Seica a etapa de Fornelos deixa división de opinións en moitos aspectos, polo que todo semella indicar que imos ter unha dura loita e posibilidade de trocos na xeral. Xa dixemos que estaba moi remexida a cousa neste tramo final de Liga,e, non sendo para Magor, o resto de participantes anda na procura de mellora ainda que sexa arriscando a súa posición actual. De perdidos ó regato…

As apostas en temperatura máxima están moi abertas e van dende os 10 ata os 16º C. cun pico de 12º C. Os valores para as mínimas oscilan entre 5 e os 9º C. As precipitacións son unha incógnita, con valores dende 0 ata os 10 litros, mentras que os refachos de vento van dende os 12 ata os 51 km/h.

Variable amplitude nos parámetros de predicción de temperatura e grande para vento e chuvia, polo que estamos ante unha xornada cun resultado moi difícil de augurar e co desafío de coronar un ou vari@s heroes. Non deixes de seguir a xornada ao vivo dende este enlace a partires das 01:40 desta mesma madrugada e dende a mañanciña do domingo ata o final do día. Fornelos nunca foi unha praza doada!!

As apostas:

Saúde e sorte!!

Cando todo semellaba que poucos movimentos se agardaban cara o final da Liga, dacordo ás diferenzas entre competidores, podemos dicir que era somentes un espellismo,una quimera. A falta das 6 derradeiras etapas a clasificación xeral apértase nas puntuacións e moit@s meteoludópatas están a dar un pulo final nas súas carreiras, mentras que outr@s trocan posicións case cada semana buscando o mellor posicionamento na cita final en Xesteiras. A xornada de Lardeira a priori non era das que deixan pegada pero os resultados finais amosan que ainda se loita duro en case tódalas zonas da távoa de clasificación.

A temperatura mínima chegou na madrugada ata os 3º C., moi por riba do que se marcou en días anteriores, con valores en negativo. Pola tardiña acadóuse a máxima diaria con 5º C., esta sí moi por baixo da maioría dos pronósticos. O único litro de chuvia sí que estivo na media do agardado e o vento marcou un refacho máximo de 48 km/h., tamén moi perto a moitas apostas.

E así atopamos a un dos loitadores sen descanso desta edición no máis alto da clasificación da etapa de Lardeira. Julio volve destacar cunha vitoria que o fai ingresar no Top-10 de vitorias acumuladas con 22. Facía 4 anos que ninguén ousaba entrar neste Top que tiña inquilinos de renda fixa. Botou a Víbora que estará a pensar na vinganza e regreso. 56 puntos para el, cun impresionante acerto na temperatura, moi axustado no refacho e perdendo 3 dos 4 puntos na chuvia. Suma a súa terceira vitoria nesta edición e sube do 8º posto ata o 6º. Ven desbocado!!

Outro resultado con cheiro a trunfo foi o de Botikas con 55 puntos. Boas puntuacións en tódolos parámetros para restarlle 5 puntos á lideresa Magor e achucharlle no pescozo, avisando do que pode ser capaz de cara o final. Conocéndoo, non vai deixar de pelexar polo título que ainda lle pertence. Demostra quen es!!

54 puntos para Beocha que ainda non dixo a derradeira palabra. Non sendo a temperatura máxima, gran etapa para ela, co premio de subir un posto, ata o 5º e ameazar a Mina, que ostenta o 4º. Non deixou o Top-10 en toda a tempada e semella que ainda ten folgos para atacar o Top-3. Ensina os dentes e as unllas!!

Con 53 puntos entraron Víbora e Verducido, con títulos da Inverneira nas estanterías que este ano loitan por metas máis modestas. Víbora salta do posto 18º ata o 14º, tentando acadar un Top-10 que xa está máis preto e semella factible. Verducido trepa ata o 8º dende o 11º tentando asegurar o Top-10 e quizais algo máis. Vamos, que se pode!!

Vari@s meteoludópatas sumaron 51 puntos en Lardeira. Xowi sitúase a un só punto do Top-10 que se lle resiste toda a competición. Para Breogán77 estos puntos metérono no Top-20. Mina mantén a posición e recorta co Top-3 en mans de Popolo. Xa queda pouco e hai que dar o mellor!!

Estas foron as oito mellores puntuacións na 20ª etapa desputada en Lardeira. Nas posicións dianteiras o combate é pechado, sen perder conta do resto do pelotón, na busca de melloría. A xeral anda na llama!! Para acadar tódolos datos xurdidos desta etapa pica no enlace que ofertamos baixo este texto.

Loita ata o final!!

Novo episodio intenso de inverno nesta 19ª etapa da Liga da Inverneira. O escenario, O Cebreiro, porto mítico en eltiempoentuojete estivo á altura do agardado, con chuvia, neve, baixas temperaturas e vento medio-forte e a emoción de atopar un gañador no concello de Pedrafita. Os datos deixaron un gañador sen dúbida pero os movimentos na xeral, sobre todo no Top-10 foron escasos, salvo nos casos de desaparición que xa vivimos na etapa de O Courel.

A temperatura mínima chegou na noitiña ata os -1º C., un pouco por baixo das prediccións da maioría. Na hora do vermú acadóuse a máxima diaria con 5º C., na media da maioría dos pronósticos. Os 7 litros de chuvia sí que estiveron por baixo da media do agardado e o vento marcou un refacho máximo de 63 km/h., este sí correcto con respecto a moitas das apostas.

Por 3ª vez nesta edición Michi acada a vitoria, nesta ocasión en soidade con 57 puntos. Somentes perdeu 1 punto por parámetro, situándose moi por diante dos seus competidores en O Cebreiro. Dende o posto 15 ascende ata o 10º posto, é, ainda que a clasificación non o reflicta, por diante de Verducido, cos mesmos puntos pero con menos vitorias. Despois de acadar o Top-10, cal será o seu próximo desafío?

55 puntos ó unísono para Sarabia e Compoñente Sur. Con apostas moi similares ambos conseguen un pulo moi importante de cara a este final de Liga. Sarabia chimpa dende o 9º posto ata o 5º, cunha traxectoria formidable nas derradeiras xornadas. Compoñente Sur pasa do 17º ata o 13º, xa no grupo que compite polo Top-10 cunha marxe de puntos escasa. Grandes premios para unha excelente xornada!!

E con 53 puntos, atopamos a Rasta, líder da xornada durante gran parte do día e que sube un par de postos ata o Top-20. Botikas non puido recuperar demasiado fronte a lideresa, recortando un só punto pero invertindo o resultado das derradeiras xornada. Cachola ben alta para os dous!!

E ata 4 meteoludópatas comparten unha puntuación de 52 puntos. A lideresa Magor non da marxe de erro ós persecutores e mantén 16 puntos de vantaxe sobre o seu máis próximo enimigo. Verducido achégase o Top-10 perdido en O Courel, mentras Beocha sube unha posición ata a 6ª praza, preto do Top-5 dilapidado tamén no Courel. Mina sube ata a 4ª posición e ha de preparar o asalto ó podio. Hai que loitar ata o final!!

Estas foron as nove mellores puntuacións na 19ª etapa desputada en O Cebreiro. Coma destacados perdedores podemos nomear a Julio, que no puntuou nada na chuvia e pasa do 4º ó 8º posto e a Landrán, que perde condición de Top-10, pasando dende o o 6º posto ata o 14º. Deberán remontar para restaurar a súa autoestima. Nas posicións dianteiras o combate é pechado, con movimentos interesantes de nov@s aspirantes ós postos de honra. Isto non rematou, nin moito menos!! Para acadar tódolos datos xurdidos desta etapa pica no enlace que ofertamos baixo este texto.

O clima segue na loita!!