A penúltima xornada da X Liga de Primaveira de eltiempoentuojete semella vista para sentenza, polo menos no que atinxe ó vencedor final, que non noutras posicións onde a loita quedou para o derradeiro día de competición en Eslovenia. Foron moitas as altas puntuacións nunha etapa moi desputada ó sair como a maioría dos meteoludópatas pronosticaran o venres. E non tivemos un pleno de puro milagre, ó acadar a máxima puntuación ata dous dos apostantes, ata que a chuvia puxo fin ó prodixio pasaxeiro.

A primeira temperatura que se rexistrou nada máis comezar a xornada foi xa definitiva, con 13º C. Dende ese momento somentes foi cara enriba, acadando o seu máximo na hora do café con 25º C. A chuvia fíxose agardar ata a noitiña, cando entre o lusco e fusco comezou a chover de maneira preguiceira pero que logrou sumar un litriño que decidiu moitas cousas. Xa no abrente do domingo definírase o maior refacho do día con 17 km/h. A subida deste refacho soterrou as esperanzas de Pájaro de facer un pleno na sua primeira competición con nós. Posteriormente a chuvia sepultou o soño de Rasta.

Rasta puido arrincar unha vitoria compartida con 59 puntos e somentes ese erro na predición de chuvia. Tivo que repartila co pior dos compañeiros de viaxe, Botikas. Así, Rasta trepa ata o posto 23, mentras o líder mantén a posición, estendendo a diferenza sobre os persecutores e afianzando, non sendo unha treboada, a vitoria final na competición. Catro puntos sobre Verducido, nove sobre Landrán e dez con Beocha fincan con case absoluta certeza o mantemento da dictadura do mellor. O resto, agardaremos a treboada…

58 puntos sumaron Beocha e Pájaro, que estivo a punto de entrar na historia de eltiempoentuojete pola porta grande e tivo que conformarse coa chave da cancela, quedando a un só punto do Top-10 que semella ser o seu obxectivo. Debe loitar cun mítico da porra, Víbora. Mal inimigo para a derradeira xornada. Case no mesmo caso está Beocha, que ven de recuperarlle 8 puntos en 2 xornadas a Landrán, chanzo último do Top-3, que de ser depredador pasa a ser presa que debe manter o seu status. Boas loitas na despedida.

Catro xogadores asinaron 57 puntos. Verducido ve como fuxe a posibilidade de vitoria e ademáis co tipo de sempre. Eso sí, semella ter asegurado o 2º posto logo de alonxarse de Landrán. Para Sarabia, Marius e Mingos foi un pequeno sopro de aire fresco dentro da mediocridade da sua competición. Grandes aspirantes que non tiveron sorte no Adriático, pero que de seguro volveremos falar deles en situacións máis favorables. Para o derradeiro domingo non agardan melloras considerables.

Estes foron os 8 mellores en Flegi, a penúltima xornada da competición de Primaveira. Pero hai moita máis información, á que podes acceder dende o enlace que ofertamos baixo estas letras. A mellora ainda é posible para moit@s meteoludópatas amateurs!!

Saúdos e clima!!

Flegi é a estación meteorolóxica que da nome á penúltima etapa da Liga de Primaveira. Kostabona é o núcleo de poboación importante máis preto dela. Eiquí vaise decidir moito do resultado final da competición. Seica estamos en época tormentosa nesta parte do mundo, á conta dos dous derradeiros días, con máis de 60 litros diarios o xoves mais o venres. Isto non se ve reflexado na táboa de apostas para o domingo polo que quizais non sexa tan importante este parámetro. Pero hai outros…

As apostas para as temperaturas máximas encádranse entre os 22 e os 27º C. Para as mínimas atopamos valores dende os 11 ata os 16º C. Un pouco máis da metade dos meteoludópatas predín seca durante o domingo, mentras pouco menos da metade apostan por precipitacións mínimas de entre 1 e 5 litros. Polo que atinxe ó refacho de vento recibimos valores de entre 9 e 26 km/h.

Moi apertada e emocionante agardamos a etapa do domingo, etapa que non podes deixar de seguir ao vivo dende este enlace, a partires das 02:00 horas desta madrugada e dende a mañanciña do domingo ata o final do día. Non agardes a que cho conten!!

As apostas:

Saúde e sorte!!

Cada vez son máis decisivas as etapas a desputar, ainda que a de Nove Jarse o que trouxo foi máis incertidume ós postos cabeceiros. Cando tod@s apostabamos por chuvia, en Ljubljana esta non dou sinais de vida e os puntos tivemos que dirimilos pola diferenza desta seca.

A temperatura mínima fixóuse nas primeiras horas da noitiña con 13º C. que xa foron definitivos. No mediodía acadáronse os 23º C. de máxima e a chuvia que se agardaba pola tardiña non chegaba. E finalmente non mollou o pluviómetro en Nova Jarse. Os refachos de vento, coma sempre, foron frouxos e quedaron nuns miserentos 15 km/h.

E con estes resultados obtivemos un gañador en soidade con 58 puntos. Verducido mallóuno todo agás a cantidade de chuvia, na que perdeu eses dous puntos. Dende a 3ª praza superou a Landrán na 2ª despois de roubarlle 6 puntos e queda a somentes 2 puntos do liderato. A loita pola Liga de Primaveira está máis viva ca nunca, con un mínimo de 3 posibles vencedores, se non ascenden máis meteoludópatas do Top-10.

56 puntos para Beocha, que perdeu 3 na pluviosidade e 1 máis no refacho. Supera a Julio pola 4ª prazae sitúase a 5 puntos do podio e semella que ainda ten moito que dicir nas 2 xornadas que restan.

O líder Botikas obtivo 55 puntos para manterse no máis alto da clasificación, desta vez con Verducido nas súas costas. Colleu aire con Landrán pero non pode descoidarse del. Bo resultado se o comparamos con outr@s competidores do Top-10.

Non se poden queixar Kaltxon e Denodeno con 54 puntos. O fallo de Kaltxon estivo na auga e o de Denodeno nas temperaturas, pero poden dar cun canto nos dentes. Os dous manteñen a posición pero achéganse a só 3 e 7 puntos respectivamente da 5ª praza de Julio.

E con 52 puntos atopamos a Landrán e Pájaro. Para Landrán non foi un bó día, perdendo a 2ª praza, pero as diferenzas son mínimas. Dous puntos con Verducido e catro co líder Botikas. Só ten que agardar un mellor día. Pájaro volve ás portas dun Top-10 que perdeu por penalización e que semella querer recuperar a toda costa. Sería un gran resultado na súa primeira participación nas competicións meteorolóxicas de eltiempoentuojete.

Estes foron os 8 mellores clasificados na etapa de Nove Jarse. Para acadar tódolos datos resultantes da 8ª etapa, en Nove Jarse, pica no enlace que ofertamos baixo estas letras.

Saudos e sorte!!