Despois de pasar todo o domingo incomunicados e con aspecto de ter que anular a etapa de O Xistral por falta de datos… apareceu o peine! Cando esta mañán pasamos pola páxina de resultados de Meteogalicia tiñamos os datos da xornada actualizados.

Pouco podemos dicir do desenvolvemento da etapa pois os datos non se actualizaron en tempo real, polo que pasamos a resumir os resultados da xornada.

A temperatura máxima chegou ata os 13º C. mentres a mínima acadou un valor de 10º C. O pluviómetro chegou a cifras somentes predicidas por Punteiro, 14 litros. E o refacho máximo de vento fóise ata os 124 km/h.

Con estes datos só contamos cunha participante por riba dos 50 puntos. Beocha suma 52 puntos para unha vitoria en soidade, que tamén lle vale para subir ata o 4º posto da clasificación xeral. Sobria en tódolos parámetros perdeu somentes 1 punto na temperatura, 3 na chuvia e 4 no vento. Achégase ó cumio da clasificación xeral despois dunhas xornadas recuperando puntos de maneira espectacular. Veremos se nas próximas citas colle o tren do Top-3 e se postula coma aspirante ó título.

Por tras, con 48 puntos, un trio moi activo nas derradeiras datas. Verducido recorta espacio cos 2 mellores da xeral quedando a 2 puntos de Kaltxon e a 3 do líder Botikas. Landrán sube ata o 6º posto e ameaza xa a Mina, que segue a perder puntos nas últimas citas. Punteiro ten a subida máis espectacular, dende o posto 26 ata o 19, xa dentro do Top-20. Seguro que bota de menos os puntos das penalizacións de inicio de Liga.

Os 47 puntos de Botikas serven para desempatar con Kaltxon e situarse coma líder en soidade, seguido de preto polos perseguidores pero afianzando o seu postulado a una nova vitoria final. Mesmo número de puntos para Marius para marcar outra das grandes subidas na xeral, dende o posto 14 ata entrar no Top-10 facendo moito ruido.

46 puntos para Mina e Kaltxon, que non perderon tanto como a xeral dicta. Manteñen posicións de privilexio nunha etapa onde se puderon perder moitos puntos. Kaltxon está a 1 punto do liderato e Mina queda na 5ª praza moi presionada por Landrán.

Julio acada 45 puntos tentando afianzar unha calidade da que ainda non dou conta nesta edición e chega ata o posto 27 da xeral.

Estes son os 9 mellores resultados nesta 12ª etapa da Liga da Inverneira desputada en O Xistral. Para acadar tódolos datos rexistrados na etapa pica no enlace que deixamos baixo estas letras.

Aviso: Os datos de O Xistral na Clasificación Xeral atópanse na penúltima columna en vez da derradeira, polo troco feito na anterior xornada.

Saúde e clima!!

Así está a estación sustituta, O Xistral, nestas últimas horas. Recentemente comezou a deixar de enviar datos e na actualidade semella estar varada. Agardamos que sexa un problema de conectividade de datos e non un faio de funcionamento da propia estación. Xa veremos se o luns a mediodía contamos con datos válidos para o desenvolvemento da 12ª etapa da Liga da Inverneira.

Polo que atangue ás apostas, pódese apreciar unha gran variedade de datos, non tanto nas temperaturas como nas cifras de pluviosidade e refachos de vento. O Xistral está entre as estacións máis ventosas da comunidade e unha das máis chuviosas do norte da provincia de Lugo. Podemos ter unha gran etapa climatolóxicamente falando. O único malo é a incertidume do funcionamento das estacións desta zona nas derradeiras datas.

No parámetro das temperaturas máximas observamos valores que van dende os 11 ata os 17º C. Tamén moita marxe nas mínimas, con apostas entre os 7 e os 13º C. Polo que respecta á pluviosidade, as cifras varían dende os 2 ata os 14 litros. E no que atinxe ós refachos de vento, os números oscilan entre os 21 e os 119 km/h. Pódese chegar a perder ata a camisa nalgúns casos…

Con esta diversidade de apostas podemos predicir para mañá unha xornada moi intensa e que non deberiamos perder no seu desenvolvemento. Agardamos poder seguila ao vivo dende este enlace a partires das 02:00 horas desta mesma madrugada e con rigor temporal dende a mañanciña deste domingo (se a estación o permite). Se Meteogalicia nos deixa, non deberías perdela.

As apostas:

Saúde e sorte!!

De novo temos que pedir desculpas por un faio continuado nunha estación. Contabamos con desputar a xornada perdida de O Xipro nesta semana, agardando que se arranxaran os problemas da estación e poder desputar dita etapa unha semana máis tarde. Despois de comprobar que ainda están sen solucionar os faios, non imos agardar máis na espera dun arranxo. Para que non se repita o troco no último día da derradeira semana, procedemos a facer a mudanza xa. O novo destino é unha vella coñecida de fai un paar de tempadas, cando sustituiu a Cuntis coma derradeira xornada da VII edición da Liga da Inverneira. O Xistral, na serra do mesmo nome e no concello lucense de Muras é a escollida.

Xa tedes os trocos de enlaces amañados para non vos perder nin detalle desta estación que se estrea nun mes de decembro.

Reiteramos as disculpas e prometemos queixarnos ante Meteogalicia polas afrentas a esta nosa competición. Preparade ben a batalla, os datos xa os tedes ahí.

Sorte e clima!!

Non era por estar avisados, nin por chamadas a calma, o feito parece ser que nalgunhas etapas a xente di simplemente: FESTA!! E eso foi o que pasou na xornada de onte. As cousas comenzaran raras cando houbo que facer o cambio do Xipro, na Fonsagrada, polo Monte Marroxo, en Monforte , e descoñecemos si polas néboas do Cabe ou algunha circunstancia todavía a estudar , un grupo, que exceptuando a Mina, movíanse pola parte morna da táboa clasificatoria, decidiron apostar forte pola chuvia que presumiblemente chegaría na última parte do día .

Chegar chegou, máis o pluviometro non encheu o suficiente, e ao final, o grupo de apostantes que fixo prediccións arredor dos 15 litros quedaron moi por riba das cifras que ao final recolléronse, os cinco litros finais. Foi a chuvia quen cimentou unha vitoria de etapa donde Botikas e Vibora conqueriron os 55 puntos, seguidos de perto por Verducido, Kaltxon e Breogan77, cuns meritorios 54 puntos.

Estes guarismos fixeron que a xeral manteña un apertado combate nos tres primeiros postos, con Katxon e Botikas compartindo a primeira posición, ameazados de preto por Verducido e da que Mina descólgase da loita polo podio debido a falta de chuvia no Marroxo.

Gracias a súa boa man coa chuvia, resisten nos dez primeiros postos Vibora, Beocha, Breogan, Landrán, Balboa e Compoñente Sur. Caense dos postos de privilexio, Xowi e Mutombo, este último un dos grandes afectados pola magna aposta pluviométrica, xunto con Popolo ou Kalandrakas, que por enriba, penaliza por chegar tarde desplomándose na clasificación.

Manterémosvos informados sobre as novas da vindeira etapa.

Sorte e clima!!