Preto do final está a Liga da Inverneira nesta 12ª edición e semella que nesta fin de semana, nunha etapa coma Fontecada, en Santa Comba, viviremos de novo outra xornada de transición. Unha estación que se atopa no Top-10 das que recollen chuvia en Galicia estará de loito pola acción do anticiclón, que vai deixar ceos despexados, ventos moderados e temperaturas mornas en todo o país. Pero en moitas zonas da clasificación xeral basta un pequeno movimento dun só puntiño para trocar de lugar a algúns participantes e a vitoria é un doce apetecible para calquera, ainda que teñas que compartilo.

As apostas en temperatura máxima están pechadas, indo dende os 11 ata os 14º C. Os valores para as mínimas oscilan entre 1 e os 5º C., estas de novo con oscilacións miúdas. A precipitación é un parámetro sen discusión e con case o 100% de valores en 0 litros, cun litro soitario dun dos apostantes. Mentras. os refachos de vento van dende os 20 ata os 59 km/h., sendo un parámetro un pouco máis aberto.

Semella compricado predicir vencedores con estas mínimas diferenzas en case tódolos parámetros e haberá que agardar ata o derradeiro minuto da xornada, cara as 01:30 horas do luns. Non deixes de seguir a xornada ao vivo dende este enlace a partires das 01:30 da madrugada do domingo, o levar Meteogalicia 1 hora de retraso no aporte de datos.

As apostas:

Saúde e sorte!!

Pois o final foi verdade o do anticiclón. Ainda que semellaba un eclipse, coa xente vampirizada cos lentes de sol, afociñando nos recantos pero iso sí, en manga corta e cos vermús na man e fuxindo do caldo, pai noso nos derradeiros tempos. Ainda houbo que gozou dun cocido baixo un Lourenzo case descoñecido. Neste concello lucense, unha cacheira con lentes de sol en domingo sabe a gloria.

A temperatura mínima acadóuse no abrente da noitiña con 7º C., moi semellante á máximas do último mes. A máxima subiría ata os 13º, con dificultade, xa pasado o almorzo. A presenza da chuvia era puco probable e quedou nos 0 litros. O vento marcou un refacho máximo de 45 km/h., na media do que apostaba a elite da xeral.

A loita polo Top-10 segue de actualidade e neste domingo, Rasdgar volve rexurdir das cinzas acumuladas nunhas derradeiras xornadas para esquecer. 56 puntos en O Xistral, con pleno en tres parámetros, non sendo nas temperaturas mínimas, que foron verdugo para a maioría. 5ª vitoria histórica, segunda nesta edición e ascenso na xeral para situarse no miolo desa loita despiadada onde ainda terá que bogar para facerse un lugar entre os mellores.

55 puntos para Bar Pequeno, sacando a cachola do pozo e reivindicándose na mariña lucense. O mellor en temperaturas con diferenzas abismais, lendo o anticiclón coma ninguén e perdendo a vitoria no refacho. Grande segundo posto para o xogador máis intermitente nesta 12ª edición.

Outro que volveu dar a de cal foi Rasta con 54 puntos con dúas grandes xornadas que o devolven ó 8º posto da xeral. A intermitencia de Rasta está nos resultados, pero cando encadea froitos favorables, nótase na xeral.

Breogán77, Michi e Víbora viaxaban empatados e así continúan en O Xistral. 53 puntos para eles nunha loita de doutores que navegan entre o posto 18 e o 20, en terra de ninguén, ou por dicilo doutra forma, no seu propio territorio. Mesmos puntos para Landrán, quen semella recuperado da friaxe e volve quecer o motor, ainda que xa un pouco tarde. Cris, novata do ano, segue na loita polo Top-15 (e máis aló) e xa a temos na praza 16, moi preto de fazañas épicas na súa primeira competición.

Estes foron os 8 competidores mellor puntuad@s nesta etapa de grande emoción na loita, no cumio de O Xistral. Para acadar tódolos datos recollidos na 23ª etapa da XII Liga da Inverneira pica na ligazón baixo este texto.

Aproveitade o sol, carallo!!

Alguén recorda cándo foi a derradeira vez que miramos o sol? Non estou seguro pero semella que foi o ano pasado. Seica imos ter unha xornada de transición no concello de Muras e na súa estación meteorolóxica estrela, O Xistral. De seguro que o líder pode estar ledo con este día solleiro e sen precipitación. Pero noutras zonas da xeral 1 só punto é unha conquista. Sen ir máis lonxe, a loita polo podio tamén se celebra en espacios reducidos… Hai moito que pelexar ainda e as etapas coma esta teñen repercusión.

As apostas en temperatura máxima están abertas, indo dende os 8 ata os 17º C. Os valores para as mínimas oscilan entre 1 e os 7º C., estas de novo con oscilacións menudas, ainda que cunha aposta á baixa de 2º C.. A precipitación é un parámetro sen discusión e con 100% de valores en 0 litros. Mentras. os refachos de vento van dende os 15 ata os 66 km/h., sendo un parámetro moi aberto tamén.

Semella compricado predicir vencedores con estas diferenzas en case tódolos parámetros e haberá que agardar ata o derradeiro minuto da xornada, cara as 01:30 horas do luns. Non deixes de seguir a xornada ao vivo dende este enlace a partires das 01:30 da madrugada do domingo, o levar Meteogalicia 1 hora de retraso no aporte de datos.

As apostas:

Sorte e clima!!