Xornada para recordar a de Serra do Eixo 2024. As portas do Olimpo meteorolóxico amateur ábrense para que faga a súa entrada baixo palio a un participante que petou no teito de cristal da távoa de clasificación. Non se acada un pleno tódolos días, para ser exactos dende fai un ano, un mes e algún días, aquel de Corrubedo na data inicial da edición anterior desta mesma competición. Faremos un resumo de tan insigne xornada.

A temperatura mínima chegou na madrugada ata o 1º C., que ainda que se rebaixou no final do día, non mudou o redondeo. Pola tarde acadóuse a máxima diaria con 7º C., tamén redondeados. Os 0.3 mm. de chuvia redondeou en 0 e o vento marcou un refacho máximo de 16 km/h.

E estas foron as apostas que fixo Julio para entrar na historia da competición e facer os 60 puntos, que son o teito máximo que se pode acadar como puntuación. Pouco que dicir, mallou tódolos parámetros e leva máis que unha vitoria. Só lle falta gañar unha competición longa, algo que tampouco fixeron os outros acaparadores de pleno. Pero estando na posición que está, 4º clasificado, e sendo a segunda vitoria nas derradeiras 3 etapas pode estar en disposición de facer o doblete. a só dous puntos do podio, ameaza en serio a estabilidade da xeral. Ave, Julio!!

59 puntos para Michi que quedou a un só punto de entrar na lenda, mallando temperatura e auga e perdendo un mísero punto (polos pelos) no refacho. Gran puntuación que o leva ata o 17º posto pero que anima aseguir na loita. Chúchalle!!

E gran puntuación para Sarabia con 58 puntos perdendo 2 puntos nas temperaturas pero mallando o refacho. Queda na 12ª posición ás portas do Top-10. Segue nese camiño!!

E ata 7 meteoludópatas compartillan a 4ª mellor puntuación na Serra do Eixo con 57 puntos. Xowi marca xa o 14º posto na xeral. Popolo mantén o terceiro chanzo do podio pero recorta cos seus predecesores. Landrán escala ata a 6ª posición. Punteiro e Lume xa están nas portas do Top-10, onde a loita é feroz, no 13º e 11º posto respectivamente. Balboa no lugar 23 e Kaltxon afianzándose no Top-10 na 8ª posición.

E todo o Top-10 recortou distancias coa lideresa Magor, que ve como os chacales van achegándose por tras e semella que o inverno seco non lle acorda tanto coma o outono húmido que lle dou a posición de cacheira da xeral. Chegará a chuvia, sen dúbida, chegará…

Se queres coñecer tódolos detalles da 14ª xornada da Liga da Inverneira en Serra do Eixo, clica no enlace que ofertamos baixo este texto.

E benvidos á historia viva de eltiempoentuojete!!

Na Serra do Eixo comeza oficialmente a segunda metade da XI edición da Liga da Inverneira. Na comarca de A Veiga e a máis de 1000 metros de altitude despútase a 14ª xornada cun claro acento anticiclónico. Ausencia de chuvia, vento frouxo e temperaturas baixas pero sen estridencias, semella que távoa de clasificación xeral non vai ter demasiados trocos. Ou iso parece…

As apostas en temperatura máxima van dende os 2 ata os 10º C. Os valores para as mínimas oscilan entre -6 e 3º C. As precipitacións probables enmárcanse entre a seca e 1 litro, mentras que os refachos de vento van dende os 5 ata os 35 km/h.

Dada a igualdade dos parámetros augurados estamos ante unha xornada con resultado moi axustado e co desafío de atopar un ou vari@s gañadores. Non deixes de seguir a xornada ao vivo dende este enlace a partires das 01:40 desta mesma madrugada e dende a mañanciña do domingo ata o final do día. O inverno en marcha!!

As apostas:

Saúde e clima!!

Rematou o outono da XI Liga da Inverneira de eltiempoentuojete e xa temos a quen felicitar pola fazaña intermedia. Magor fíxose co título desta primeira metade de competición, asombrando e asoballando a propios e estranos coa súa pericia preditiva. Ainda que a súa vantaxe vai diminuindo pouco a pouco, ninguén lle pode quitar a muiñeira. Volveu estar entre @s mellores nesta derradeira etapa de Ventosa, ainda que o seu principal opoñente e deus máximo do Olimpo meteorolóxico amateur, Botikas, levou a vitoria nun final de infarto con varios parámetros trocando valores ata o final do día.

A temperatura máxima acadou un valor na sobremesa de 8º C. Polo que atingue á minima, baixou ata os 4º C. na derradeira hora. A chuvia tamén agardou ata o límite para unha marca de 3 litros. O refacho máximo subiu na tardiña ata os 34 km/h. definitivos.

Como xa dixemos, Botikas sinalou a puntuación máxima con 58 puntos. Faltóulle un grado na máxima e 5 km/h. no refacho para facer o pleno. Segue na segunda praza asediando sen pausa á lideresa Magor, que segue a defender a posición co machado entre os dentes. Segunda vitoria neste curso que no caso de empate o favorecería exitosamente. Nada o que non nos teña acostumados. Kaltxon acompáñao na posición de honra con idéntica sorte na predición. Colle a 8ª posición compartida con Mina e semella que quere ascender onde tempos mellores. Atentos ó seu inverno.

57 puntos para Breogán77 que semella asentarse definitivamente no Top-20 buscando unha regularidade que non atopa. O inverno pode ser clave. Mesma puntuación para Popolo, 3º clasificado que está realizando unha das mellores tempadas que se lle recorda. Colle folgos con Julio e somentes mira cara enriba, onde durmen os deuses. Lume revive e volve achegarse ó Top-10 despois da debacle en O Xipro. Máis agardamos dela, sobre todo vitorias de etapa.

E con 56 puntos, a lideresa Magor, que continúa na súa defensa da posición de liderazgo e que se alza co título (sen coroa) de outono. Ainda que Botikas presiona, sempre aparece no resumo das mellores posicións. Idéntico resultado para un tren instalado no Top-10. Beocha, Landrán e Mina están na 6ª, 7ª e 8ª posición respectivamente e van achegándose a modiño ó Top-5. 7 miserentos puntos separan o 4º posto de Julio do 10º de Rasdgar, unha zona moi quente con grandes competidores e mínimas diferenzas que poden trocar de orde en calquera momento. O Top-10 anda na llama!!

Estas foron as 9 mellores puntuacións, sete delas entre o Top-10. Para acadar toda a información recollida na 13ª cita, en Ventosa, pica no enlace que aportamos baixo este texto

Sorte e clima!!