidume polo resultado final. Esta etapa obligatoriamente deberías seguila ao vivo dende este enlace a partires das 01:40 horas desta mesma madrugada e dende a mañanciña do domingo en horario continuado ata o remate da mesma. E recorda: vento a primeira hora, chuvia dende a noite ata a tardiña e baixada de temperaura no final do día. Non o perdas!!

As apostas:

Sorte e clima!!

Axitada é un adxetivo que se queda curto para o que pasou onte en Lira na 9ª etapa da Liga da Inverneira. Houbo trocos múltiples no liderato da xeral e dous dos máximos aspirantes (os de sempre) estiveron por momentos fora do Top-5 a máis de 15 puntos da cacheira da clasificación. Unha vez finalizada a etapa recuperaron posicións e puntos, pero os dous grandes beneficiarios da xornada colleron unha renda que non ha de ser doado de pechar. Bert fixo das súas no concello de Carnora e a situación troca de escenario, polo menos no alto da clasificación.

A temperatura máxima acadou os 19º C. mentras que a mínima chegou ata os 10º C. (e podemos dar grazas). A chuvia foi o elemento relevante chegando a acumular 55 litros no pluviómetro. Pola parte do refacho, o maior acadóuse na primeira hora do día con 95 km/h.

Con estes valores tivemos (non podía ser doutra maneira) un gañador en soidade, da parte baixa da xerañ, pero que xa acumula a segunda vitoria en soidade neste curso. M. B Joaquín foi o único en chegar ata os 50 puntos, sendo o participante que máis chuvia apostara. Perdeu somentes 4 puntos na auga, outros 4 no vento e 2 nas temperaturas para coronarse de novo nesta edición. Outra vez, Moi Bien Joaquín!!

Só dous puntos por tras está a nova lideresa da clasificación, Magor, que tamén arriscou na auga e saíulle ben. Moi regular en tódolos parámetros asalta a primeira praza e semella mon vai ser sinxelo quitala de alí, tendo unha vantaxe de 6 puntos sobre o segundo e 9 sobre o terceiro. Veremos como encara o duro inverno de Ourense e Lugo. Benvida á élite!!

Ata 42 puntos temos que baixar para atopar o 3º clasificado da etapa. Julio tamén arriscou á chuvia e ademáis de pechar o hoco cos de diante subiu ata a posición 15 dende a 17. Noraboa pola remontada!!

Con 41 puntos entrou Modesto, outro que xogou na chuvia. Tamén pecha un burato importante para chegar ata o 18º posto e notando sensación de melloría. A seguir por este camiño!!

E o segundo clasificado da xeral marcou 40 puntos para situarse por riba dos vellos rivais e quedar a 6 puntos do liderato. Seica Landrán non lle ten medo á chuvia. Ben xogado!!

Suman 39 puntos en cadanseu marcador Breogán77 e Punteiro. Para Breogán77 semella pouca subida pero xa acada Top-20 na xeral. Punteiro sí que nota o empurrón, dende o posto 16 ata o 11º, empatado nun trío que loita por entrar no Top-10. A seguir mellorando!!

Por segunda semana consecutiva no atopamos ós grandes aspirantes entre os mellores da etapa. Será que van vellos e precisan xubilación? Os recambios semella que están preparados para tomar o relevo e cando as dinastías rematan, o baleiro de poder busca novos heroes. Poderás estar entre eles ou pretendes continuar entre os mediocres? Apúntate ó carro dos que se postulan coma candidatos!!

Estas foron as mellores puntuacións da etapa chuviosa en Lira. Para acadar toda a información recabada na 9ª xornada da Liga da Inverneira de eltiempoentuojete preme no botón de enlace que presentamos baixo este texto.

Sorte e clima!!