Penúltima xornada das 27 presentadas nesta XII edición da Liga da Inverneira en Galicia, na estación de A Granxa, e pouco mudou o panorama cara a etapa 500 de eltiempoentuojete. Día solleiro ainda que con xeada nocturna, sen precipitacións e con vento medio frouxo que deu coma consecuencia mínimos movimentos na clasificación xeral. A vitoria non ten discusión, pero quedan para o derradeiro día de xogo moitas posicións por dilucidar.

A temperatura mínima acadóuse no abrente do día con 5º C., e moi preto do redondeo para os 4. A máxima subiría ata os 19º, xa pasado o almorzo e despexada a néboa. A presenza da chuvia era puco probable e quedou nos 0 litros. O vento marcou un refacho máximo de 28 km/h., na media do que apostaba a elite da xeral.

Cuarteto de trunfadores en Ponteareas con 57 puntos. tod@s integrantes do Top-10. Lume afianza a súa 9º praza e ainda ten algunha opción de desputarlle a 8ª a un Landrán que segue á baixa. De feito perdeu a 7ª praza a mans de Mina, que ten moi lonxe a Marius e deberá defender a posición de a quen lla arrebatou. Marius deu un paso máis cara o Top-5 con esta vitoria quédalle unha última oportunidade. 3 puntos o separan de Julio e esa 5ª praza. Verducido tamén lle rouba 2 puntos a Botikas para entrar no podio, os mesmos que os separan. Espéralles unha derradeira xornada de loita sen cuartel, xunto cos aspirantes a entrar neste club exclusivo dos 10 mellores.

E ata 5 competidores comparten a 2ª mellor puntuación en A Granxa con 56 puntos. Magor e Modesto acceden ó Top-15, ainda con marxe de mellora en Cuntis, ainda que o Top-10 quédalles lonxe. Máis posibilidades ten Rasta, que volve destacar despóis do retraso e penalización da cita de Xinzo. Queda a 4 puntos de recuperal das mans de Rasdgar. Boa puntuación para Julio, pero os compañeiros de viaxe acadaron unha mellor, polo que deberá defender o Top-5 do acoso de Marius, lonxe xa do 4º posto de Verducido. Beocha segue a defender a 2ª praza da persecución de Botikas, por tras a só 3 puntos. Restóulle 2 puntos anecdóticos a Kaltxon, o líder, pero 16 puntos e tarefa imposible.

Estas foron as 9 mellores puntuacións nesta penúltima xornada desputada no concello de Ponteareas, na súa estación de A Granxa. Para acadar tódolos datos recollidos na 26ª etapa da XII Liga da Inverneira pica na ligazón baixo este texto.

Sorte e clima!!

Penultima xornada da XII Liga da Inverneira en Galicia e desta vez visitamos o concello de Ponteareas e a súa estación meteorolóxica de A Granxa, centro de cultura por acoller varios centros de ensinanza, algún deles relacionado coa meteoroploxía. Nova xornada de repouso e tranquilidade agardando o final dunha gran competición, cun dos maiores acumulativos de precipitación pero que nas derradeiras datas reduciu as emocións a somentes a vitoria de etapa. Esta é outra oportunidade de conseguila.

As apostas en temperatura máxima están pechadas, indo dende os 15 ata os 20º C. Os valores para as mínimas oscilan entre 5 e os 10º C., estas de novo con diferenzas mínimas. A precipitación é un parámetro con pouca marxe, con o 100% de valores en 0 litros. Mentras. os refachos de vento van dende os 21 ata os 48 km/h., sendo un parámetro un pouco máis aberto.

Semella compricado predicir vencedores con estas mínimas diferenzas en case tódolos parámetros e haberá que agardar ata o derradeiro minuto da xornada, cara as 01:30 horas do luns. Non deixes de seguir a xornada ao vivo dende este enlace a partires das 01:30 da madrugada do domingo, o levar Meteogalicia 1 hora de retraso no aporte de datos.

As apostas:

Saúde e sorte!!

Estamos xa na xornada 25, a somentes 2 do remate da XII Liga da Inverneira na Galiza e os resultados en Xinzo non trouxeron trocos destacables na clasificación xeral. Único destacable o retraso dun dos postos finais do Top-10 que liberou un lugar nese top de benditos. Ainda que sendo quen é e a súa traxectoria na liga son sería estrano que a volvese recuperar. Por diante, pequenos movimentos que non fan máis que apertar ainda máis se cabe algunhas posicións de honra cara o desenlace final. O líder segue a ser o mesmo e a distancia non mudou.

A temperatura mínima acadóuse no abrente do día con 1º C., e moi preto do redondeo para os 2. A máxima subiría ata os 16º, xa pasado o almorzo, dando unha labazada á maioría de apostantes polo seu alto valor. A presenza da chuvia era puco probable e quedou nos 0 litros. O vento marcou un refacho máximo de 21 km/h., na media do que apostaba a elite da xeral.

Con estes datos da estación temos como gañadores a 2 participantes moi activos n derradeiras datas. O inquilino da 3ª praza, Botikas, engade unha nova vitoria e segue ameazando o 2º posto de Beocha, agora a somentes 2 puntos. 56 puntos para el e os mesmos para Marius, que semella buscar a 5ª praza que mantén Julio con dificultade. 4 puntos o separan do Top-5.

Ata 6 xogadores comparten a 2ª mellor puntuación en Xinzo, 55 puntos. O líder Kaltxon, sen complicacións no seu camiño ó título. Beocha, tentando manter a 2ª praza ante os embates de Botikas. Verducido no 4º lugar e a quen se lle escapa o 3º lugar de Botikas. Rasdgar mantén o derradeiro lugar do Top-10 e Xowi recpera terreo nesa loita ata o 12º posto. Enrico Ferni segue acumulando experiencia e asustando ás vellas glorias con excelentes resultados.

Estes foron os 8 competidores mellor puntuad@s nesta etapa que mantén a emoción na loita, no lugar de Xinzo. Para acadar tódolos datos recollidos na 25ª etapa da XII Liga da Inverneira pica na ligazón baixo este texto.

Entramos dentro do derradeiro tramo final da 12ª Liga da Inverneira e nesta semana en curso visitamos Xinzo, a estación de Xinzo de Limia enclavada no aeródromo de Antela, na famosa e extinta lagoa do mesmo nome. Semella unha etapa sen moito movimento agás a vitoria de etapa e partes da xeral onde a loita todavía é intensa coma para pelexar por un puntiño de cara ó desenlace final desta edición.

As apostas en temperatura máxima están abertas, indo dende os 8 ata os 15º C. Os valores para as mínimas oscilan entre 0 e os 3º C., estas de novo con diferenzas mínimas. A precipitación é un parámetro con pouca marxe, con aproximadamente o 50% de valores en 0 litros, e co resto de apostantes entre 1 e 3 litros. Mentras. os refachos de vento van dende os 9 ata os 49 km/h., sendo un parámetro un pouco máis aberto.

Semella compricado predicir vencedores con estas mínimas diferenzas en case tódolos parámetros e haberá que agardar ata o derradeiro minuto da xornada, cara as 01:30 horas do luns. Non deixes de seguir a xornada ao vivo dende este enlace a partires das 01:30 da madrugada do domingo, o levar Meteogalicia 1 hora de retraso no aporte de datos.

As apostas:

Saúde e sorte!!