eltiempoentuojete comprácese en apresentar o XI Torneo de Vran, nesta ocasión viaxamos ata o nordeste de Pakistán, á rexión de Cachemira. A edición 2025 consta de 5 xornadas ó longo da xeografía pakistaní, con inicio e final en Cachemira, na rexión limítrofe e desputada coa India.

O inicio da competición está datado para o 6 de xullo en Chakothi e o remate será o 3 de agosto en Bandi Abbaspur.

Coma sempre, esta competición é a chave que da acceso á Ojete’s Cup, que se desputará ó longo do país de Pakistán, para non marchar moi lonxe. Temos 16 invitacións para outros tantos meteoludópatas que ocupen esas 16 primeiras prazas no Torneo de Vran. Ademáis, non existen etapas de transición no que respecta ás tardanzas. O horario será implacable con aqueles que superen as xa coñecidas 00:00 horas do venres de aposta.

Tamén temos que avisar de que a web tivo un faio catastrófico do que ainda descoñecemos se está recuperada totalmente, polo que se atopades algunha carencia de información ou erro de calqueira tipo, rogamos nola comuniquedes para tratar de arranxala no menor tempo posible.

No caso de dúbidas ou comunicacións de calqueira tipo, podes enviar un mail a eltiempoentuojete@gmail.com

Agardámosvos a tod@s este próximo fin de semana. Xa sabedes que podedes enlear ós vosos coñecid@s para participar nunha competición ainda única no mundo cun desafío tanto lúdico coma científico.

Saúde e sorte!!

Derradeira xornada da XI Liga de Primaveira en Perú, desputada nos cumios andinos de Upina, que deixa a clasificación con poucos trocos. Típica etapa en altitude con temperaturas baixas, chuvia inexistente e vento frouxo que deixou altas puntuacións e un gañador que inscribe o seu nome por primeira vez nesta competición.

A temperatura mínima non baixou na madrugada dos 3º C., un valor que marcaron pouc@s d@s apostantes. Pola tarde acadóuse a máxima diaria con 12º C., agardada tamén por pouc@s. A presencia da chuvia foi inexistente e o vento marcou un refacho máximo de 5.5 m/s, 20 km/h. mornos pero normais para zonas andinas desta altitude.

Desta forma atopamos 3 vencedores que compartillan o trunfo nesta derradeira xornada con 57 puntos. Kaltxon e Botikas loitaban pola 6ª praza, que quedou nas mans de Botikas ó acadar ambos a máxima puntuación da xornada, tendo unha aposta idéntica. O outro premiado foi Julio, que lle servíu para levar o título final. Fallou na temperatura máxima pero mallou o resto dos parámetros. Gran etapa xogada polos 3, ocupando o Top-10.

56 puntos acadaron outro trío de competidores. Landrán, Verducido e Lume tamén andan polos postos altos, ainda que o desempate non favorece a Lume, que remata na gurgulla da 11ª praza. Landrán mantivo con comodidade a 8ª praza. A quen sí beneficiou o desempate foi a Verducido que recortou a distancia con Breogán77 ata empatar. Tivemos que chegar o segundo nivel, xa que no primeiro ambos presentaban unha vitoria. A maior entidade da puntuación da pertencente a Verducido dóulle o terceiron caixón do podio.

Outro trío acadou 55 puntos. Víbora, Mingos e Compoñente Sur non remataron no Top-10 ainda que loitaron para elo. Víbora e Mingos subiron dous chanzos na clasificación para rematar no 14º e 15º posto respectivamente. Non puido ainda que quedou preto Compoñente Sur, finalizando no posto 18.

E 54 puntos para Beocha e Denodeno, que acada o seu segundo podio histórico con esta 2ª praza final. Nunca na súa carreira foi aspirante a ningún título pero a constancia ten premio e xa nos vai acostumando a asomarse nestas competicións secundarias de primaveira e vran. Beocha, polo seu lado, finaliza nunha 5ª posición. Non é doado vela fora do Top-10 e sempre preto do podio. Só lle falta rematar cunha vitoria en competición. Alle de chegar…

Ainda que nesta semana teremos un resumo máis exhaustivo, nun pequeno análise moi concreto, damos coma vencedor a Julio, con Denodeno e Verducido no 2º e 3º posto. O 4º lévao Breogán77 e o 5º Beocha. Por tras, o omnipotente Botikas, 7º posto para Landrán e 8º para Kaltxon, con Sarabia no 9º e Rasdgar no derradeiro lugar do Top-10 gañando o desempate a Lume.

Para acadar tódolos datos recollidos na derradeira etapa da XI Liga de Primaveira pica no enlace baixo este texto.

En breve daremos conta do inicio do XI Torneo de Vran, o que da acceso ós 16 mellores a desputar a Ojete’s Cup, competición faciana-a-faciana que pon fin á tempada meteorolóxica de eltiempoentuojete. Para este vran, se non o desfai Irán, India ou Israel, visitaremos visitaremos Azad Kashmir (Cachemira), en territorio de Pakistán. Non che digho nada e díghocho todo.

Saúde e clima!!

Xornada final da XI Liga de Primaveira en Perú e todo semella indicar que quedará o título entre os 3 primeiros clasificados. Upina, a máis de 3800 metros de altitude será o campo de batalla que vai escoller o campión desta edición da primaveira en eltiempoentuojete,

As apostas en temperatura máxima están moi pechadas e van dende os 7 ata os 15º C. con dúas apostas en alza, con 17 e 21º C. respectivamente. Os valores para as mínimas oscilan entre -2 e os 5º C., con unha aposta alta, con 11º C. As precipitacións móvense nun rango de baixa amplitude de entre 0 e 5 litros, mentras que os refachos de vento van dende os 10 ata os 30 km/h.

Semella compricado de predicir un vencedor e haberá que agardar ata o derradeiro minuto da xornada, xa no noso luns ó amencer, para obter un resultado definitivo. Non deixes de seguir a xornada ao vivo dende este enlace a partires das 10:30 da mañanciña do domingo, debido ás diferencias horarias co país andino. Para atopar os datos actualizados, busca no mapa (despois de descartar as estacións convencionais e deixar só as automáticas) Upina, a estación máis ó leste de Cuzco.

As apostas:

Saúde e sorte!!

A penúltima etapa da XI Liga de Primaveira en Perú déulle a volta á clasificación xeral. O contraste das apostas en auga, xunto a unha inesperada xornada seca, revolucionou de tal forma a orde a distribución das posicións que vai ser imposible (ou case) para @s dagnificad@s recuperar unha xerarquía que quedou nas mans xogadores persecutores, que, en moitos casos, apenas contaban como aspirantes a falta de somentes dúas citas.

A temperatura mínima baixou na madrugada ata os 21º C., un valor que marcaron moit@s d@s apostantes. Pola tarde acadóuse a máxima diaria con 29º C., agardada tamén por moit@s. A presencia da chuvia foi inexistente e o vento marcou un refacho máximo de 2.3 m/s, 8 km/h. miserentos pero normais para zonas selváticas desta latitude.

Por 2ª semana consecutiva repite a gañadora, vella coñecida do grupo de vacas sagradas de eltiempoentuojete. Mina, con 58 puntos, volveu marcar diferenzas cun marcador ó que pouc@s se achegaron. Mallou temperatura máxima e refacho, perdendo cadanseu punto no resto de parámetros. Pena que veña dende moi abaixo da táboa, con estes resultados estaría optando a título. Ascende ata a posición 14 e ainda soña con acadar o Top-10.

Pero para subida impresionante a de Denodeno, con 56 puntos e que ascende dende a 8ª praza ata a 2ª. Deixa de ser cabaza de inverneira a dama de honra na primaveira e no vran. E esta vai ser a súa grande oportunidade de gañar un título, somentes dous puntos por baixo do líder a falta dunha única xornada. Sería a badalada histórica que lle daría o recoñecemento a un dos seus designios, “Eu non vou cambiar, que cambie o clima…”.

Unha máxima que tamén podería ser de Bar Pequeno se no se perdese unha etapa. Os seus 54 puntos estarían no que se coñecería coma “primaveira miúda“, o levantamento dos desafiuzados. Con esa etapa desperdiciada de seguro ocuparía o Top-10 da xeral. A realidade, posición 22 ainda que con gañas de rematar cunha alegría.

Outro membro desa primaveira miúda é Rasta, con 53 puntos, que sucede a Bar Pequeno na xeral no 23º posto. Unha etapa perdida pode significar o esquecemento e de seguro que moitos remordimentos.

Sen embargo atopamos con 50 puntos a Rasdgar, que froito desta puntuación acada o Top-10 e a posibilidade de mellora na derradeira cita. Outro dos que optou pola chuvia cativa e obtivo recompensa. E ainda pode soñar…

49 puntos para Magor, que ó fin asomou a cacheira. Nunca é tarde para buscar un obxectivo. Pasa do 16º ata o 13º posto e terá a oportunidade de ingresar nun Top-10 que semella compricado ainda que non imposible. Os campión deben dar a faciana sempre.

E 46 puntos para Breogán77 que se encarama ata a 3ª posición, a 3 puntos do líder e que tamén podería dar a sorpresa na cita final. Agochado na 5ª praza, trepa no momento definitivo para multiplicar as súas opcións.

Estes foron os 7 mellores marcadores en Güeppí. Remarcar o liderato de Julio, que marcou 44 puntos o domingo para ser o máximo aspirante ó título de primaveira. Os antigos líderes, Beocha e Verducido, ocupan 4ª e 5ª praza. e o antiguo 4º clasificado, Botikas, ocupa agora a 5ª praza. Os 3 lonxe de recuperar o perdido, ainda que os miragres suceden.

Para acadar tódolos datos recollidos na 8ª etapa pica no enlace baixo este texto.

Sorte e clima!!