Despóis dun periplo polas zonas altas de ourense trocamos de provincia para achegarnos ata as montañas lucenses, nesta ocasión facendo parada e fonda nos Ancares, con estación do mesmo nome no concello de Cervantes. Semella que as temperaturas teñen tónica ascendente tras as chuvias, que se agardan febles ou inexistentes, con ventos de intensidade media tirando a alta. A emoción segue máxima cando imos entrar no tercio final de competición onde voltarán as etapas atlánticas con tendencia húmida. Pero de momento ainda estamos nas serras…

As apostas en temperatura máxima están abertas coma sempre, indo dende os 4 ata os 15º C. Os valores para as mínimas oscilan entre -1 e os 6º C., complementada cunha aposta excéntrica de 10º C., estas de novo con oscilacións medias. A precipitación é un moi parámetro pouco discutido, con valores dende os 0 ata os 3 litros, con minoría para os marcadores secos. Mentras. os refachos de vento van dende os 22 ata os 82 km/h., sendo un parámetro tamén moi aberto.

Semella compricado predicir vencedores con estas diferenzas en tódolos parámetros e haberá que agardar ata o derradeiro minuto da xornada, cara as 01:30 horas do luns. Non deixes de seguir a xornada ao vivo dende este enlace a partires das 01:30 da madrugada do domingo, o levar Meteogalicia 1 horas de retraso no aporte de datos.

As apostas:

Despedídevos do Nadal!!

A 16ª etapa da Liga da Inverneira, Alto do Rodicio, é unha das senlleiras no calendario, entre as que inauguraron esta porra meteorolóxica. No concello de Maceda, está entre as citas obrigadas do oriente do país. Coma de costume nestas datas natalicias non adoita chover, e unha vez máis foi así, ainda que non restou a emoción típica dunha etapa de montaña, con datos cambiantes ata os derradeiros instantes de xogo.

A temperatura mínima acadóuse no cabo final da xornada con -2º C. que xa non subira de 4º dende a madrugada inicial do día, mantendo unha amplitude térmica media. A presenza da neve era improbable, marcando un resultado de 0 litros. O vento marcou un refacho máximo de 42 km/h., na media do agardado.

E semella que o gañador está collendo ó truco ó inverno despóis de pasalo mal baixo a chuvia de outono. Con 58 puntos o gañador foi Víbora, que levaba tempo sen facelo e que vai agatiñando pola xeral deixando rivais por tras del e asomando a cachola cara unha loita polo Top-10 que semella un pouco inestable. Ademáis da vitoria acada o posto 13 da xeral e está cada vez máis preto de conseguir un obxectivo vital para un ex-campión desta competición. Ollo ó piollo!!

Dous dos involucrados nesta loita acadaron os 57 puntos. Rasdgar entra no derradeiro chanzo do Top-10 a costa de Modesto e comeza a incomodar o 9º de Xowi. Dous postos por tras, Breogán77 fuxe de Víbora cara adiante e mantén o 12º posto achegándose paseniño cara Modesto, víctima de mil ataques nas derradeiras etapas. Mesmos puntos para Enrico Ferni. Calqueira día deixará de chegar tarde e podería convertirse en gran ameaza para os xogadores afianzados. Cada semana da mostras de grandes aptitudes.

56 puntos para Botikas, que deu boa conta de Landrán capturando o 4º posto na busca do podio e máis aló. Calqueira se fía deste paisano, e senón, pódeslle preguntar a Kaltxon, que 20 puntos por diante xa mira por riba do ombreiro con desconfianza.

Con 55 puntos atopamos ata 9 competidores, dos que somentes nomearemos, ainda que diremos que moit@s están involucrados no trunfo final e tamén en loitas grupais e persoais dentro da clasificación xeral. Son Kalandrakas, Xowi, Modesto, The profesor, Popolo, Lume, Beocha, Sarabia e Julio.

Estes foron os 14 competidores mellor puntuad@s nesta etapa con de gran altitude , no Alto do Rodicio. Para acadar tódolos datos recollidos na 16ª etapa da XII Liga da Inverneira pica na ligazón baixo este texto.

Agardamos que tiverades un boas festas, felices e con excesos. Camiñade dereit@s cara o entroido!!

Esta sección da Liga da Inverneira está dedicada ás zonas altas da provincia de Ourense e nesa liña enmárcase a 16ª etapa ubicada no Alto do Rodicio, no concello de Maceda. Agardamos baixas temperaturas, vento medio e algunha posibilidade, ainda que pequena, de chuvia feble. A partires destas prediccións, á xornada semella moi igualada e con poucos, ainda que non nulos, trocos na clasificación xeral.

As apostas en temperatura máxima están abertas coma sempre, indo dende os 0 ata os 10º C. e con unha aposta asombrosa de 13º C. Os valores para as mínimas oscilan entre -2 e os 4º C., complementada cunha aposta excéntrica de 8º C., estas de novo con oscilacións medias. A precipitación é un moi parámetro pouco discutido, con valores dende os 0 ata os 2, con maioría para os marcadores secos. Mentras. os refachos de vento van dende os 14 ata os 62 km/h., sendo un parámetro tamén moi aberto.

Semella compricado predicir vencedores con estas diferenzas en tódolos parámetros e haberá que agardar ata o derradeiro minuto da xornada, cara as 01:30 horas do luns. Non deixes de seguir a xornada ao vivo dende este enlace a partires das 01:30 da madrugada do domingo, o levar Meteogalicia 1 horas de retraso no aporte de datos.

As apostas:

Saúde e sorte!!