A etapa de Izena, 2ª da XII Liga de Primaveira, volveu deixar en evidencia á congregación de eltiempoentuojete. Non polas temperaturas nin polo refacho, onde a gran maioría puntuou alto abondo, senón no parámetro de chuvia. Moit@s incluso repetiron a aposta cara a seca da primeira xornada. Erro maiúsculo. Preto das 07:00 horas comezou a chover. Non parou ata 4 horas despóis, cara as 11:00 da mañanciña (hora de Xapón). Recolléronse 19 litros nese intervalo, suficiente para deixar en evidencia o grupo de meteoludópatas amateur.

A temperatura mínima acadóuse na madrugada, cando comezou a chuvia, con 18º C. A máxima subiría ata os 23º, xa pasado o vermú. A presenza da chuvia era de probabilidade impredecible e subiu ata os 19 litros, caidos todos eles nun intervalo de tempo de 4 horas. O vento marcou un refacho máximo de 30 km/h., na media do que apostaba a maioría da xeral.

E foi eiquí onde rexurdíu a lenda de Magor, acadando a vitoria en soidade con 44 puntos. Tiña a aposta de auga máis elevada de tódol@s competidores e foi decisiva para o trunfo. Perdeu 3 puntos nas temperaturas, 1 no refacho e sumou 8 puntos, máis que ninguén, na pluviosidade. Como beneficio engadido, o liderato da clasificación xeral.

Outro ilustre da predicción pluviométrica que acadou algún punto en Izena foi Kaltxon, que sumando 6 puntos na chuvia acadou un total de 43 puntos, que lle valeu para sair do pozo e entrar de forma direta no Top-10 e volver optar a título. 7º posto da xeral a 8 puntos da lideresa.

Rasta e Rasdgar completan o grupo que pudo sumar os 40 puntos nesta segunda xornada. Viñan do fondo da clasificación e agora Rasta é Top-10 e Rasdgar atópase na posición 13, moi preto deste top.

Con 39 puntos atopamos a un trío que mantén o seu lugar no Top-10. Verducido segue no último chanzo do podio, preto da cacheira. Compoñente Sur na 5ª praza a 6 do liderato e Botikas xusto tras del na 6ª. Seguen optando a todo.

E ata 8 xogadores sumaron 38 puntos. Beocha na 2ª praza, Breogán77 na 4ª, Víbora na 8ª, Modesto na 10ª, Lume na 11ª, Xowi na 12ª, Enrico Ferni na 15ª e Mina na 17ª posición.

Semella que Okinawa gosta da chuvia en abundancia en periodos cortos de tempo, polo que a clasificación xeral pode mudar moito en cada xornada. Seica o gañador final non vai ser un heróe, máis ben un supervivente. Iso sí, o mellor supervivente.

Estas foron as 15 mellores puntuacións nesta xornada desputada en Izena. Para acadar tódolos datos recollidos na 2ª etapa da XII Liga de Primaveira pica na ligazón baixo este texto.

Sorte e clima!!

Segunda etapa da XII Liga de Primaveira en Okinawa e desta vez imos parar na illa principal, a de Okinawa. O destino é Izena, paraiso no pacífico que volverá a por en xaque os meteoludópatas de eltiempoentuojete. Desta vez semella máis tranquila a cousa pero sen seguridade sobre se choverá ou non e en caso positivo, en qué cantidade. Se chove, aparentemente non será en moita cuantía.

As apostas en temperatura máxima están moi pechadas, indo dende os 22 ata os 25º C. Os valores para as mínimas oscilan entre 15 e os 22º C., estas con máis diferenzas. A precipitación é un parámetro con marxe media, con valores apostados entre os 0 e os 7 litros. Mentras. os refachos de vento van dende os 7 ata os 35 km/h., sendo un parámetro moito máis pechado.

Semella compricado predicir vencedores con estas mínimas diferenzas en case tódolos parámetros e haberá que agardar ata o derradeiro minuto da xornada, cara as 20:30 horas do domingo. Non deixes de seguir a xornada ao vivo dende este enlace a partires das 20:30 da tarde do sábado, o levar JMA 6 horas (aprox.) de adianto no aporte de datos con respecto ó noso horario.

Seguimento da xornada

Ainda que o enlace programóuse en inglés, a web de JMA recíbenos en xaponés. Pódese traducir diretamente co traductor de Google, o que da o aceso á táboa de temperaturas e vento, e tedes que dirixirvos a “Graph” para coñecer a cantidade de chuvia recollida (aconsello o intervalo de 1 hora). Dicir tamén que non traballa a gráfica en tódolos dispositivos, polo que imos dar un itinerario para poder velo nun PC, que adoita ir mellor.

O ingresar polo enlace na web de JMA, en xaponés, seguide estes pasos:

1- Picade no logo da axencia, na parte superior esquerda da pantalla.

2- Pica en “ENGLISH” no centro superior.

3- Pica no círculo que pon “Weather” no menú central da páxina.

4- Fai scroll ata a táboa “Observation table“. Pica baixo a táboa, á dereita en “Extra detail“.

5- Aparece un mapa cun botón onde pon “Table“.

6- No menú superior pica en “Select prefecture” e marca, para esta etapa, “YaeyOkinawa Main Islandama” na prefectura de Okinawa.

7- Na táboa seguinte escolle a etapa desta semana, nesta ocasión, “Izena“. Eiquí móstranse os datos de temperatura e vento. Para acadar os de chuvia, pica en “Graph” e escolle “Precipitation (10 min. ou 1 hour)” e suma os datos que se amosan. Os datos dezminutais adotan ser tamén máis precisos.

Os datos de precipitación son inamovibles, pero os de temperatura e refacho son medias horarias, polo que poden ser susceptibles de troco no final do día, onde se ofrece unha táboa diarias cos resultados finais destes 2 parámetros. Por conseguinte, a temperatura máxima pode ser superior e a mínima, inferior. Do mesmo xeito, o refacho será un número definitivo superior ó amosado na media.

As apostas:

Saúde e sorte!!

Etapa inaugural en Ibaruma, na prefectura de Okinawa, en Ibaruma e a primeira toma de contacto foi húmida, ainda que somentes durou 30 minutos. Semella que as treboadas nesta zona case tropical descargan rápido e sen avisar. As temperaturas tiveron unha amplitude térmica que non agardábamos, 6º de diferenza entre máxima e mínima, mentras o vento foi miúdo, ainda que maior do que adoita soprar nestas latitudes.

A temperatura mínima acadóuse no final do día con 21º C., xa preto das 24:00 horas A máxima subiría ata os 27º, xa pasado o vermú. A presenza da chuvia era de probabilidade impredecible e quedou nos 9 litros, caidos todos eles nun intervalo de tempo de 30 minutos. O vento marcou un refacho máximo de 31 km/h., na media do que apostaba a maioría da xeral.

A partir destes datos obtivemos unha gañadora en soidade con 57 puntos. Beocha perdeu un punto no refacho, dous na temperatura mínima e mallou a máxima e, o que foi definitivo, a cantidade de chuvia. Convértese na primeira lideresa da competición e coidado, trae a carrerilla do 2º posto na Inverneira. Para botarse a tremer!!

Outro competidor mallou a cantidade de chuvia e ese foi Breogán77, que acadou o 2º posto tanto na etapa coma na xeral con 56 puntos. Un punto menos nas temperaturas relegóuno a unha segunda praza que o sitúa no podio da competición e lle augura posibilidades reais de gañar unha competición importante.

Verducido fixo a 3ª mellor marca do día, 55 puntos e praza de podio. Os dous puntos de diferenza en chuvia foron imposibles de recuperar, pero está en disposición de acceder a mellores cotas, manténdose a 2 puntos do liderato e a 1 do 2º posto.

52 puntos para Magor, que semella que agardaba chuvia para demostrar a súa valía. Pode ser que neste ambiente ta húmido por momentos poda desenvolver a calidade para a predicción hídrica e, se axusta o resto de parámetros, volver gañar un título.

5ª mellor marca en Ibaruma para Compoñente Sur. Desta vez debe mostrarse equilibrado e estable para poder acadar un resultado como o que o convertiron no pasado nunha estrela nacente que se convertiu en fugaz. Esta é a túa oportunidade!!

Rematando os resultados que superaron os 50 puntos está Landrán, de seguro que con ganas de revancha, Botikas, que volve ter a Beocha coma máxima contrincante e Bar Pequeno, que acude á súa cita coas competicións de vran para marcar diferenzas baixo o sol do oriente.

Por outra banda, semella curioso atopar nos 2 derradeiros postos a dous dos máximos expoñentes dos derradeiros anos, Kaltxon e Julio. Haberá que dilucidar se están de vacacións ou se nas xornadas vindeiras volveremos a velos desputando o título de Primaveira.

Estas foron as 8 mellores puntuacións nesta xornada inaugural desputada en Ibaruma. Para acadar tódolos datos recollidos na 1ª etapa da XII Liga de Primaveira pica na ligazón baixo este texto.

Saúde e sorte!!

Benvidos a tod@s os que apostáchedes nesta nova competición de eltiempoentuojete. O arquipélago de Okinawa recíbenos cos brazos abertos na súa primeira etapa en Ibaruma. Desconfiade das previsións, aquí cando chove non da tregua e cando non, é un secarral. Antes de expoñer os datos (desculpas polo retraso), imos dar algunhas explicacións sobre cómo ler os datos da Xornada ao vivo.

Ainda que o enlace programóuse en inglés, a web de JMA recíbenos en xaponés. Pódese traducir diretamente co traductor de Google, o que da o aceso á táboa de temperaturas e vento, e tedes que dirixirvos a “Graph” para coñecer a cantidade de chuvia recollida (aconsello o intervalo de 1 hora). Dicir tamén que non traballa a gráfica en tódolos dispositivos, polo que imos dar un itinerario para poder velo nun PC, que adoita ir mellor.

O ingresar polo enlace na web de JMA, en xaponés, seguide estes pasos:

1- Picade no logo da axencia, na parte superior esquerda da pantalla.

2- Pica en “ENGLISH” no centro superior.

3- Pica no círculo que pon “Weather” no menú central da páxina.

4- Fai scroll ata a táboa “Observation table“. Pica baixo a táboa, á dereita en “Extra detail“.

5- Aparece un mapa cun botón onde pon “Table“.

6- No menú superior pica en “Select prefecture” e marca, para esta etapa, “Yaeyama” na prefectura de Okinawa.

7- Na táboa seguinte escolle a etapa desta semana, nesta ocasión, “Ibaruma“. Eiquí móstranse os datos de temperatura e vento. Para acadar os de chuvia, pica en “Graph” e escolle “Precipitation (10 min. ou 1 hour)” e suma os datos que se amosan. Os datos dezminutais adotan ser tamén máis precisos.

Os datos de precipitación son inamovibles, pero os de temperatura e refacho son medias horarias, polo que poden ser susceptibles de troco no final do día, onde se ofrece unha táboa diarias cos resultados finais destes 2 parámetros. Por conseguinte, a temperatura máxima pode ser superior e a mínima, inferior. Do mesmo xeito, o refacho será un número definitivo superior ó amosado na media.

Agardamos que non te sexa demasiado compricado a lectura dos resultados, que se actualizan cada hora.

As apostas en temperatura máxima están moi pechadas, indo dende os 25 ata os 28º C. Os valores para as mínimas oscilan entre 20 e os 24º C., estas tamén con diferenzas mínimas. A precipitación é un parámetro con moita marxe, con valores apostados entre os 0 e os 17 litros. Mentras. os refachos de vento van dende os 13 ata os 63 km/h., sendo un parámetro moito máis aberto.

Semella compricado predicir vencedores con estas mínimas diferenzas en case tódolos parámetros e haberá que agardar ata o derradeiro minuto da xornada, cara as 20:30 horas do domingo. Non deixes de seguir a xornada ao vivo dende este enlace a partires das 20:30 da tarde do sábado, o levar JMA 6 horas (aprox.) de adianto no aporte de datos con respecto ó noso horario.

As apostas:

Saúde e arigató!!