Desculpas polo retraso

Desputóse a 2ª rolda de competición na Ojete’s Cup 2022, na estación de Gonikoppal, no distrito de Kodagu, dentro da provincia de Karnataka. A chuvia foi noticia pola sua falta, o que fixo que os enfrontamentos foran moi parellos.

A temperatura máxima foi baixa respecto ás apostas marcando 26º C. Tamén a mínima foi baixa, acadando os 17º C. A chuvia estivo ausente e o refacho tamén quedou por baixo da media de predicción, sinalando un refacho máximo de 22 km/h no final do día.

A vitoria foi compartida por Landrán e Kaltxon, con 57 puntos. Landrán segue nunha liña imbatible e ademáis dobrou turno ó acadar a vitoria tamén na etapa sísmica. Noraboa a Kaltxón e dobre noraboa para Landrán.

Landrán batiu a Punteiro pola única diferenza do vento, no que Landrán sumou o máximo de puntos ó mallalo con autoridade. Segue a ser o rival a batir, cada vez con máis solvencia. Punteiro perde cunha gran actuación, 56 puntos e buscará o 4º posto no cadro de perdedores.

Mina e Xowi tiveron que chegar ata o desempate, no que o refacho de vento de Xowi foi mellor que o de Mina.

O enfrontamento entre Verducido e Beocha reducíuse a unha batalla pola auga. Beocha agardaba por un litro que non chegou e fixo avanzar a Verducido.

A auga xunto co vento foron os factores que decantaron a pelexa entre Modesto e Popolo, que foi o que mellores valores acadou neses parámetros.

Pola banda contraria, Botikas batiu con comodidade a Sarabia, mellorando en tódolos parámetros e acadando 56 puntos.

Lume tamén gañou a sua confrontación con Compoñente Sur á conta da pluviosidade e loitará pola final B.

Kaltxon tamén atinou na pluviosidade, factor determinante para a vitoria sobre Bar Pequeno. 57 puntos para compartir a vitoria con Landrán.

Marius rebatíu as boas apostas de Michi en temperatura con mellor acerto no vento e na auga e leva a vitoria para optar á final B do torneo.

Se queres acadar os datos recollidos nesta 2ª rolda da Ojete’s Cup 2022, pica no enlace embaixo este texto.

A OjeteQuake 2022 desputou a sua penúltima etapa cunha xornada onde se sucederon os sismos maiores a 5,5 Mg. O rexistrado nas Illas Kermadec foi o maior, cunha magnitude que inicialmente se presentou coma 6,8, posteriormente reducíuse ata os 6,4 e finalmente quedou confirmada unha magnitude de 6,6 Mg.

Landrán repetíu vitoria cun epicentro apostado ao norte de Fiji, cunha intensidade de 5,7 Mg. para unha puntuación final de 462 puntos. Na xeral segue lonxe da cacheira, no posto 27. Kaltxon ten a segunda mellor marca do día, cunha aposta nas Illas Salomón e un total de 442 puntos, o que lle fai coller o liderato da clasificación a falta de 2 xornadas. Un por baixo presentou Popolo, na mesma zona e 441 puntos finais. Julio, presente tamén nesa zona achegou 432 e ascende á 4ª praza da xeral. Iago, con 411 puntos navega pola 8ª praza da xeral.

A falta de 2 etapas atopamos ós 6 primeiros clasificados nunha marxe de apenas 100 puntos. O resultado final é incerto sen apostantes destacados, polo que o máis efectivo nestas 2 xornadas será o que teña as cartas para gañar o torneo.

Para acceder a toda a información recollida na 19ª etapa da OjeteQuake 2022, preme no botón baixo estas letras.

Saúde e sorte!!!

Segunda rolda de competición na derradeira competición da tempada meteorolóxica amateur de eltiempoentuojete. O estado de Karnataka recibe @s 16 mellores meteoludópatas neste vran de 2022. A Ojete’s Cup desputa a segunda quenda de enfrontamentos no que semella un repouso dentro da tempada de monzón. Agárdase pouca chuvia ou nula, dacordo ás apostas recibidas.

As temperaturas máximas establécense entre os 23 e os 29º C. As apostas para a mínima oscilan entre os 16 e os 19º C. Case a metade das prediccións en chuvia están valeiras, mentras o resto chega ata os 4 litros, con unha aposta desmarcada de 8 litros. Os refachos de vento van dos 16 ata os 41 km/h.

A batalla entre Landrán e Punteiro somentes difire no refacho de vento, que tamén está moi axustado. Resultado incerto.

Mina e Xowi teñen diferenzas cativas en temperatura mínima e refacho, polo resto moi semellantes. Resultado incerto.

Verducido e Beocha presentan valores parellos, que difiren nun litro de chuvia e 3 km/h. Resultado incerto.

Popolo e Modesto distínguense por un grado en temperatura, un litro na chuvia e un refacho distante. O vento pode ser decisivo.

Sarabia e Botikas teñen a sua némesis na chuvia, ainda que no vento tamén discordan. A auga marcará as distancias.

Lume e Compoñente Sur teñen o refacho empatado, pero no resto, moitas diferenzas. A auga tamén pode ser decisiva.

Bar Pequeno e Kaltxon basan as suas diferenzas na chuvia. Ése será o parámetro crítico.

Marius e Michi tamén se distancian na chuvia, pero o vento terá moito que dicir. Resultado incerto.

Para seguir todo o que aconteza en Gonikoppal, no distrito de Kodagu en Karnataka, pica neste enlace ao vivo, que comezará a traballar cara as 03:00 horas desta madrugada (con permiso das festas). Non a perdas…!!

Na OjeteQuake 2022 chegamos ás derradeiras 3 xornadas e nesta 19ª as apostas volven concentrarse no leste de Asia, dende o norte de Rusia ata os lindes de Fiji no sur. Fora dese ámbito somentes atopamos epicentros nas Illas Sanwich e na costa de Ecuador. Nada máis… A magnitude máxima apostada chega ata os 6,1 Mg.

Se queres seguir o que suceda en directo, podes facelo dende este enlace ao vivo, e comezará a transmitir cara as 03:00 horas (con permiso das festas).

As apostas:

Saudos e sorte!!!

A 2ª rolda da Ojete’s Cup diríxese ó norte, seguindo a costa occidental e os Western Ghats no suroeste da India. Semella que o monzón debilítase conforme entramos en agosto, pero non se pode perder detalle do que está acontecendo. Polo lado verde do Cadro de Competición, oito participantes buscarán as semifinais do torneo. Polo lado vermello outr@s 8 meteoludópatas tratarán de acadar as semifinais da final B.

Cadro de Competición:

Enfrontamentos:

Na procura do trofeo

A experiencia de Punteiro supera con moito á de Landrán, pero éste ven de gañar o Torneo de Vran, tamén na India e superou a primeira rolda con vitoria e semella no mellor momento da tempada. Pero Punteiro é imprevisible…

Dous asíduos da competición un-contra-un buscan a semifinal con valores moi similares. Maior experiencia para Xowi, pero con mellor estadística en vitorias para Mina.

Tamén grandes coñecedores do torneo son Verducido e Beocha, con varios podios no lombo. Verducido xa gañou esta competición, pero Beocha presenta mellor acerto en pluviosidade, factor fundamental na India.

A pouca estadística rexistrada por Modesto contrasta cos malos resultados de Popolo. Moita incertidume nunha batalla que podemos calificar de “histórica”.

Na procura da final B

No lado vermello do cadro atopamos a Sarabia e Botikas. Os datos favorecen a Botikas, excepto o acerto xeral e a chuvia, que promete esperanza a Sarabia.

Cunha experiencia similar, as estadísticas sinalan a Compoñente Sur un pouco por riba no enfrontamento, con máis vitorias e mellor acerto. Lume tentará dar unha semi-sorpresa.

Tamén moi similares en case tódolos parámetros están Bar Pequeno e Kaltxon. O acerto en pluviosidade é o mesmo. A posibilidade de ascender cara a final B tamén é semellante.

Marius e Michi enfróntanse na loita pola final B, na que Michi é un auténtico especialista. Pero as estadísticas de acerto non din o mesmo, sendo favorables a Marius, sobre todo na pluviosidade.

Saúde e sorte!!!

Ainda trocando de área e chegando ó mes de agosto, segue o ambiente húmido na India, dando xornadas moi compricadas de predicir. E máis cando somentes permanecen o mellor de de cada casa. Notóse nas apostas que @s participantes aprenderon algo do Torneo de Vran. A maioría dos resultados finais superan os 50 puntos, puntuacións altas para o que vimos na zona noreste do país.

As temperaturas tiveron pouca amplitude térmica, sinalando 28º C. de máxima e 24º C. coma valor mínimo. A xornada comezou con 4 litros acumulados do día anterior, e ás 03:00 horas marcaba 20,5 (13 litros no derradeiro cuarto de hora), polo que estes 16,5 litros sumáronse os 7,5 litros que se acumularon ata o final do día para un total de 24 litros. Preto das 10:00 horas acadábase o maior refacho de vento, con 14 nós, 24 km/h. na conversión.

As maiores puntuacións pertenceron a Landrán, que segue cun nivel exquisito en chuvia e Beocha, cun alto desempeño en tódolos parámetros.

Landrán aproveitou a calidade da aposta en chuvia, combinado con boas puntuacións en temperatura e vento para gañar con claridade a Sarabia e acadar a seguinte rolda. Sarabia buscará a vitoria na segunda quenda de competición.

Punteiro tamén obtivo unha gran vantaxe en chuvia e derrotou con suficiencia a Botikas, parco en chuvia, pero con mellor rendimento no resto dos parámetros,

Lume e Xowi tiveron que chegar ó desempate en vento debido a unhas apostas similares. O pior parámetro en ámbolos casos foi o vento, precisamente o valor que lle deu a vitoria a Xowi por un mísero kilómetro, deixando a Lume polo lado oscuro do cadro de competición.

Tamén Mina recuperou os puntos perdidos en temperatura e vento cunha aposta en chuvia próxima á realidade e supera por 2 puntos a Compoñente Sur, que tiña 3 puntos de renda do vento e temperatura.

Verducido tivo unha xornada tranquila, á conta da aposta á baixa enchuvia formulada por Bar Pequeno. No resto dos parámetros estiveron notables e igualados.

Non foi así para Beocha e Kaltxon, que tiveron que agardar ata o derradeiro minuto, con Kaltxon pedindo un litro que lle daría a vitoria e Beocha co paraugas aberto para manter a cantidade de chuvia. Finalmente un único punto de diferenza para Beocha no enfrontamento con máis calidade na 1ª rolda.

Popolo tamén supera a rolda á conta da mellor aposta en chuvia, con 3 puntos sobre Kaltxon, quen tiña unha mellor predicción de vento.

Modesto e Michi tiñan as apostas máis semellante das recibidas o venres. Michi superou a Modesto en temperatura por dous puntos, pero o refacho de vento engadíu 3 puntos a Modesto, que lle deu a volta á confrontación.

Somentes 2 dos cacheiras de serie quedan desterrados á cara oculta do cadro. Lume (4) foi sorprendida por Xowi (13) e Kaltxon (7) por Beocha (10). Non se poden sentir culpables pois foron derrotados por 2 d@s mellores participantes desta competición e coa máxima experiencia posible.

Cara a noitiña de hoxe publicaremos o Cadro de Competición actualizado á segunda rolda, ainda que se pode adiviñar con facilidade no cadro actual. Recorda que ainda que perderas, tes unha nova oportunidade nesta semana. Nesta competición, non eliminamos, somentes desviamos.

Se queres investigar no acontecido na 1ª rolda da Ojete’s Cup, en Pattambi (Palakkad), pica no enlace que ofertamos baixo estas letras.

A OjeteQuake está na sua parte decisiva, con escaso espazo entre os xogadores máis espabilados na Clasificación xeral. O maior sismo do domingo tivo o seu epicentro en terreo ruso oriental, nas illas aledañas á illa norte de Xapón, cun epicentro inicial de 6,1 Mg., que posteriormente a axencia rebaixou ata os 5,8 Mg. definitivos.

Moita competencia na hora de facer reconto. Popolo acadou 484 puntos, con aposta no sur da península de Kamchatka e bós resultados en magnitude. Primeira vitoria nesta edición e 17º posto na xeral. Melloraba a magnitude Beocha, que dende o oeste de Xapón facía 483 puntos, a un só do vencedor Popolo. Sube ata o posto 14. Dende zonas similares chegaron Botikas (480 pts.), Michi (479 pts.) e Sarabia (476). Dende o noreste ruso, Mina acada 470 puntos. De tod@s el@s somentes Botikas ten praza no Top-10, no derradeiro. Na xeral, os 5 primeiros están enlead@s en pouco máis de 100 puntos.

Se queres escudriñar os resultados da 18ª etapa da OjeteQuake 2022, pica no enlace que atoparás baixo este párrafo.

Saúde e sorte!!!