Rolda inaugural para os mellores 16 xogadores do Torneo de Vran en Bengala, onde se vai a seguir competindo durante as 4 roldas das que compoñen a Ojete’s Cup. Balurghat, en South Dinjpur é a escollida para o pistoletazo de saída.

As apostas en tempertura máxima oscilan entre os 33 e os 36º C. As mínimas van dende os 25 ós 29º C. En chuvia recibimos apostas entre 0 e 20 litros, mentres que nos refachos, as apostas van dende os 10 ata os 35 km/h.

Por enfrontamentos, o cacheira de serie número 1, Bar Pequeno, mídese a Rasta con temperaturas similares pero moita diferenza en pluviosidade e refachos de vento. Bar Pequeno pide pouca chuvia e vento moderado, á contra do que necesita Rasta.

Punteiro púxollo doado a Landrán chegando tarde pero as súas apostas en pluviosidade distan tanto que Punteiro pode ter unha oportunidade. Tamén teñen diferenzas moderadas en temperatura.

Botikas e Víbora teñen un desafío entre a elite de eltiempoentuojete. Marcaron as mesmas temperaturas e refacho similar, con mínimas diferenzas na cantidade de chuvia. Semella que se resolverá con foto-finish.

Verducido e Pájaro vense as facianas por primeira vez na Ojete’s con apostas moi parellas que auguran un resultado semellante e por tanto, rolda emocionante.

O mesmo caso na confrontación entre Denodeno e Julio, con todos os parámetros moi similares e con resultado incerto dadas as apostas.

A eliminatoria máis parella é a de Michi con Beocha. Apostas en temperaturas iguais e somentes 1 litro e 3 km/h. de discrepancia nos parámetros de pluviosidade e vento. Emoción no límite.

Compoñente Sur e Sarabia mallan as temperaturas e teñen vento similar pero as apostas en pluviosidade difiren o suficiente para que sexa a priori o parámetro decisivo neste enfrontamento.

E para Mingos e Marius as diferenzas atopámolas nas temperaturas, con moi pouco espazo entre as apostas de chuvia e refacho. Moi apertada tamén esta batalla.

Como podes ver, na maioría dos casos a competición está moi axustada e agardamos para o domingo loitas moi emocionantes durante todo o transcurso da xornada. Podes seguila ao vivo dende este enlace a partires das 02:30 horas desta mesma madrugada e dende a mañanciña do domingo en horario ininterrumpido ata o desenvolvemento final da etapa.

As apostas:

Saúde e sorte!!

Chegou o final do X Torneo de Vran en West Bengal e xa temos os resultados definitivos da competición. Coronamos a un novo semideus para o que se abren as portas do Olimpo meteorolóxico amateur. Bar Pequeno deu coa chave do trunfo sobre todo baseado na súa predicción na pluviosidade. Gañou con consistencia, os 12 puntos sobre o segundo lugar dan fé delo. Despois da 1ª xornada non se viu amenazado en ningún momento, e iso que tivo algún erro na situación dalgunha etapa, dadas as suas apostas en temperatura, como acredita esta derradeira xornada. Pero imos co resumo…

A temperatura mínima déuse a primeira hora da xornada con 26º C. No abrente marcóuse a máxima, que acadou os 36º C. Pouco antes caeu o litro e medio único en todo o día. O refacho máximo do día foi de 8 nos, equivalentes a 15 km/h.

A etapa levárona ó unísono Punteiro e Denodeno con cadanseus 55 puntos. Ambolos dous estiveron moi acertados na pluviosidade e no refacho de vento ainda que non tanto nas temperaturas. Pero valéulles de sobra para destacarse 3 puntos sobre os persecutores, gañar a etapa e clasificarse para a Ojete’s Cup entre os cacheiras de serie, isto é, entre os 8 mellores da xeral, que terán a vantaxe final no caso de desempate. Noraboa ós dous!!

52 puntos anotaron Popolo e Marius, con gran desempeño nas temperaturas e no refacho e un pouco menos na pluviosidade. Marius logra entrar no Top-16 (estaba no posto 17, a gurgulla) e sube ata o 11 despois do desempate con outros dous competidores. Popolo estaba lonxe dos elixidos e a puntuación non foi suficiente para estar entre a élite da Ojete’s Cup.

Landrán, Botikas e Verducido asinaron 51 puntos en Jalpaiguri con boas apostas sobre vento e perdendo puntos na chuvia acumulada, pero facendo o suficiente para manter o status de Top-16. No caso de Botikas e Verducido entre os 8 mellores que nun hipotético desmpate final terían vantaxe.

Os 49 puntos de Julio tamén lle permiten o aceso direto á Ojete’s Cup, na posición 15, pero mellor que nada, despois de estar pendendo dun fío todo o Torneo.

Bar Pequeno vence na competición estival e defenderá a praza de honra no Ojete’s Cup que comeza esta mesma semana en similar escenario, West Bengala no leste da India. Seica se acomodou mellor que ninguén a esta zona do mundo e será o rival a batir no certamen do K.O. A segunda praza de Denodeno é o seu mellor resultado histórico e pode estar fachendoso do seu fito. Compoñente Sur tamén pode inchar o peito despois de facer podio, perdendo a segunda praza no desempate. Agora toca aproveitar a racha e facer historia. 8 puntos por tras atopamos a Botikas na 4ª praza. Pouco máis que dicir de quen estaba desafiuzado despois da 1ª etapa. Mesmo caso para Verducido no 5º posto da xeral. E na 6ª Mingos, que tamén se sentíu cómodo na India e podería facer un gran papel na Ojete’s Cup. 7º posto para Beocha, cunha traxectoria irregular que pode mellorar na disputa do novo reto. O derradeiro posto de honra está nas mans de Punteiro e que acadou grazas á vitoria na etapa final.

Landrán sube ata o posto 9, Michi baixa dous pasos cara atrás ata o 10º e Marius obtén unha gran subida para situarse na 11ª praza. Contra el perderon o desempate Pájaro e Víbora, que ocuparán finalmente as prazas 12 e 13 respectivamente. A 14ª é para Sarabia, a 15ª para Julio e a derradeira para Rasta, que pode petar nos dentes despois dunha xornada final para esquecer. Ou non, porque é a que o leva a enfrontarse co vencedor do Torneo de Vran.

A partires de hoxe comezamos a Ojete’s Cup en West Bengal e amosaremos toda a información precisa sobre o torneo do K.O. Se aprecias carencias ou faios de calqueira tipo, rogamos o comuniques o antes posible para tentar resolvelo antes do inicio da competición. Embaixo do enlace dos resultados en Jalpaiguri amosamos o Cadro de Competición cos enfrontamentos de primeira ronda da Ojete’s Cup.

Cadro de competición

Saúde e sorte!!

Jalpaiguri é parada e fonda para a derradeira xornada do Torneo de Vran en West Bengal. Eiquí decídese a asistencia e o lugar a ocupar na Ojete’s Cup 2024. Tamén o vencedor final xunto co podio. Preto da fronteira con Bangladesh teremos resposta a tódalas preguntas feitas no inicio da competición. E a chave está nas apostas.

As prediccións para a temperatura máxima oscilan entre os 26 e os 39º C. Para as mínimas recibimos valores de entre 19 e 28º C. As apostas sobre pluviosidade seguen a ser variopintas e atopamos cifras dende a nada absoluta, 0, ata os 25 litros de cantidade máxima. Polo que respecta ós refachos de vento, están representados dende os 10 ós 35 km/h.

Con estas prediccións agárdanos unha derradeira xornada de moita emoción de cra os resultados finais. Deberías seguila ao vivo dende este enlace a partires das 02:30 desta mesma madrugada e dende a mañanciña do domingo en horario contínuo ata o final do día.

As apostas:

Saudos e sorte!!