De novo a chuvia foi protagonista nesta 21ª xornada da Liga da Inverneira e de novo a lideresa indiscutíble Magor deixou claro que esta liga é súa e ninguén lo vai descutir. Pouca auga para o que adoita ofrecer Fornelos pero suficiente para marcar ou achegar diferenzas na clasificación xeral. A falta de 5 xornadas semella que a vitoria final en Xesteiras xa ten dona, pero o resto da távoa ainda ten moito que dicir. Ou non é así?

A temperatura mínima chegou na noitiña ata os 6º C., na media das prediccións dos mellores desta edición. Pola tarde acadóuse a máxima diaria con 13º C., na media da maioría dos pronósticos. Os 6 de chuvia sí que eran agardados, pero mallada por poucos meteoludópatas e o vento marcou un refacho máximo de 38 km/h.

E destes resultados sacamos 2 gañadores en amor e compaña con 57 puntos. Compoñente Sur e Beocha fixeron ó unísono a súa estrea vitoriosa nesta edición da Liga da Inverneira. Compoñente Sur mallou as temperaturas, perdeu un punto na chuvia e 2 no refacho. Pola súa banda, Beocha fixo pleno na chuvia e deixou cadanseu punto no resto de parámetros. Compoñente Sur sube dende o 17º posto ata o 15º, entrando no grupo que ainda loita por un Top-10 cada vez máis preto. Beocha alonxa ós persecutores, mantén a posición e volve ameazar ós seus inmediatos opoñentes cara un Top-3 ainda posible. O asalto dos Top!!

56 puntos para Marius e Verducido. Mantén a posición Marius, que dende terra de ninguén agardará un erro ou fará épica para subir ainda máis na xeral. Verducido iguala a puntuación de Julio e ameaza a Sarabia despois de 2 etapas decentes en pos dunha melloría no final de competición.

E con 55 puntos, Magor e Mina, as donas mellor clasificadas desta edición. Magor engade 3 puntos na renda sobre Botikas e semella que pode comezar a facer a festa dos campións. A súa puntaría pluviométrica vai ser tema de estudo. Mina dende o 4º posto ainda soña con acadar o Top-3 de acceso ó podio mantendo distancia coas outras dúas donas “na llama”, Sarabia e Beocha. Mulleres protagonistas!!

E sumando 54 puntos, Popolo e Landrán, que segue a achegarse ó Top-10, co 11º posto na man e a pouca distancia dos mellores. Popolo segue a ostentar o derradeiro chanzo do podio ainda que vai perdendo puntiños coas rapazas, e recuperando terreo con Botikas. Cando hai calidade ainda hai tempo!!

Nota: recuperóuse a puntuación perdida de Kaltxon na xornada de Lardeira, extraviada da clasificación. Pedimos humildemente desculpas.

Esta foron as 8 mellores puntuacións na 21ª xornada, desputada en Fornelos. Para acadar tódolos datos xurdidos desta etapa pica no enlace que ofertamos baixo este texto.

Saúdos e sorte!!

Seica a etapa de Fornelos deixa división de opinións en moitos aspectos, polo que todo semella indicar que imos ter unha dura loita e posibilidade de trocos na xeral. Xa dixemos que estaba moi remexida a cousa neste tramo final de Liga,e, non sendo para Magor, o resto de participantes anda na procura de mellora ainda que sexa arriscando a súa posición actual. De perdidos ó regato…

As apostas en temperatura máxima están moi abertas e van dende os 10 ata os 16º C. cun pico de 12º C. Os valores para as mínimas oscilan entre 5 e os 9º C. As precipitacións son unha incógnita, con valores dende 0 ata os 10 litros, mentras que os refachos de vento van dende os 12 ata os 51 km/h.

Variable amplitude nos parámetros de predicción de temperatura e grande para vento e chuvia, polo que estamos ante unha xornada cun resultado moi difícil de augurar e co desafío de coronar un ou vari@s heroes. Non deixes de seguir a xornada ao vivo dende este enlace a partires das 01:40 desta mesma madrugada e dende a mañanciña do domingo ata o final do día. Fornelos nunca foi unha praza doada!!

As apostas:

Saúde e sorte!!

Cando todo semellaba que poucos movimentos se agardaban cara o final da Liga, dacordo ás diferenzas entre competidores, podemos dicir que era somentes un espellismo,una quimera. A falta das 6 derradeiras etapas a clasificación xeral apértase nas puntuacións e moit@s meteoludópatas están a dar un pulo final nas súas carreiras, mentras que outr@s trocan posicións case cada semana buscando o mellor posicionamento na cita final en Xesteiras. A xornada de Lardeira a priori non era das que deixan pegada pero os resultados finais amosan que ainda se loita duro en case tódalas zonas da távoa de clasificación.

A temperatura mínima chegou na madrugada ata os 3º C., moi por riba do que se marcou en días anteriores, con valores en negativo. Pola tardiña acadóuse a máxima diaria con 5º C., esta sí moi por baixo da maioría dos pronósticos. O único litro de chuvia sí que estivo na media do agardado e o vento marcou un refacho máximo de 48 km/h., tamén moi perto a moitas apostas.

E así atopamos a un dos loitadores sen descanso desta edición no máis alto da clasificación da etapa de Lardeira. Julio volve destacar cunha vitoria que o fai ingresar no Top-10 de vitorias acumuladas con 22. Facía 4 anos que ninguén ousaba entrar neste Top que tiña inquilinos de renda fixa. Botou a Víbora que estará a pensar na vinganza e regreso. 56 puntos para el, cun impresionante acerto na temperatura, moi axustado no refacho e perdendo 3 dos 4 puntos na chuvia. Suma a súa terceira vitoria nesta edición e sube do 8º posto ata o 6º. Ven desbocado!!

Outro resultado con cheiro a trunfo foi o de Botikas con 55 puntos. Boas puntuacións en tódolos parámetros para restarlle 5 puntos á lideresa Magor e achucharlle no pescozo, avisando do que pode ser capaz de cara o final. Conocéndoo, non vai deixar de pelexar polo título que ainda lle pertence. Demostra quen es!!

54 puntos para Beocha que ainda non dixo a derradeira palabra. Non sendo a temperatura máxima, gran etapa para ela, co premio de subir un posto, ata o 5º e ameazar a Mina, que ostenta o 4º. Non deixou o Top-10 en toda a tempada e semella que ainda ten folgos para atacar o Top-3. Ensina os dentes e as unllas!!

Con 53 puntos entraron Víbora e Verducido, con títulos da Inverneira nas estanterías que este ano loitan por metas máis modestas. Víbora salta do posto 18º ata o 14º, tentando acadar un Top-10 que xa está máis preto e semella factible. Verducido trepa ata o 8º dende o 11º tentando asegurar o Top-10 e quizais algo máis. Vamos, que se pode!!

Vari@s meteoludópatas sumaron 51 puntos en Lardeira. Xowi sitúase a un só punto do Top-10 que se lle resiste toda a competición. Para Breogán77 estos puntos metérono no Top-20. Mina mantén a posición e recorta co Top-3 en mans de Popolo. Xa queda pouco e hai que dar o mellor!!

Estas foron as oito mellores puntuacións na 20ª etapa desputada en Lardeira. Nas posicións dianteiras o combate é pechado, sen perder conta do resto do pelotón, na busca de melloría. A xeral anda na llama!! Para acadar tódolos datos xurdidos desta etapa pica no enlace que ofertamos baixo este texto.

Loita ata o final!!