Primeiro contacto coa selva amazónica peruana en Pichari, xa con altas temperaturas e vento máis que frouxo. A chuvia non foi o agardado pola maioría, nin o vento. Somentes as temperaturas andiveron no acordado polas apostas, ainda que 18 puntos sobre os 20 posibles foi o máximo acadado por unha minoría de apostantes.

A temperatura mínima “baixou” na madrugada ata os 21º C., un valor que non marcaron moitos d@s apostantes. Pola tarde acadóuse a máxima diaria con 27º C., agardada somentes por 4 meteoludópatas. Os 2 litros de chuvia estiveron por baixo do apostado pola maioría e o vento marcou un refacho máximo de 61,7 m/s, 6 km/h. miserentos, unha marca que axudou a definir os mellores do día.

Con estes datos atopamos un vencedor en soidade con 56 puntos, con pouca competencia e escalando postos na xeral. Mingos rexistrou 18 puntos nas temperaturas, perdeu 1 punto na chuvia e outro no vento para alzarse cun trunfo amazónico en contraposición ós malos resultados nas alturas andinas. Dende o 19º posto ata o 10º, Top-10 seguro que non agardado pero non por iso menos celebrado. Senterase coma un inca…

55 puntos para Denodeno que destaca nestas latitudes e sobre todo con estes ventos acougados. Moi parello nas súas puntuacións, sendo o único en facer pleno no vento Dende o 17 ata o 8º posto na xeral, volve aparecer nos destinos exóticos.

Víbora fallou no vento pero foi o mellor nos outros parámetros, polo que os seus 53 puntos eran mellorables. Sube ó posto 9 dende o 13º, polo que o ingreso no Top-10 é bó resultado.

Botikas e Landrán chegaron ata os 52 puntos con similares puntuación nos tres parámetros. Xa estaban ben situados e así contunúan, no Top-10, con Landrán compartindo liderato ainda que con desvantaxe na vitoria e Botikas coa 3ª mellor puntuación.

Sarabia e Rasta asinaron 51 puntos. Sarabia tamén comparte liderato mentras está nun antepenúltimo posto que non lle fai xustiza, ou sí.

4 xogadores con 50 puntos. Julio, que ocupa o 6º posto, Breogán77 no 11º, Beocha no 4º e Verducido coma líder compartido ainda que con mellor coeficiente de vitoria. Todos eles ben situados.

Estes foron os 11 mellores resultados escollidos en Casaccancha. Para acadar tódolos datos recollidos na 4ª etapa pica no enlace baixo este texto.

Pichari é a 4ª etapa da Liga de Primaveira no Perú e significa o primeiro contacto selvático despois de tres xornadas no altiplano andino. As temperaturas serán máis altas e as probabilidades de chuvia maiores, mentras a intensidade do vento descenderá. Poderemos ver cómo estos trocos inflúen na clasificación xeral e se temos altas ou baixas entre os mellores clasificad@s.

As apostas en temperatura máxima están moi abertas e van dende os 19 ata os 31º C. Os valores para as mínimas oscilan entre 15 e os 24º C., moi amplas tamén e con dúas apostas por baixo dso 10º C., unha de 7 e outra de 3º C. As precipitacións móvense nun rango tamén de amplitude de entre 0 e 15 litros, mentras que os refachos de vento van dende os 5 ata os 29 km/h.

O resultado, a partires da amplitude observada en tódolos parámetros de aposta, semella compricado de predicir e haberá que agardar ata o derradeiro minuto da xornada, xa no noso luns ó amencer, para obter un resultado definitivo. Non deixes de seguir a xornada ao vivo dende este enlace a partires das 10:30 da mañanciña do domingo, debido ás diferencias horarias co país andino, ata o final do día alá, xa na mañán do luns. Para atopar os datos actualizados, busca no mapa (despois de descartar as estacións convencionais e deixar só as automáticas) Pichari, ó leste da cidade de Huancayo e o norleste de Ayacucho, na área sur do país.

As apostas:

Saúde e clima!!

Casaccancha foi a derradeira das etapas a xogar en altitudes de máis de 4000 metros. Os resultados poñen a xeral nun pano, con diferenzas insignificantes despois de tres xornadas. Quizais o descenso á selva amazónica poida abrir ocos entre competidores.

A temperatura mínima chegou na madrugada ata os 4º C., un valor que non marcaron moitos d@s apostantes. Pola tarde acadóuse a máxima diaria con 13º C., agardada somentes por 2 meteoludópatas. Os 2 litros de chuvia estiveron moi preto do apostado e o vento marcou un refacho máximo de 6,2 m/s, 22 km/h. unha marca que axudou a definir os vencedores do día.

Con estes datos atopamos un vencedor en soidade, que ven de gañar repetidamente nos derradeiros tempos. Julio asina 57 puntos para levar o trofeo e de paso subir un par de chanzos na clasificación xeral. Colócase coa 3ª mellor marca nesa táboa e, coma sempre, tratará de acosar os seus precursores. Non perdas esa cadencia.

4 xogadores suman 56 puntos cara a xeral. Xowi entra no Top-10 a somentes 6 puntos da cacheira. Michi sitúase coa 3ª mellor marca a 1 punto do liderato en soidade de Verducido, que anotou os mesmos puntos. Víbora, despois dun mal comezo como acostuma, achégase ata o posto 13º da xeral.

Outros 4 meteoludópatas firman 55 puntos. Marius para colocarse no posto 18. Mina chega ata o 22 despois de controlar as apostas de refacho. Landrán acada a 6ª praza a só dous puntos do líder e Compoñente Sur arriba ata o posto 14 despois de entrar na etapa no límite do tempo.

Estes foron os 9 mellores resultados escollidos en Casaccancha. Para acadar tódolos datos recollidos na 3ª etapa pica no enlace baixo este texto.

Sorte e clima!!