Penúltima etapa da IX Liga de Primaveira na capital canadiana, Ottawa. As temperaturas estiveron dentro do agardado pola maioría, acadando unha mínima na madrugada que chegou ata os 8º C. A máxima marcóuse na sobremesa con 22º C. A chuvia non fixo aparición e os refachos de vento quedaron un pouco por baixo do apostado, sinalando 32 km/h. no retoque do histórico.
Tres meteoludópatas conseguen a vitoria compartillada con 58 puntos. Beocha, Aki e Nanuq acadaron 19 puntos na temperatura, 20 na chuvia e 19 no refacho de vento. Beocha ascende ata a 5ª praza e loitará por acadar podio na derradeira xornada. Aki está na praza 13 e vai buscar o Top-10 na etapa final. Nanuq chega ata a 20ª posición e traballará por mellorar o seu posto dentro do posible.
Ata 11 competidores sumaron 57 puntos no marcador. Botikas xa ten medio trofeo gañado, con 4 puntos sobre o segundo e agarda unha xornada final o máis plana posible. Marius, Punteiro e Lukas tentan atacar o Top-5 dende as posicións do 6º ó 8º e semellan rematar forte. Modesto e Compoñente Sur loitarán por acadar o Top-10 da xeral. Iago e Michi entran no Top-20 e ainda agardan superar esa cota. Budainca, no posto 22 ten coma obxetivo entrar no Top-20. Balboa está no 25º lugar, con futuro incerto. Belenchis, cunha xornada menos, segue tentando ascender na táboa xeral.
Se queres entrar nos detalles do acontecido na etapa de Ottawa, pica no enlace que expoñemos embaixo este texto.
Polo que respecta á OjeteQuake 2022, temos 2 vencedores ó unísono. Marius e Iru acadan 466 puntos a partires do sismo rexistrado no Golfo de Bengala, cara o Mar de Burma. Marius obtivo a aposta máis achegada, mentras que a de Iru, máis lonxe, tiña mellor coeficiente de Magnitude. Os dous comparten unha traxectoria irregular e podemos atopalos máis aló do posto 20. Agardamos que sexa esta vitoria un acicate cara o que queda de competición. Sarabia, dende o centro de China, quedou a somentes 1 puntiño dos vencedores, ainda que circula na mesma zona baixa da clasificación xeral.
Para acadar tódolos detalles do acontecido na 9ª etapa da V OjeteQuake 2022, preme o enlace que deixamos baixo este párrafo,