Cúmulos. As nubes dos nenos

Son nubes illadas e de alta densidade. Moi semellantes ás nubes de algodón ou as pombas de millo. Poden estar en crecemento, adoptando forma de coliflor. Adoitan ter unha base case plana grisácea. Un pouco máis escura que o resto da nube, branca case pura, incluso brillante.

O tamaño dos cúmulos ven descrito polas suas catro especies. Humilis é plana, mediocris case cadrada e congestus é máis alta que ancha. Éstas poden dar lugar a cumulonimbos tormentosos. Tamén podes velas esvaecerse, como nas noites de vran ou días ventosos. Chámanse fractus.

Os cúmulos xerminan nos días de vran con baixa humidade e pouco movimento vertical do aire. Entón podes agardar tempo solleiro. Pero cando existe humidade alta e correntes ascendentes poden dar lugar a chuvias e incluso a cumulonimbos e fortes treboadas.

Ainda sendo nubes catalogadas no nivel baixo da troposfera, a especie congestus pode alcanzar o nivel medio. Ás veces chega a un tope de altura e forma un chapeu no alto do cúmulo. É o chamado pileus, unha nube accesoria.

Formación:

Están formados por convección. As correntes termáis levan a humidade ata unha altura onde poden condensar. Por iso os cúmulos teñen un crecemento vertical. Poden chegar moi alto e converterse en cumulonimbos. Adoitan aparecer a miudo no tempo de anticiclóns e no vran. Pero con o tempo axeitado pódense formar en calqueira momento do ano.