Espectacular xornada cálida a desenrolada (ou sufrida) no Penedo do Galo, con marcas inéditas nestas datas de Outubro. Falábamos na previa da aposta arriscada de Bar Pequeno, cos seus 22º C. de mínima. Hoxe, despois do remate do domingo, falamos da sua aposta coma unha das gañadoras xunto con Popolo. 55 puntos nunha etapa onde non foi doado chegar aos 50 puntos mínimos que require unha xornada sobre seco e a comezo do outono. Máis da metade d@s meteoludópatas non acadaron esa marca, incluindo moit@s das vacas sagradas de eltiempoentuojete. Isto fai que a diferenza entre o líder e o derradeiro xogador con as duas xornadas desputadas sexa de… 17 puntos!! Non é o agardado a estas alturas…

A temperatura mínima quedou en 23º C. redondeados, unha noite propia de Colombia en pleno vran. Despois do amencer a cousa quentouse ata chegar ós 29º C. (e sorte, porque ficou a piques dos 30). A auga non apareceu nun día tan quente pero o vento somentes acadou os 20 km/h. nun alto que marca dos maiores refachos da comunidade. Semella ser un dos valores máis baixos nos anos de xogo de eltiempoentuojete.

Deste modo só queda felicitar a Bar Pequeno e Popolo, que con 55 puntos non deixaron oportunidade ó resto de competidores. Bar Pequeno chega ata a segunda praza apenas a un punto do líder e deus meteorolóxico amateur Breogán77, que si poido superar os 50 puntos. Popolo entra no Top-10 despois dunha mala primeira xornada.

53 puntos para Lukas, cunha aposta equilibrada, perdendo puntos somentes nesa mínima de escándalo.

52 puntos achegan ó seu marcador Rasdgar, Balboa, Compoñente Sur, Mutombo e M. B. Joaquín. Todos eles entran de cacheira no Top-10 da Clasificación Xeral e postúlanse coma serios aspirantes a permanecer nel.

Xowi, Breogán77, Julio, Mingos e Sarabia suman 51 puntos e tamén se ven preto do liderato e collen ánimos cara a próxima cita en Castro Vicaludo.

No outro lado da moeda temos a Modesto, que pasou friaxe en Viveiro e finalmente quedou xeado con 40 puntos nas derradeiras posicións e terá que botar leña na cheminea para remontar 2 xornadas para esquecer. Foi incluso superado polos retrasados do día…

Se queres coñecer todos os datos recabados na 2ª etapa da X Liga da Inverneira, pica no enlace embaixo exposto.

Saudos e sorte!!!

Seguimos coa secuencia anticiclónica de cara á segunda etapa da Liga da Inverneira, desta vez na provincia de Lugo, na zona da mariña, no alto que se sitúa no fondo da ría que corona Viveiro. Penedo do Galo, xa un clásico nestas datas pode ser outra oportunidade de entrar no Olimpo meteorolóxico coma fixo Breogán77 na derradeira e inaugural xornada.

San Miguel vainos deixar un domingo solleiro, con temperaturas altas para a época do ano e cun vento, que nesta localización adoita ser importante, que semella non marcará a diferencia con calqueira outra localidade do país galego.

As apostas en temperaturas máximas van dende os 22 ata os 32º C, unha amplitude maior do agardado. As mínimas sitúanse entre os 13 e os 18º C., cunha anomalía que chega ata os 22º C.,que probablemente marcaría un feito record neste lugar e nesta época. Nengunha aposta sobre mollado, con seca en tódolos marcadores. O vento rexistra unha variación entre os 9 e os 46 km/h. sendo outro parámetro con marxe cara enriba e cara embaixo.

Con estes datos agardamos unha xornada moi apertada, de novo con posibilidades de pleno e que que podería (ou non) modificar significativamente a Clasificación Xeral, arrimando ós descolgad@s ou destacando ós máis favorecid@s. Recordar que teñen un aviso cara a penalización Rasta, Luna Desgracia, Breogán77, Mutombo, Lukas, Erdôgan e Budainca. Coidado cos retrasos, non fagades coma Punteiro e Lume, perdid@s na verbena de S. Miguel.

Saúde e sorte!!!

eltiempoentuojete volve a abrir a cancela do Olimpo Meteoludópata para recibir a Breogán77, que moito tempo despois da derradeira apertura, obra a milagre de facer os 60 puntos posibles, ou dito de outra forma, o PLENO da predicción meteorolóxica nunha xornada da Liga da Inverneira.

Pódese pensar que foi unha etapa propicia para elo, pero non atopamos participantes con 59 puntos, polo que fai máis ostentosa a exhibición de Breogán77. 60 puntazos que lle dan o mando da competición e que semellan unha declaración de intencións de cara á sua presentación coma proposta de futuro aspirante á vitoria final.

Marius, Kaltxon e Jose Lopez acadaron a segunda mellor marca da xornada con 58 puntos. Con 57 puntos, dous vellos coñecidos, Beocha e Botikas, acompañados por Compoñente Sur e o novato Patoloco. 56 puntos para o tamén novato Rasdgar, Verducido, M. B. Joaquín, Balboa e Julio. Estas foron os 13 mellores no concello de Ribeira.

En Corrubedo non houbo grandes decepcións, salvo algunha aposta en vento superior con creces ó agardado e outras que semellaban de noites tropicais (os 18º C. de mínima de Juanito Caminante). Tódolos participantes andiveron finos e somentes unha aposta non acadou os 50 puntos. Incluso @s novat@s estiveron á altura e algún asomou a cachola entre as mellores puntuación. De calqueira forma a Clasificación xeral está moi apertada e calqueira carencia de atención podería condenar ós primeiros postos ata o fondo do listado. Recorda que isto é unha Liga e que a consistencia é a clave do éxito.

As temperaturas estiveron na marxe do agardado e do recollido noutras edicións. Da mesma maneira non sempre chove nestas latitude e nesta época do ano, como reflicten resultados anteriores. O vento foi máis unha brisa, sempre dentro da marxe dun día solleiro na costa ribeirense.

Polo tanto, pouco espazo entre meteoludópatas, ou sexa que haberá que preparar ben a etapa de Penedo do Galo. A costa norte sempre pode achegar algún temporal, á marxe de ser unha estación nun lugar onde poucas axencias fan prediccións e acadar información precisa non é doado. A estudar, que o próximo control está a menos dunha semana e non se pode deixar todo para o derradeiro día!!.

Se queres acadar toda a información detallada da xornada inaugural da X Liga da Inverneira, en Corrubedo, pica no enlace exposto baixo estas letras.

* ainda non se actualizou a páxina de Históricos por parte de Meteogalicia. Amosamos os datos que permite Meteogalicia polo momento.

Saudos e sorte!!!