Esta etapa da Serra da Faladoira volveu ser seca, o que fixo que as puntuacións xerais foran altas e case na súa totalidade por riba dos 50 puntos. Semella que os aspirantes con máis peso van chegando o Top-10, polo que se non estás neste clube mellor vai espabilando porque o tren non agarda por ninguén. Nesta 6ª xornada de competición as temperaturas foron frescas e con pouca amplitude térmica con ventos tirando a fortes, cunha escaseza de chuvia que deu coma resultado marcadores moi parexos nas partes altas da xeral.

Enrico Ferni volve repetir vitoria e amósase coma aspirante capaz de batir unha marca ainda inédita. A de gañar unha liga con penalización enriba. Os 57 puntos acadados foron suficientes para gañar en soidade e colocarse na segunda praza compartida ainda que con mellor coeficiente de vitorias. Fulano a ter moi en conta.

E 56 puntos para tres compoñentes do Top-10. Popolo segue na súa marcha constante e esta semana ocupa a 7ª praza compartida pero moi preto dos mellores da xeral. Julio, na 3ª posición comparte puntos co segundo da xeral e gañador semanal. Kaltxon volve amosar quén é, recuperando terreo a marchas forzadas e entrando nos 10 mellores arrombando con todo.

Ata 8 competidores comparten puntuación con 55 puntos. Magor, Modesto e Lume, que comparten a derradeira praza do Top-10. Breogán77, que volve o Top-20. Botikas, que segue coma líder destacado. Xowi, que ascende á 6ª posición. Marius vai saindo do pozo e esta semana remata na praza 16.

Estas son as 12 posicións principais na clasificación desta semana na Serra da Faladoira. Para acadar tódolos datos recollidos na 6ª e de novo seca etapa da XIII Liga da Inverneira, pica na ligazón baixo este texto.

Agardando pola chuvia!!

Deixamos atrás un mes de outubro con baixa precipitación, escaseza de borrascas atlánticas e unhas temperaturas mornas para o seu tempo acompañadas de máis días solleiros dos agardados. Entramos con preocupación no mes de novembro e semella que estes primeiros días van seguir a tendencia de outubro. Para o domingo na Serra da Faladoira non se agardan trocos cos dos derradeiros días.

As apostas en temperatura máxima están bastante pechabertasadas, indo dende os 13 ata os 18º C. Os valores para as mínimas oscilan entre 7 e os 12º C., unha oscilación tamén aberta. A precipitación é un parámetro sen incógnita, con todos os casilleiros con valor 0 litros. Mentras. os refachos de vento van dende os 22 ata os 67 km/h., sendo o parámetro máis aberto.

Semella compricado predicir vencedores con estas diferenzas de carácter medio en case tódolos parámetros e haberá que agardar ata o derradeiro minuto da xornada, cara as 02:30 horas do lunes. Non deixes de seguir a xornada ao vivo dende este enlace a partires das 01:30 da madugada do domingo, o levar Meteogalicia 1 horas e media de retraso no aporte de datos con respecto ó horario de Galicia. O cambio de hora modificou este tema.

As apostas:

Sorte e clima!!

Dende eltiempoentuojete damos conta dunha revisión feita por Meteogalicia con respecto ós resultados recollidos este pasado domingo en Ponte Caldelas. A chuvia segue invalidada, as temperaturas non mudaron pero a corrección ven nos refachos de vento, que dos 52 km/h. iniciais recortan o dato ata os 16 km/h. definitivos.

Por falta de tempo non imos facer un resumo novo, pero sí temos que felicitar ós vencedores. Magor, Rasdgar, Enrico Ferni e Modesto foron os merecedores de trunfo tras a recalificación do refacho. 37 puntos e unha vitoria compartida no seu casilleiro.

Por outra banda pedir desculpas ó vencedor inicial, Rasta, polo mal trago que ha de estar a pasar. Facémolo porque o diaño castigador de Meteogalicia non se vai desculpar e agardamos non nos moleste máis con este tipo de falcatruadas.

Para acadar tódolos datos recollidos na 5ª e errática etapa da XIII Liga da Inverneira, pica na ligazón baixo este texto.

Saúdos e desculpas!!

Esta 5ª etapa da Liga da Inverneira víu marcada polo comportamento errático da cazoliña da estación meteorolóxica de Ponte Caldelas. Non aportou datos ata o mediodía, cando de repente sinalou case 4 litros, información que mantivo ata o remate da xornada. Pero cando solicitamos os datos que se ingresan no histórico da estación, estes foron invalidados e encaixados coma “Datos non rexistrados”, o que invalida o parámetro de chuvia. Pero como foi ese o único con erro, a xornada pódese completar cos outros dous e eiquí temos os resultados.

As temperaturas non tiveron excesiva amplitude, cunha máxima de 16º C. e unha mínima de 11º C. A presenza da chuvia era de probabilidade media-baixa, pero o final do día o pluviómetro cancelou os datos amosados e anulóuse o parámetro. O vento marcou un refacho máximo de 52 km/h., unha cifra alta para o acontecido no resto do día.

Con somentes dous parámetros e eliminado o da chuvia, sorpresivamente tivemos un gañador en soidade, que podemos achacar a que tiña o refacho de vento máis alto da lista de apostas. Rasta sumou 36 puntos en Ponte Caldelas, todo isto feito dende o derradeiro posto da clasificación entre os que non se perderon ningunha etapa. 19 puntos nas temperaturas e o mellor dato de vento levóuno á vitoria. Posto 23 para el na xeral, pero cun trunfo no casilleiro.

Rasdgar e Julio anotaron 35 puntos para mellorar na xeral. Rasdgar ponse a pé de Top-10, con moit@s xogadores na súa mira. Pola súa banda, Julio recortou 5 puntos ó líder Botikas, situarse a 4 puntos da cacheira e despegarse dos persecutores outros 5 puntos. Semella que imos tendo loita pola parte alta.

E ata 6 participantes acadaron os 34 puntos. GAWF segue a transmitir boas sensacións na súa traxectoria inicial. Recupérase a modiño e ascende ata a 19ª praza. Xusto tras del atopamos a Breogán77, no posto 20 e tamén en fase de recuperación. Un pouco por riba, na 17ª praza, Denodeno encadena bos resultados e semella nun momento doce. Popolo tamén está neste clube e entra no Top-10 na 8ª praza. Víbora acompaña ó grupo dos “recuperables” dende a 16ª posición. A derradeira puntuación pertence a Mina, que ve dende a 9ª praza como vai acumulando bos resultados.

Estas son as 9 posicións principais na clasificación desta semana en Ponte Caldelas. Para acadar tódolos datos recollidos na 5ª e errática etapa da XIII Liga da Inverneira, pica na ligazón baixo este texto.

Sorte e clima!!