Primeira xornada da Ojete’s Cup en India e semella que o grupo de elite fixo os deberes e estudou ben esta etapa inaugural, Isto reflicten as apostas en Pattambi, no distrito de Palakkad do estado de Kerala. A India segue a ser terreo compricado para a predicción en chuvia e o parámetro figura coma fundamental para pasar esta primeira xeira de enfrontamentos.

As apostas en temperatura máxima oscilan pouco, entre os 26 e os 28º C. As temperaturas mínimas representan valores que van dende os 22 e os 24º C. As tornas trocan cando falamos da chuvia, con apostas dende os 4 ata os 27 litros. Os refachos de vento inician en 15 km/h e chegan ata os 53 Km/h.

Vendo os enfrontamentos un por un, o parámetro da chuvia é o que marca a diferencia entre participantes, ainda que o refacho de vento vai ser importante nas loitas Punteiro-Botikas e Mina-Compoñente Sur, onde a disparidade é maior. Os emparellamentos Lume-Xowi, Kaltxon-Beocha e Modesto-Michi son moi semellantes e o resultado será incerto ata o derradeiro minuto.

Non podes perder o desenrolo desta xornada inaugural, e por iso temos un enlace á etapa ao vivo, que comezará a traballar cara as 03:00 horas desta mesma madrugada.

Na OjeteQuake, a xornada 18 trae moit@s retrasad@s debido á confusión polo remate do Torneo de Vran. A meirande parte das apostas seguen localizadas en toda a parte oriental de Asia, dende o norte de Rusia ata o norte de Nova Zelanda. Fora dese ámbito atopamos epicentros en Perú e o norte de Chile, ao sur de Nova Zelanda, na fronteira de Turquía con Irán e no sur de Israel. A magnitude máxima apostada acada os 6,2 Mg.

Para seguir a xornada en directo, deixamos este enlace á xornada ao vivo, que comezará a traballar cara as 03:00 desta mesma madrugada.

As apostas:

Saúde e sorte!!!

Neste informe imos poñer faciana contra faciana os contrincantes da 1ª rolda da Ojete’s Cup 2022 na India. Este informe somentes contempla os antecedentes nesta competición. Temos 2 xogadores que se desfloran na campeonato do un-contra-un de eltiempoentuojete.

Este ano somentes podemos ofertar os datos de Sarabia, pero Landrán ven coma cacheira de serie número 1 despois de gañar con moita suficiencia o Torneo de Vran. E semella que traballa ben en India, polo que segue a ser o rival a batir e favorito nesta quenda. Sarabia tamén coñece a vitoria nun torneo, ten un 50% de vitorias no un-contra-un e seu acerto xeral marca un 86%. Somentes gañou unha primeira rolda das 3 que desputou. Ainda tendo a peor posición, seica vai ser unha confrontación moi parella.

Teñen as posicións 8 e 9 pero son dous competidores de alto nivel con trofeos nas vitrinas. Punteiro ten 3 participacións, cun 4º posto coma mellor clasificación e moitas ausencias. Ten menos do 80% de acerto xeral, pero gañou o 66% das primeiras roldas desputadas. Botikas xa ten este trofeo na balda, con 20 vitorias e 8 derrotas, máis dun 85% de acerto xeral e 5 de 7 primeiras roldas superadas. Tende cara Botikas, pero Punteiro non é manco, só lle falta o dedo furabolos.

Lume e Xowi invertiron posición no Torneo de Vran. Lume é cacheira número 4, pero ten un baixo acerto xeral, moitas derrotas e unha vitoria de 3 na primeira quenda. Xowi é un dos 3 xogadores presentes nas 7 edicións da Ojete’s Cup. 28 etapas con 15 vitorias, máis do 81% de acerto xeral e 5 de 7 vitorias na xeira inaugural. Tumba cara Xowi, pero Lume está ben acondicionada na India.

Mina é a 5ª cacheira de serie, con máis experiencia, un 60% de vitorias e 2 de 5 en primeiras roldas superadas. Compoñente Sur ten 3 participacións, cun 50% de vitorias e 2 de 3 nas etapas inaugurais. Ámb@s xa teñen unha medalla de bronce neste torneo.

Verducido é o xogador que máis veces gañou a Ojete’s Cup, con 3. 17 vitorias sobre 24, un acerto superior ó 84% e 5 de 6 primeiras roldas gañadas. Bar Pequeno somentes ten unha participación, unha vitoria e tres derrotas, pero o seu acerto xeral supera o 87% e a vitoria acadada foi contra o número 1 do 2020, Botikas. Verducido semella superior, pero a ocasión é moi similar a do ano 2020.

Kaltxon (7) ten unha soitaria participación, co 50% de vitorias e un acerto xeral do 88%. O seu handicap está en que non pasou a primeira rolda, pero semella forte en India. Beocha(10) e do grupo de xogadores que desputou tódalas etapas da Ojete’s Cup, con 18 vitorias sobre as 28 xogadas, acerto superior ó 85% e 6 de 7 vitorias na primeira rolda. Nunca gañou o torneo pero acumula 4 podios. Sería favorable a Beocha se Kaltxon non xogara mellor en India.

Poucas participacións para este par de meteoludópatas. 2 edicións para Popolo (cacheira 3) con 7 derrotas, acerto baixo e posto 15 coma mellor competencia, vaise aferrar ó terceiro posto acadado no Torneo de Vran. Unha única participación para Marius, pero con 75% de vitorias, acerto superior ó 87% e un 5º posto xeral.

Modesto (6) debuta na competición despois dun desempeño irregular nesta parte de Asia. Para Michi xa é a 6ª, con máis vitorias que derrotas, un acerto xeral por riba do 82%, pero somentes 1 primeira rolda superada das 6 xogadas. Ademáis, debe mellorar o acerto en chuvia se quere acadar algo neste torneo.

Para tod@s os que entraron no Top-16 do Torneo de Vran Brahmaputra, avisamos da próxima e derradeira competición da 9ª tempada meteoludópata de eltiempoentuojete. A Ojete’s Cup 2022 segue na mesma onda do mes de xullo e escolle India coma destino. Desta vez viramos cara a costa oeste do país, ó longo da cordilleira dos Western Ghats, que percorre o interior da costa occidental. O inicio está marcado para este domingo 7 de agosto, con aposta o venres 5.

Podes atopar a información necesaria nos menús, que deberían estar actualizados, da mesma maneira que os enlaces de interese. Coma primeira toma de contacto publicamos o Cadro de Competición, onde podes atopar o teu enfrentamento de primeira rolda e incluso saber quén son os futuros contrincantes.

Se percibes algunha falta de información ou erros na que amosamos, rogamos no lo comuniques ó noso enderezo electrónico: eltiempoentuojete@gmail.com

Enfrontamentos 1ª rolda

Nun par de días publicaremos un informe detallado de cada confrontación desta 1ª rolda de competición.

Sorte e clima!!!

Impresionante o desenrolo da derradeira etapa do IX Torneo de Vran edición Brahmaputra. Máis da metade dos participantes estiveron nalgún momento coma líderes de etapa. E outro tanto co Top-16, onde os participantes entraban e saían del cunha velocidade inusual, a medida que a chuvia enchía a cubeta da estación de Tura.

A xornada comezaba a 26º C., pero pronto baixou ata acadar a temperatura mínima da xornada, que marcou os 24º C. definitivo. A cubeta levaba 40 litros do día anterior, pero xa ás 03:00 horas acumulaba 15 litros no domingo. Ademáis, cara a 01:00 acadábase o refacho máximo, con 16 nós, ou 30 km/h. A chuvia seguia caendo e xa acumulaba 25 litros ás 06:00 horas, que foi a hora na que escampou. Unhas horas máis tarde a temperatura chegaba ó seu máximo con 28º C. Namentras semellaba que a chuvia rematara, pero máis aló das 17:00 voltaba chover con forza en Tura. Ata as 20:00 horas acumuláronse 31 litros máis, chegando ata os 56 litros no final do día.

Como xa diciamos, boa parte da comunidade meteoludópata liderou a etapa en Tura. Conforme se acumulaba a chuvia, os marcadores subían e baixaban a velocidade de vertixe. Incluso Verducido ameazaba ó liderato de Landrán. Pero foron ilusións, pois a chuvia non paraba e a xente iba collendo puntos en pluviosidade e perdíaos en pouco tempo. O final, a chuvia beneficiou ós destemidos e somentes 8 participantes acadaron puntos no parámetro da chuvia.

A épica vitoria foi para Mina, que acadou 16 dos 20 puntos posibles e unha perda de un punto na temperatura e outro no vento para un total de 54 puntos. Ascende ata a 5ª praza superando no desempate a Modesto grazas á vitoria lograda en Tura. Amais, convértese na primeira xogadora en chegar ata as 20 vitorias en soidade. Noraboa pola xesta!!

53 puntos para Popolo, outro dos intrépidos na derradeira xornada. Con mellor aposta en auga, a sua predicción de temperatura estivo por baixo da de Mina, pero ainda así leva a presea de bronce e praza de cacheira de serie para a Ojete’s Cup. Boas novas para un xogador con pouca ledicia nos derradeiros tempos.

Lume e Punteiro sumaron 52 puntos, con apostas en chuvia altas. Lume estivo a punto de facer a machada. Se cairan 4 litros máis lograría a vitoria na etapa e o segundo posto na xeral. Pero iso non pasou e queda a un só punto do 3º posto, pero pasando á Ojete’s Cup coma cacheira do torneo. E a derradeira cacheira, o oitavo posto, queda para Punteiro, que viña do posto 17, o burbulla, e superou a proba con nota.

Eiquí rematan @s apostantes que superaron os 50 puntos. Con 46 puntos chegou o líder Landrán, que volveu arriscar na chuvia e volveu ter éxito na empresa. 44 puntos para Kaltxon, que sube ata o 7º posto e para Víbora, que nadou pra morrer na beira da costa do Top-16. Mesmo caso para Balboa con 43 puntos. Os dous foron superados por vitorias por Sarabia, penalizada por tardosa e cunha aposta penosa que a levou a marcar 16 lamentables puntos, pero con acceso á Ojete’s Cup.

Éstes son as 8 mellores puntuacións da xornada en Tura. Se queres máis información sobre o acontecido nesta derradeira etapa do IX Torneo de Vran, pica no enlace que atopará baixo este texto.

Na OjeteQuake vivimos un troco de zona para o maior sismo do domingo. Desta volta o epicentro foi para o medio oriente, ao suroeste de Pakistan e cunha magnitude de 5,5. Esa zona é patrimonio de Modesto dende o principio da liga. Nesta ocasión situóuse na fronteira de Irak con Irán e cunha magnitude apostada de 5,3 Mg. acadou 470 puntos e a sua primeira vitoria na competición dos terremotos.

Segunda praza para Balboa dende o noroeste de Mongolia e 448 puntos. Oscar suma 444 puntos dende o norte de China. Iru acada 441 puntos dende o oeste de Indonesia. Breogán77 fai 438 dende o este de Taiwán.

Xowi aumenta a vantaxe sobre Kaltxon na clasificación xeral, mentras no Top-10 seguen máis ou menos os que estaban, ainda que con diferenzas mínimas entre competidores. Pouco máis de 150 puntos de distancia entre o líder e o posto 6 aseguran emoción nestas derradeiras 4 xornadas que restan para o final da edición do 2022.

Se queres acadar os datos recollidos na 17ª etapa da OjeteQuake 2022, preme no botón que deixamos baixo estas letras.

Os que conseguíchedes praza para a Ojete’s Cup 2022 recordade que a primeira rolda esta adiada para este fin de semana. Ó longo do día de hoxe presentaremos as etapas e o cadro de competición da Ojete’s Cup, a desputar na costa occidental da India, ó longo da cordilleira dos Western Ghats. Durante esta semana iremos pechando o Torneo de Vran, coas estadísticas da competición. Seguide en liña!!!

Saúde e sorte!!!