Impresionante o desenvolvemento desta penúltima xornada da Liga de Primaveira en Okinawa. Cando todo sinalaba que a vitoria final tiña dous candidatos claros, un terceiro súmase á loita e nada menos que apañando o liderato, salvando 17 puntos coa lideresa Beocha e convertíndose no principal aspirante ó titulo nas illas xaponesas. A chuvia foi determinante de novo para este troco de guión e incluso poderíamos invitar a outros xogadores vendo o que pode mudar nunha soa xornada.

A temperatura mínima acadóuse na madrugada, con 22º C. A máxima chegou ata os 28º, xa pasado o vermú. A presenza da chuvia era de probabilidade impredecible e o final foron 11 litros ata o final do día. O vento marcou un refacho máximo de 46 km/h., na media alta do que apostaba a maioría da xeral.

Así atopamos o heróe do día, con 56 puntos, moi por riba de calqueira outro participante. Enrico Ferni deixou somentes 2 puntos na chuvia e cadanseu punto nas temperaturas e no refacho. Tan acertada a aposta que o leva diretamente ata o liderato da clasificación xeral, cun punto de distancia sobre Beocha e 6 sobre o terceiro clasificado, Verducido. Pouco máis que dicir que impresionante e máxico.

46 puntos para Bar Pequeno, que desta vez sí fixo unha gran aposta nas temperaturas e acada a segunda praza do día en Nago. Posto 14 para el, xa preto dos seus predecesores.

44 puntos para Popolo, que ainda que deixou 12 puntos no pluviómetro, o resto de parámetros estiveron moi axustados. Na xeral comparte puntuación con Bar Pequeno.

Breogán77 foi outro dos que sumou por riba dos 40 puntos, en concreto 43, que o deixan ubicado na 7ª praza moi preto de acadar o Top-5 no caso de bo rendimento na xornada final.

Marius chegou ata os 40 puntos e pecha o grupo que acadou esa cifra nesta 9ª etapa. Atópase no límite do Top-10, sendo factible o seu ingreso no clube se desenrola unha boa etapa final.

Xa non imos falar das posicións por baixo dos 40 puntos, teredes que buscalas vos mesmos nas clasificacións da xornada e na clasificación xeral.

Dicir que temos 3 aspirantes principais ó titulo, sen esquecer que Okinawa é un sitio traicioneiro e calqueira podería tentar unha fazaña similar á de Enrico Ferni en Nago. Por todo iso, non deixedes de pensar ó grande buscar o mellor resultado nesta competición de entretempo.

Estas foron as 5 mellores puntuacións nesta xornada desputada en Nago. Para acadar tódolos datos recollidos na 9ª etapa da XII Liga de Primaveira pica na ligazón baixo este texto.

Forza e clima!!

Penúltima xornada da Liga de Primaveira en Okinawa e semella que volvemos ter alertas por chuvias copiosas e ventos fortes, desta vez en Nago, na illa principal. Imos ver se se concreta ou vai ser un bluff como a da semana pasada. Pode mudar a clasificación xeral pase o que pase, pois as apostas teñen valores dispares en varios dos parámetros. A vitoria terá un alto valor pola situación xeográfica e polas prediccións das axencias.

As apostas en temperatura máxima están bastante pechadas, indo dende os 25 ata os 29º C. Os valores para as mínimas oscilan entre 21 e os 24º C., A precipitación é un parámetro incerto con valores apostados entre 3 e 47 litros. Mentras. os refachos de vento van dende os 26 ata os 57 km/h., sendo un parámetro tan aberto como o da chuvia.

Semella compricado predicir vencedores con estas mínimas diferenzas en case tódolos parámetros e haberá que agardar ata o derradeiro minuto da xornada, cara as 20:30 horas do domingo. Non deixes de seguir a xornada ao vivo dende este enlace a partires das 20:30 da tarde do sábado, o levar JMA 6 horas (aprox.) de adianto no aporte de datos con respecto ó noso horario.

Seguimento da xornada

Ainda que o enlace programóuse en inglés, a web de JMA recíbenos en xaponés. Pódese traducir diretamente co traductor de Google, o que da o aceso á táboa de temperaturas e vento, e tedes que dirixirvos a “Graph” para coñecer a cantidade de chuvia recollida (aconsello o intervalo de 1 hora). Dicir tamén que non traballa a gráfica en tódolos dispositivos, polo que imos dar un itinerario para poder velo nun PC, que adoita ir mellor.

O ingresar polo enlace na web de JMA, en xaponés, seguide estes pasos:

1- Picade no logo da axencia, na parte superior esquerda da pantalla.

2- Pica en “ENGLISH” no centro superior.

3- Pica no círculo que pon “Weather” no menú central da páxina.

4- Fai scroll ata a táboa “Observation table“. Pica baixo a táboa, á dereita en “Extra detail“.

5- Aparece un mapa cun botón onde pon “Table“.

6- No menú superior pica en “Select prefecture” e marca, para esta etapa, “YaeySemella compricado predicir vencedores con estas mínimas diferenzas en case tódolos parámetros e haberá que agardar ata o derradeiro minuto da xornada, cara as 20:30 horas do domingo. Non deixes de seguir a xornada ao vivo dende este enlace a partires das 20:30 da tarde do sábado, o levar JMA 6 horas (aprox.) de adianto no aporte de datos con respecto ó noso horario.

7- Na táboa seguinte escolle a etapa desta semana, nesta ocasión, “Nago“. Eiquí móstranse os datos de temperatura e vento. Para acadar os de chuvia, pica en “Graph” e escolle “Precipitation (10 min. ou 1 hour)” e suma os datos que se amosan. Os datos dezminutais adotan ser tamén máis precisos.

Os datos de precipitación son inamovibles, pero os de temperatura e refacho son medias horarias, polo que poden ser susceptibles de troco no final do día, onde se ofrece unha táboa diarias cos resultados finais destes 2 parámetros. Por conseguinte, a temperatura máxima pode ser superior e a mínima, inferior. Do mesmo xeito, o refacho será un número definitivo superior ó amosado na media.”

As apostas:

Saúdos e tifóns!!

Ante todo desculpas pola non retransmisión da xornada ao vivo desta etapa pasada, debido a un erro de actualizacións nas táboas de google que conteñen os datos. Agardamos que sexa puntual, xa que é unha actualización anual que non se repetirá ata ovindeiro ano. Desculpas tamén pola falta da crónica semanal, atópome fora traballando nun monasterio onde a internet é nula e a miña vivenda atópase por baixo do rango da sinal da antena máis próxima (casualmente en Castro Vicaludo, estación da Liga da Inverneira). Esta semana tratarei de deixala lista antes de marchar. De calqueira xeito, os resultados da etapa atopábanse tanto nas táboas da xornada ao vivo (despóis de arranxada a actualización) e nos Resultados da Liga de Primaveira, no menú principal dentro de Liga Meteorolóxica.

Ainda con retraso, dicir que foi unha loucura de etapa en Naha, coa chuvia que descargou case na súa totalidade antes do inicio da xornada, polo que o mediolitro caído no domingo deixou a acse tod@s con marcadores miserentos nese parámetro.

A temperatura mínima acadóuse na madrugada e foi alta, con 26º C. A máxima chegou ata os 29º, xa pasado o vermú. A presenza da chuvia era de probabilidade impredecible e o final foron 0 litros ata o final do día. O vento marcou un refacho máximo de 58 km/h., na media alta do que apostaba a maioría da xeral.

A mellor aposta en chuvia foi a de Bar Pequeno, pero a súa aposta en temperatura mínima botou por terra a súa vitoria, que quedou nas mans de Beocha e Verducido, con baixa cantidade de auga apostada. 55 puntos por cachola para poñerse ó frente da xeral cunha vantaxe que fai pensar que a Liga está decidida. Pero non poden estar tranquilos xa que esta zona do planeta e os tifóns asociados poden xogar na súa contra e a favor de quen se atreva a contradicir ás axencia meteorolóxicas. Beocha ten 1 punto de vantaxe con Verducido, que ten 15 sobre o seguinte competidor.

Por tras, con baixa cantidade de chuvia (relativamente), entrou Lume con 49 puntos. Gran resultado que a eleva ata a 7ª praza e con posibilidades de ingreso no Top-5.

48 puntos para Enrico Ferni, que xa ocupa ese Top-5 empatado con Kaltxon e Botikas. Semella que quere loitar cos mellores e non topou mellores opoñentes nestes 2 grandes da predicción meteorolóxica amateur.

47 puntos para Compoñente Sur, o mellor cunha xornada perdida e para Denodeno. Atópanse no Top-20 e de seguro que esta xornada foi un aliciente para eles.

Sumando 44 puntos están Bar Pequeno, o maior dagnificado ó ter a mellor aposta en auga e que ocupa o derradeiro posto do Top-15. Mesma puntuación para Botikas, que empatou con Kaltxon pero recibe a visita de Enrico Ferni. Non lle será doado atopar praza no podio.

Estas foron as 8 mellores puntuacións nesta xornada desputada en Naha. Para acadar tódolos datos recollidos na 8ª etapa da XII Liga de Primaveira pica na ligazón baixo este texto.

Agardamos voltar á normalidade da web nesta 9ª etapa en Nago.

Saúdos e sorte!!