eltiempoentuojete
VII Liga da Inverneira de Galicia
eltiempoentuojete comprácese en apresentar a 8ª tempada de competicións meteorolóxicas.
E comezamos coa nosa Liga máis completa, a raíña da meteoroloxía amateur. A VII edición da Liga da Inverneira de Galicia está preparada e busca un campión.
A edición 2020/21 consta de 26 xornadas ó longo da xeografía galega, con inicio en Corrubedo e final en Xesteiras, no concello de Cuntis.
As etapas son case as mesmas dos anos anteriores. Tivemos que trocar a estación de O Castrove, por faios no seu funcionamento. A estación suplente é a de A Gándara, en Vimianzo, na Terra de Soneira na Costa da Morte. Volta traballar a estación de Lardeira, das máis extremas do país. Ademáis, a estación de Muralla, en Lousame, que traballaba coma suplente, incúese entre as etapas escollidas para esta edición.
O inicio da competición está datado para o 27 de septembro en Corrubedo e o remate será o 21 de marzal en Xesteiras.
O noso provedor de datos vai ser o de sempre, o servizo galego de meteoroloxía habitual, Meteogalicia. Podes consultar tódolos datos na sua web, ainda que nós proporcionaremos os enlaces precisos para poder seguir o desenrolo da xornada ao vivo. As estacións de Meteogalicia actualizan os datos cada 10 minutos, o que fai máis dinámico o xogo. Ante calqueira faio avisaremos o antes posible e tentaremos trocar as estacións que non produzan os datos necesarios.
O horario de apostas segue a ser o mesmo. Aposta antes das 24:00 horas do venres e etapa ao vivo no domingo. O periodo de xogo vai dende as 0:00 horas do domingo ata as 23:59 do mesmo día.
As penalizacións seguen vixentes para @s retrasad@s que aposten despóis do horario previsto. Durante as primeiras 6 xornadas perdoaremos a quen aposte antes da 01:00 horas, sempre que non o faga por 3ª vez. Ou sexa, podes chegar tarde duas veces, nas 6 primeiras xornadas, pero sempre antes da 01:00 horas. Este periodo está feito para adaptar o horario á xente olvidadiza e con retardo.
Despóis da 6ª data as penalizacións serán implacables con calqueira que sobrepase o tempo límite de aposta.
No caso de dúbidas ou comunicacións de calqueira tipo, podes enviar un mail a eltiempoentuojete@gmail.com ou dende o Formulario de contacto Fala con nós! na páxina principal do blog. (na dereita dos PC’s e embaixo nos teléfonos)