Gran susto o que levamos os que estabamos erguidos no inicio da etapa en Barrackpore cara as 02:30 da madrugada. A estación non proporcionaba datos de ningún tipo e tememos pola posible suspensión da xarnada. Pero á mañanciña seguinte pudemos constatar que comezou a presentar os datos ás 04:45 (hora da estación) e ó longo do día non deixou de traballar e acadou máis do 75% dos necesarios para confirmar os resultados (con menos do 75% dos datos totais anúlase a xornada. Regulamento.)

A temperatura máxima da xornada acadóuse a media mañá con 33º C. mentras que pola mínima houbo que agardar ata o final do día, asinando 28º C. Non sabemos se choveu nas primeiras 4 horas de xornada, pero o resultado final amosa seca total. O refacho de vento foi moi leve, chegando somentes ata os 7 nos, uns 13 km/h.

A vitoria con 56 puntos foi para Beocha no lado vermello do cadro, que só fallou os 3 puntos da chuvia e 1 no refacho. Grande vitoria que lle permite avanzar cara a final B, a do lado dos perdedores da 1ª eliminatoria. Polo lado verde Verducido con 55 puntos e Denodeno con 54 foron os máis destacados.

Progresando cara a semifinais temos a Landrán, que a conta dunhas temperaturas perfetas e acadando un punto máis na chuvia superou a Rasta por 3 puntos. Grande actuación para un gran resultado.

Mesmo caso para Verducido que mellorou nos mesmos aspectos as apostas de Botikas, que ve truncada o seu camiño cara a final e buscará o 5º posto como mellor resultado.

Denodeno, desatado en Bengala superou a Michi por mellor coeficiente de chuvia e un refacho perfecto. Semifinal histórica para a sorpresa, non só da Ojete’s Cup senón de todo o vran.

Mingos deu conta de Compoñente Sur polo seu acerto en pluviosidade e mallando tamén o refacho, o que pode ser a súa mellor actuación nesta competición ó chegar a semifinais.

Polo lado vermello Punteiro deu un paso adiante pola incomparecencia do cacheira de serie número 1, Bar Pequeno. E iso que chegou con penalización…

Víbora e Pájaro tiveron que agardar pola foto finish despois de empatar a puntos no final do día. Pájaro mallou o refacho, o factos decisivo para o desempate e segue dando boas sensacións. Buscará a final B.

A vitoria de Beocha servíulle para navegar cara esa final B do cadro despois de desfacerse de Julio, que fixo unha boa xornada, pero o igual que Beocha na rolda inaugural, de pouco lle servíu.

Sarabia obtivo a maior diferenza de puntos o ser a única en mallar a seca en Barrackpore. Os 16 litros de Marius destrozaron os bós resultados acadados no resto dos parámetros, onde estivo moi acertado.

Deste xeito teremos unhas semifinais entre Landrán e Verducido por un lado e con Denodeno e Mingos polo outro. Polo 5º posto loitarán Rasta con Botikas e Michi con Compoñente Sur.

Buscando a final B temos a Punteiro con Pájaro e a Beocha con Sarabia, interesante batalla feminina. Tentando evitar a 3ª derrota consecutiva estarán Bar Pequeno contra Víbora e Julio frente a Marius.

Se queres escudriñar tódolos datos acadados na 2ª rolada da Ojete’s Cup en Bengala, preme no botón de enlace que presentamos baixo este texto.

Sorte e clima!!

Segunda rolda da Ojete’s Cup en Bengala cuxo desdtino desta volta é Barrackpore, no sur do estado. Para os participantes do lado verde do cadro, os que gañaron a súa primeira confrontación, é unha busca das semifinais do torneo, mentras que para o resto é unha oportunidade de clasificar o mellor posible e rematar coa cachola alta. As prediccións falan de temperaturas altas, probabilidade de chuvia media e vento frouxo coma case sempre.

As apostas para temperatura máxima oscilan entre os 31 e os 35º C. Para as mínimas, temos rexistros dende os 25 ata os 28º C. No parámetro de chuvia, os valores colleitados van dende os 0 ata os 16 litros. No que atinxe ó refacho de vento, as cifras varían dende os 12 ós 36 km/h.

Na busca das semifinais, Rasta e Landrán apenas se diferenzan nun par de grados de temperatura e un único litro de chuvia. Moi aparellada esta eliminatoria.

No mesmo caso atopamos a Botikas e Verducido, cun grado e dous litros de separación entre as súas apostas. Outra foto finish en aparencia.

Denodeno e Michi só comulgan na pequena cantidade de chuvia,no resto semellan moi divididos. Pero moita variación non indica diferenzas de puntuación.

Compoñente Sur e Mingos marcan as súas diferenzas no refacho de vento e na temperatura máxima. O resto son lixeiras disparidades.

Polo lado vermello do cadro, a eliminatoria entre Bar Pequeno e Punteiro semella un desastre. Un non se apresentou e o outro chegou tarde. Punteiro ten as de gañar porque é o único con apostas.

Víbora e Pájaro manteñen discrepancias no tema do vento. Polo resto, non teñen maiores desigualdades.

Tampouco Julio e Beocha semellan estar en desacordo. Pequenas variacións sen importancia nos seus valores.

Sarabia e Marius non están para nada de acordo na cantidade chuvia. Os seus refachos son tamén moi diferentes.Duas formas distintas de ver a xornada de Barrackpore.

Con estes datos agárdanos unha etapa moi interesante, con emoción ata o derradeiro suspiro con 16 competidores que buscan mellora. Non podes deixar de seguila ao vivo dende este enlace a partires das 02:30 horas desta madrugada e dende a mañanciña do domingo ininterrumpidamente ata o final do día. A melloría pode ser un feito!!

As apostas:

Saudos e sorte!!

Unha vez desputada a primeira rolda da Ojete’s Cup en Bengala temos que anunciar algunha sorpresiña nos enfrontamentos en Balurghat. Pero antes imos facer un breve repaso do acontecido nesta xornada inaugural.

A chuvia foi determinante en moitas das batallas planteadas en Balurghat e non se fixo agardar. Nas duas primeiras horas do domingo cairon 10 litros de chuvia que foron definitivos ó final do día e que foron acertados por un dos gañadores. Tamén as temperaturas tiveron algo que dicir, cunha máxima de 33º C. e unha mínima de 26º C., que foron atinados polos outros dous vencedores. O refacho de vento fóise ata os 8 nos, equivalentes a 15 km/h. e que tamén mallaron estes 2 últimos trunfadores.

Rasta, Verducido e Michi levaron o premio e o pase á seguinte fase pola parte boa do cadro con 58 puntos. Michi mallou a chuvia e perdeu 2 puntos no resto dos parámetros, mentras Rasta e Verducido perderon 2 puntos na auga cravando temperatura e vento. Gran resultado para os tres que engaden unha nova vitoria nas suas estadísticas históricas.

Grandes resultados para Beocha con 57 puntos e Pájaro con 54 pero que toparon cos mellores valores na súa contra e pasan á parte vermella do cadro moi o seu pesar e ds grandes puntuacións obtidas.

No repaso dos enfrontamentos, o derradeiro cacheira de serie, Rasta, venceu ó número 1, Bar Pequeno, que desta vez non atinou ns suas prediccións de chuvia miúda e petou contra unha gran aposta de Rasta que o deixa fora dos 8 mellores. Landrán (9) superou a Punteiro (8) grazas a penalización por tempo, senón, quizais outro galo cantaría, nun duelo que prometía igualdade polas posicións iniciais de ámbolos dous. Rasta, o mataxigantes, enfrontarase a Landrán no camiño ó título e Bar Pequeno e Punteiro loitarán por gañar a final B, a do cadro vermello.

Botikas (4) e Víbora (13) pelexaron entre lendas e o resultado caeu para o de sempre. Grandes apostas as de ambos xogadores que se decidiu pola cantidade de auga. Verducido (5) fixo unha gran xornada con pleno en temperaturas e refacho e perdendo 2 puntos na auga, polo que o soño de Pájaro (12) quedou truncado a pesares da gran aposta ofertada. Combate de titáns en segunda rolda entre os 2 meteoludópatas máis laureados, unha final anticipada. Polo outro lado do cadro, Víbora tentará resarcirse ante a gran promesa desta tempada, Pájaro.

Non ofreceron a súa mellor faciana Julio (15) e Denodeno (2), pero este último leva o premio do pase á zona verde do cadro na batalla máis seca de entre as que se xogaban. Beocha (7) e Michi (10) ofreceron un gran espectáculo con duas das mellores puntuación desta 1ª rolda, caendo a vitoria do lado de Michi, que se enfrontará a un inimigo con anos de experiencia pero en racha dende fai un par de meses. Combate con final impredecible. Julio e Beocha seguen na loita pola final B.

Compoñente Sur (3) venceu na sua loita con Sarabia (14) por só un punto decisivo de auga. Igualdade máxima entódolos parámetros. Non foi así no choque entre Mingos (6) e Marius (11), onde gañou en tódolos parámetros agás o vento. 6 puntos de diferenza que anima a Mingos na súa próxima disputa con Compoñente Sur, que semella estará moi apertada. Sarabia e Marius buscarán a súa primeira vitoria e na procura da vitoria na banda vermella do cadro.

Este é un resumo do acontecidona xornada inaugural de Balurghat. Para completar a información e indagar no cadro de segunda rolda podes picar no enlace que ofertamos baixo estas letras. Non esquezas que ainda que perderas na primeira rolda o xogo continúa para tí, na busca da mellor clasificación posible, onde somentes un participante pode gañar todos os enfrontamentos e só un deles vai quedar sen acadar vitoria. Loita por non ser ese personaxe!!

Saudos e sorte!!