monografías
eltiempoentuojete
Cirrostratos. O ceo enmascarado
O ceo maquillado
As nubes cirrostratos pódense clasificar coma un manto ou capa de nubes livianas na parte máis alta da troposfera. Son brancas ou gris moi claro e a sua transparencia fai que formen fenómenos ópticos, a miudo semellantes ós formados polos cirros. O seu símbolo na terminoloxía das nubes é Cs.
Podes atopalos á mesma altitude que os seus primos, cirros e cirrocúmulos. Polo tanto, tamén están formados por pequenos cristais de xeo. Son as nubes que dan lugar ós fenómenos ópticos, coma os halos de sol e lúa.
Son un tipo de nube que pode semellar anodina. Incluso pode pasar desapercibida. Ten somentes duas especies e outras tantas variedades. A especie fibratus atópase únicamente nos cirrostratos e nos cirros. A especie nebulosus comparte a exclusiva con estratos.
O sol sempre estará visible por tras dun cirrostrato. Son unhas nubes tan delgadas e vaporosas que poden chegar a ser compricadas de distinguir. A presenza de halo a cotío anuncia chuvia entre 8-24 horas despóis de acontecido o fenómeno.
Pode ter varias orixes:
- Por un aumento estable e uniforme do aire quente sobre unha capa máis fria
- Pola reorganización de algúns tipos de cirros
Especies
Cirrostratus fibratus
Capa con características fibrosas, coma un tecido sedoso e translúcido
Cirrostratus nebulosus
Capa semellante ó vapor, sen apenas detalles.
Fotos de especies
Variedades
Cirrostratus undulatus
Unha capa uniforme con ondulacións paralelas.
Cirrostratus duplicatus
Formación de varias capas, a miudo paralelas.
Fotos de variedades
Características complementarias e nubes accesorias
As nubes cirrostratos carecen de característica comprementaria algunha, ainda que ten un tipo de nube asociada.
Nubes asociadas
Cirrostratus homomutatus
Mutación dun homogénitus pola acción do vento
Nubes accesorias
Identificar cirrostratos
Os cirrostratos son nubes doadas de identificar no ceo, pero tes que pensar que as nubes poden mudar dun tipo ou especie a outra de modo moi rápido. Pódelas ver nas capas máis altas da troposfera. Teñen aspecto de capa uniforme, branquecina. Lixeiras e sedosas cando cubren o sol e a lúa, deixan fenómenos ópticos espectaculares, ó estar formados por cristais de xeo. Sempre deixan adiviñar a posición do sol.
É cirrostrato cando...
- Ten cor branca ou gris moi claro
- Ten forma fibrosa ou sedosa
- Forma unha capa uniforme translúcida
Non é cirrostrato...
- Se está a chover embaixo
- Se tapa totalmente á luz do sol
- Se non cobre a maior parte do ceo
Comparando
- Os cirrostratos comparten altitude con cirros e cirrocúmulos e adoitan aparecer xuntos, pero os cirros non cubren o ceo e os cirrocúmulos non aparecen coma unha capa uniforme.
- Os altostratos tamén son nubes de capa, pero non é sinxelo ver a posición do sol. Adoitan ser máis oscuras e baixas que os cirrostratos.
Apuntes
- Ó estar formados por cristais de xeo, este tipo de nube pode formar halos, tanto de sol coma de lúa. Os parhelios (ou sundogs), son reflexos solares ós lados do sol.
- As altas temperaturas das estelas de condensación dos avións poden converterse tecnicamente en cirrostratos homomutatus.
Ficha técnica dos cirrostratos
Nubes en el Ojete. Nubes en time lapse
Se queres ver videos de Cirrostratos en time lapse, estás invitado a visitar a nosa páxina de YouTube, onde atoparás videos de éstas e outras especies e variedades de nubes.
Fontes:
Atlas internacional de nubes da OMM
As fotos que ilustran este artigo son de Bea Caamaño, agás Cirrostratos fibratus sobre Pontevedra, Halo solar formado por cirrostratos nebulosus e Cirrostratos homomutatus que son do arquivo fotográfico de Fran Torres
Outras monografías
