Esta semana a Liga Meteorolóxica de eltiempoentuojete facía a xornada de reflexión de cara ó inicio da Ojete’s Cup 2020 en Belice. Pero a OjeteQuake, a nosa Liga dos Terremotos continuaba á sua andaina na 6ª xornada. E desta vez foi benévola coa maioría da tropa, centrada no sureste asiático. Pouc@s apostantes puntuaron por baixo dos 400 puntos, cun sismo de 5,8 Mg. no Mar de Bismark, na costa norte de Papua Nueva Guinea. Gañador en soidade cunha grande eficacia tanto na localización coma na magnitude. Julio quedou a pouco máis de 200 km. do epicentro e a 0.1 de diferencia coa magnitude oficial. 495 puntos dos 500 posibles. Noraboa. O outro gran expoñente deste torneo, Balboa, descartóuse ´cunha xornada perdida, pero onte marcou a segunda mellor aposta da xornada e segue a ser perigoso. O líder e o Top-10 estiveron á altura e, salvo pequenos trocos na xeral, tod@s continúan en posicións de privilexio. Comeza tamén a observarse certas diferenzas na cabeza da xeral, pero nesta liga os trocos dunha xornada á seguinte poden ser masivos en movimento de puntos.

Se queres acceder á información acadada na 6ª xornada da OjeteQuake World Globe 2020, pica no botón de embaixo.

Recorda que se acadaches unha praza na Ojete’S Cup, a primeira rolda comeza este domingo, con aposta no venres, coma sempre. Busca o teu contrincante no Cadro de Competición e a información da xornada na Xornada en Curso.

Saúde e sorte!!!

Xornada de descanso na Liga Meteorolóxica, á espera da 1ª rolda da Ojete’s Cup en Belice. Pero non así na Liga dos terremotos, a OjeteQuake, que chega ata a sua 6ª xornada con varias baixas nas apostas, quizais por esquecemento, ou quizáis por contaxio en festas ilegais. Que sabemos o que estades a facer e imos pregar a Santa Bárbara para que vos mande unha treboada.

Dos participantes que acudiron á cita cos terremotos atopamos un gran grupo no sudeste asiático. Fora de alí, somentes algunha aposta en Mongolia, Xapón, o Mar de Bering e o Mar Caribe. As magnitudes máximas atopadas superan os 6 na escala.

Podes seguir o discurrir da xornada dende este enlace ao vivo.

As apostas:

Saúde e sorte!!!

Saudos, meteoludópatas.

Poñemos en coñecemento de tod@s, pero especialmente a quen se clasificou para a derradeira competición da tempada 2019/20. Tempada estrana pola irrupción da pandemia do COVID-19, pero que nós, deportistas da ciencia, pouco nos afectou a efectos do desenrolo das nosas funcións. E agardamos que non sexa un contaxio o que nos arrede a ningún/ha dos compoñentes de eltiempoentuojete da nosa labor filantrópica.

Para rematar a tempada, os 16 mellores xogador@s da VII edición do Torneo de Vran en Perú enfrentaranse nunha competición de un-contra-un no territorio caribeño de Belice, antiga escisión de Honduras e que presentará 4 xornadas onde cada contendente poderá mellorar ou rebaixar as posibilidades de clasificación. Non hai eliminados despois de cada rolda, os perdedores voltarán xogar para obter un posto mellor e os gañadores por chegar ó cumio da competición. Podes consultar a normativa e as fórmulas de desempate no Regulamento.

Tamén podes botar unha ollada ás etapas e o suministrador de datos dende a presentación da Ojete’s Cup 2020. Se queres coñecer o teu contrincante nesta primeira rolda, dalle un vistazo ó Cadro de Competición.

E recordade que a competición comeza o 9 de agosto, pero esta semana continúa a competición sísmica da OjeteQuake 2020, non esquezas apostar polo maior terremoto deste domingo.

Se tes algún tipo de dúbida, escribide o noso email eltiempoentuojete@gmail.com ou deixa unha mensaxe en Fala con nós!!, dende este enlace ou na barra lateral do blog principal.

Saúde e clima!!!

A 5ª e derradeira xornada do VII Torneo de Vran en Perú Selva déixanos o empuxe final de distintos meteoludópatas para acadar os seus obxetivos. O binomio de gañadores buscaba finalidades distintas, un por riba e outro por baixo. Julio loitou con pericia para recortar a diferencia co líder, roubando 4 dos 5 puntos que precisaba. O empate dáballe o Torneo por vitorias, pero Botikas é un líder con cachola suficiente para desenvolverse nestas tesituras. Acada o seu 5º título consecutivo e comeza a dar acidez estomacal. Norabóa a Botikas polo título e a Julio pola loita final. No terceiro posto do caixón está Breogán77, que da un paso adiante entrando na Ojete’s Cup coma cabeza de serie.

Atopamos ó outro compoñente do binomio gañador na parte máis baixa da clasificación. Precisaba achegarse ó posto 16, e conseguíuno. Ademáis, a vitoria fai que gañe o desempate con Sarabia, que queda fora do Top-16, para beneficio de Bar Pequeno. Noraboa polo torneo e polo final de infarto. A primeira participación no Torneo un-contra-un e xa lle toca o demo en persoa. Quizáis salte a sorpresa…

Para acadar tódolos datos da derradeira xornada do VII Torneo de Vran en Perú Selva, pica no botón de embaixo.

Na OjeteQuake World Globe, o epicentro do maior terremoto da xornada desplazóuse fora da zona de acción das apostas. Marchou cara o sur e localizóuse nas Illas Sandwich, con magnitude 6.3 Mg. Isto fixo imposible achegarse ós 400 puntos. A vitoria, en soidade, voltou cair nas mans dun especialista en quakes fora do establecido, ainda que nesta ocasión foi por cercanía. Oscar leva a vitoria, a terceira de cinco, e comeza a ameazar a Lukas, que mantén o liderato por unha puñada de puntos. Todo moi aberto pensando que restan ainda 5 xornadas e a inestabilidade da xeral é manifesta. Recorda que esta semana descansa a xornada meteorolóxica, pero a OjeteQuake segue o seu camiño e agarda as apostas antes das 24 horas deste venres.

Se queres coñecer o sucedido na 5ª xornada da OjeteQuake 2020, preme no botón baixo estas letras.

O longo desta semana desvelaremos os detalles da Ojete’s Cup 2020, a xogar en Belice, no mar Caribe e as eliminatorias ben postas nun cadro de competición. Recorda que esta semana continúa unha xornada máis da OjeteQuake 2020. E pon a mascariña…

Saúde e sorte!!!