2ª xornada
Penedo do Galo
Entorno
Benvidos meteoludópatas a esta segunda etapa da XI Liga Inverneira e desta volta imos chegar ata a Mariña Occidental na costa norte da nosa comunidade, pertencente o concello de Viveiro, chamado Flavia Lambris polos romanos, están tolos!!
O término municipal de Viveiro atópase atravesado pola ¨Faia de Viveiro” que mide 142 km de lonxitude formada no periodo cámbrico. Viveiro caracterízase pola suavidade das súas temperaturas e a pluviosidade cunha oscilación térmica débil o que nos da un suave inverno e temperaturas moderadas no verao, típico do clima atlántico, inda que na estación de Penedo de Galo estará interesante a disputa dos refachos. A ver pra onde sopra o vento.
Nesta zona de abraiantes cantís e humedáis coma o que se forma na desembocadura do río Louro, podemos destacar tamén o eucalipto da variedade globulus coñecido como O Avó que foi prantado en 1880 e chega ata os 67 metro de altura, 10.5m de perímetro na súa base un volumen de 75.2 m cúbicos(os de ENCE xa lle votaron o ollo), está considerado como a árbore máis grande de España, ahí é nada.
Pero aparte de natureza e cultura tamén ten boas festas; a Semana Santa de Viveiro e Festa de Interés Turístico internacional, así coma a Rapa das Bestas de Candaoso e a Romaría do Naseiro, que son Festas de Interese Turístico Nacional. E sobre todo o demáis O Resurrection Fest, o faro que nos guía ata a voráxime de sexo, drogas e rock&roll e o que se tercie.
Localización
Datos da estación
A Estación Penedo do Galo está ubicada a 43,66º de latitude e -7,56º de lonxitude e a unha altitude de 545 metros. Situada, daquela, no concello de Viveiro, provincia de Lugo, foi dada de alta o 1 de Xuño de 2005.
Sensores
- Piranómetro
- Pluviómetro de Cazoliñas
- Sonda de Temperatura e Humidade
Gañadores anteriores
- 2014/15: Beocha
- 2015/16: Petrus
- 2016/17: Beocha, Michi, Petrus
- 2017/18: Beocha, Verducido
- 2018/19: Xowi, Lume, Pepe
- 2019/20: Iru
- 2020/21: Balboa
- 2021/22: Juanito Caminante
- 2023/24: Bar Pequeno, Popolo
Estadísticas
