De novo manda o anticiclón nesta 14ª etapa da Liga da Inverneira e iso vai dar como resultado unha mera xornada de transición… ou non? Moitos son os puntos onde os xogadores colisionan e buscan unha oportunidade de mellora na súa clasificación xeral. Un punto por riba ou por baixo pode marcar o devir para o desenvolvemento final da competición e tes que estar na mellor posición posible. Non semella que en Serra do Eixo vaiamos ter moitos trocos, pero mellor se veñen de cara.

As apostas en temperatura mínima van dende os -2 ata os 3º C. Os valores para as temperaturas máximas oscilan entre os 8 e os 16º C. As casiñas de pluviosidade volven estar baleiras unha semana máis mentras os refachos de vento amosan bafaradas entre os 10 e os 49 km/h.

Con estes datos é inevitable seguir a etapa ao vivo dende este enlace, dende esta mesma madrugada a partires das 01:30 horas e dende a mañanciña do domingo en horario intensivo ata o remate da xornada.

E non esquezades que o luns cara o mediodía podedes ter unha vitoria baixo da árbore de Nadal. Felices festas a tod@s e que todo vos veña de cara. Desfrutade!!

As apostas:

Saúde e sorte!!

Hoxe imos dar os parabéns a o primeiro novato que acada unha vitoria nesta 10ª edición da Liga da Inverneira de eltiempoentuojete. Magor pon a primeira marca na távoa de vitorias en Ventosa, nun lugar e nunha etapa onde era compricado gañar en soidade. Pois Magor o fixo, inaugurando o seu propio casilleiro e que agardamos non sexa a última. Noraboa, Magor, xa estás no Olimpo Meteorolóxico Amateur, de momento coma Heróe. Ainda te queda ascender a Semideus e Deus.

A xornada estivo marcada pola alta temperatura máxima que se acadou o final da mañanciña do domingo. Ningunha aposta chegara ata esas cifras e non é doado acadar esa temperatura no extremo oriental da montaña lucense nestas datas. A chuvia foi inexistente, a temperatura mínima baixou cara o final da xornada e o vento foi frouxo como se agardaba.

A temperatura mínima mantívose en 6º C. durante 23 horas, baixando ata 4º C. no derradeiro instante e arrebatando a vitoria a Landrán para darlla a Magor. A temperatura máxima acadóuse cara as 12:30 do mediodía chegando ata uns insólitos 16º C. Ninguén apostara tan alto. Nin asomo da chuvia, o vento mantívose dende a madrugada en 15 km/h. estando na media das predicións da maioría.

Con este panorama damos a benvida ó Olimpo a Magor, cos seus 57 puntazos. 1ª vitoria dun novato nesta edición, moi merecida, perdendo somentes 2 puntos na temperatura máxima, mallando a mínima e a chuvia e deixando un punto máis no refacho. Vitoria moi merecida á conta das apostas realizadas e só nos queda felicitalo e agardar máis desta promesa do ano. Entra no Top-20 e seguro que gaña confianza para futuras xestas.

Con 56 puntos entrou Compoñente Sur, mellorando día a día. Faltóulle que a mínima baixara un grao para levar a etapa en soidade. De todas formas ascende 2 posicións para acadar o Top-10 empatando con 2 apostantes de calidade.

55 puntos obtiveron ata 5 competidores. O líder Botikas segue imparable, ainda que deixando varios puntos na temperatura máxima, coma todos neste grupo. Engade 2 puntos á renda co segundo e terceiro clasificado e comeza a dar medo (outra edición máis). A guantóulle Beocha na 4 praza, onde xa está a menos de 10 puntos do terceiro e compretando un final de outono e inicio de inverno espectacular. Tamén Breogán77 achégase a 6 puntos do seu predecesor, e Víbora aguanta no Top-10 atopando mellores sensacións e vindo dende atrás. Punteiro ven mellorando o seu horrible inicio de tempada e sitúase na 18ª posición, remontando coma só el sabe.

E ata 9 apostantes comparten a 4ª mellor puntuación con 54 puntos. Modesto, Landrán, Mina, Popolo, Mingos, Lume, Balboa, Julio e M. B. Joaquín, a maioría deles envoltos nas posición de cacheira e no Top-20 da Clasificación Xeral.

Para sumerxirte nos datos obtidos nesta 13ª etapa da Liga da Inverneira pica no enlace que deixamos embaixo esta letras ou tamén podes pasar polos Resultados da Liga Meteorolóxica, no menú principal da Liga Meteorolóxica (Valga, Pontecesures a redundancia).

Saúde e clima!!

O anticiclón semella que vai ser o protagonista da 13ª xornada da Liga da Inverneira. Ceos despexados e vento moi morno, que tamén redunda en xiadas no abrente do día e quizais algo de néboa será o cariz desta etapa. Pero claro, as neboas non semella que nos vaian a influir porque esas nubes baixas predominan nas vagoadas, non nas zonas altas coma Ventosa.

Polo que respecta ás apostas notamos moitas ausencias. Contentos estarán os da zona media e baixa de poder subir posicións á conta do absentismo recurrente. Pero como o que nos importa son os que están e non os que son, imos achegar un pouco de luz sobre as prediccións.

As temperaturas máximas oscilan entre os 7 e os 14º C. As temperaturas mínimas van dende os -2 ata os 7º C. As casiñas da cantidade de chuvia están todas baleiras. Polo que respecta ós refachos de vento, os valores establécense entre os 7 e os 45 km/h.

E con menos apostantes, máis posibilidades de vitoria para os presentes. Se estás entre eles non deixes de seguir a etapa ao vivo dende este enlace, ou no que ofertamos no menú de Acceso rápido a partires das 01:30 desta mesma madrugada e dende a mañanciña do domingo en seguimento continuo ata o final da xornada. Temos que buscar unha alegría!!

As apostas:

P. D. Non fagades caso do nome da etapa na foto das apostas. Esqueceume cambialo, pero os datos son os corretos.

Saúde e sorte!!