9ª xornada
Ottawa
Entorno
É a capital do Canadá. Situada na marxe sur do río Ottawa, na parte sur da provincia de Ontario. As poboacións locais utilizaron a zona para a recolección de comestibles salvaxes, caza, pesca, comercio, viaxes e campamentos durante máis de 6.500 anos. Ottawa está situada na terra tradicional dos algonquinos, pobos indíxenas que están estreitamente relacionados cos pobos Odawa e Ojibwe.
Étienne Brûlé, foi considerado como o primeiro europeo en percorrer o río Ottawa, pasou por Ottawa en 1610 camiño dos Grandes Lagos . Tres anos despois, Samuel de Champlain escribiu sobre as fervenzas da zona e os seus encontros cos indios algonquinos, que levaban séculos usando o río Ottawa. Moitos misioneiros seguiron aos exploradores e comerciantes. Os primeiros mapas da zona usaban a palabra Ottawa, derivada da palabra algonquina adawe (‘comerciar’, usada en referencia á importancia da zona para os comerciantes das Primeiras Nacións), para nomear o río. Philemon Wright , un neoilandés, creou o primeiro asentamento europeo na zona o 7 de marzo de 1800 no lado norte do río, fronte á actual cidade de Ottawa en Hull . El, con outras cinco familias e vinte e cinco traballadores , púxose a crear unha comunidade agrícola chamada Wrightsville. Wright foi pioneiro no comercio de madeira do val de Ottawa.
Desde a década de 1960 ata a década de 1980, a Rexión da Capital Nacional tivo un boom da construción, que foi seguido dun gran crecemento na industria de alta tecnoloxía durante as décadas de 1990 e 2000. Ottawa converteuse nunha das maiores cidades de alta tecnoloxía de Canadá e foi alcumada Silicon Valley North.
Ottawa ten un clima continental húmido (con catro estacións distintas e está entre as Zonas 5a e 5b na Escala de rusticidade vexetal canadense. A temperatura máxima media de xullo é de 26,6° C. A temperatura mínima media de xaneiro é de -14,4° C.
Localización
Datos da estación
