Rematada a primeira xornada da VII Liga de Primaveira en New South Wales, temos que felicitar a case canto apostante se presentou a esta nova aventura de eltiempoentuojete. 2 apostantes perdidiñ@s no mapa e un retrasado foron os únicos participantes por baixo dos 50 puntos.

De novo temos que falar de dous gañadores nos datos previos que foron desprazados da vitoria por un troco de vento na actualización final. Lembrade que os datos son as medias durante o periodo de media hora. Debemos agardar á publicación nos datos históricos definitivos para poder conformar a távoa de resultados. Coma en Meteogalicia, vamos. Pois iso fixo posible a vitoria en soidade do actual rey dos terremotos, que destaca máis no exilio que na casa. Quedou a un so grado de temperatura de acadar o pleno. Por tras, poucas diferenzas nunha xornada onde 22 xogador@s superaron os 55 puntos. Noraboa a tod@s!!

Se queres ampliar a informacion da xornada en Kempsey e comprobar o teu rendimento, fai clic no botón abaixo exposto.

Sorte e moita saude!!!

Xornada inaugural da VII Liga de Primaveira baixo o estado de emerxencia polo coronavirus. Afortunadamente somos das poucas competicións ó aire libre que temos permiso específico para desenrolar o noso vicio meteorolóxico. Todo grazas a que as estacións de o BOM, o servizo australiano de meteoroloxía, están automatizadas. Agardamos non ter problemas na recepción dos datos.

Nesta primeira xornada semella vaise desputar sobre seco. As apostas recordan o inicio da Liga da Inverneira, con amplitude nas temperaturas e vento baixo.

As máximas van dende 22 ata 25º C., cun pico mínimo de 15º C. As mínimas están entre os 7 e os 14º C., grande amplitude nas apostas. A única referencia á chuvia é de 18 litros, sendo o resto de 0. No refacho de vento, oscilan entre os 12 e os 40 km/h., cun pico en 60.

Con estas estimacións agardamos unha xornada moi desputada, con marcadores moi semellantes entre eles. Recorda que podes seguir a etapa ao vivo dende este enlace. Cara as 15:30 de hoxe, en menos dun par de horas conectaremos a xornada ao vivo. Por esa mesma razón, a do inicio da etapa, non recolleremos apostas máis alá das 04:00 horas da madrugada do sábado. Ou sexa, se puntual, por favor. O avance de apostas pasa a publicarse ás 01:00 do sábado.

• Os resultados do BOM actualizan cada 30 minutos.

E damos á benvida a un novo meteoludópata no xogo, Marius, que agardamos forme parte da canteira milagrosa de eltiempoentuojete. Tamén saudar a Cesar, inactivo durante máis de un ano, que volta a unha competición que xa gañou no pasado, de igual maneira voltando do retiro.

As apostas:

Saude e sorte!!!

Dende eltiempoentuojete desexamos que estés o mellor que se poida nunha emerxencia pandémica coma esta. Agardamos que te manteñas o máis protexido posible. Ou, no pior dos casos, que teñas ou tiveras o COVID-19 e non te afectara de maneira grave. E enviamos unha grande aperta envasada ó vacío a tódol@s profesionais da sanidade, en especial @s participantes nas competicións de eltiempoentuojete. E tamén a aqueles que facedes que as cousas traballen coma deben. Moit@s non poden quedar na casa. Mil grazas.

Pola nosa banda pouco podemos facer máis que aconsellar o confinamento como mal menor (avituallad@s, por suposto). Ainda que non tiveramos data sinalada, vémonos na obriga de retrasar o banquete de entrega dos premios correspondentes á VI Liga da Inverneira ata se resolva o tema Coronavirus.

O que sí continúa cara adiante é a celebración da VII Liga de Primaveira en Nova Gales do Sur, a comezar o vindeiro domingo, con aposta o venres. Supoñemos unha grande competencia, xa que temos máis tempo do normal para pensar nas apostas. Nos Menús xa podes atopar toda a información referente ó novo desafío. Coma sempre, agardamos por tí para seguir sendo un referente mundial da meteoroloxía amateur.

Namentras chega o día, continuamos apresentando Monografías. Desta vez, unha nova entrega da saga de Tipos de Nubes, os Altostratos. Da mesma maneira publicamos unha petición para mellorar o mundo. En Botikas.org podes atopar un artigo pola defensa d@s indíxenas brasileiros na loita contra o xenocidio promovido polo goberno de Bolsonaro.

Saúde e coidadiño!!!

Dende eltiempoentuojete presentamos o novo desafío para a primaveira de 2020. A VII edición da Liga de Primaveira vaise celebrar en territorio australiano. Vai ser a terceira visita que facemos ó xigantesco país de Oceanía. Despóis de facer parada e fonda en Tasmania (2016) e no Western Territory (2018), desta vez o destino será a costa de New South Wales, no extremo oriental de Australia. 9 xornadas acariñando o Mar de Tasmania e unha etapa final na estación de esquí máis grande de Australia, a pouco máis de 200 kms. de Camberra.

Coma sempre, terá moito gañado quen consiga unha boa ubicación da estación meteorolóxica en xogo. Por iso sempre recomendamos pasar pola páxina da xornada, onde se informa con precisión do lugar de xogo. O ser un territorio da Commonwealth, o nome do lugar pode ter outros similares noutros territorios con nomenclatura inglesa. Por iso a xeografía será unha parte importante das apostas.

Hai programadas 10 xornadas, todas a xogar no domingo. As penalizacións por chegar fora do tempo regulamentado aplicaranse dende a primeira xornada. A diferencia horaria é favorable, polo que as apostas terán menos de 24 horas de diferenza co inicio da xornada. A costa de New South Wales ten 10 horas máis que a correspondente a de Galicia, polo que a xornada ao vivo comezará cara o mediodía do sábado. Os resultados serán presentados o luns o mediodía, dado que non coñecemos o tempo de verificación dos datos.

A axencia distribuidora de datos, coma nas anteriores ocasións será o BOM, o Bureau of Meteorology do Australian Goverment. En principio somentes actualizan os datos duas veces ó día, pero agardamos atopar unha opción máis polo miúdo. (Atopado un sistema por horas).

• Os parámetros de temperatura máxima e mínima e o refacho de vento tómanse nas 24 horas correspondentes ao día en curso, e son verificadas cando pasan ós datos históricos do mes polo BOM.
• O parámetro da auga tómase dende as 09:00 horas da xornada ata as 09:00 horas do día seguinte por parte do BOM. Nós colleremos os datos recollidos dentro das 24 horas que nos corresponden e faremos a suma. Polo tanto, ese rexistro será distinto o dato que o BOM almacena nos históricos do mes. Por mor disto, o dato da pluviosidade non necesitará verificación na távoa mensual.

A competición dará comezo o domingo día 5 de abril, con aposta o día venres 3 e finalizará o 7 de xuño de 2020. As xornadas serán os domingos, con apostas o venres antes da 24:00 horas. Para máis información, pasa pola páxina de Regulamento. Tamén podes poñerte en contacto no correo electrónico da páxina: eltiempoentuojete@gmail.com