Hoxe, no derradeiro día do mes de Maio, presentamos as estadísticas correspondentes a este mes. Un informe dos valores acadados nas etacións meteorolóxicas en desputa, xunto cunha comparativa co mesmo mes do ano pasado. Un informe dos parámetros confrontados co resto de anos de competición e, coma sempre, a comparativa entre xogadores, con acerto xeral e por parámetro, vitorias e medias de puntuación. Podes comparar a túa efectividade e ver onde debes mellorar para acadar o éxito. Todo isto podes atopalo premendo no botón que amosamos embaixo este texto.

Saúde e sorte!!!

A xornada de Chatham comezou marcando a temperatura mínima nas primeiras horas, sinalando os 13º C. coma definitiva. A máxima acadóuse na sobremesa, que en principio indicaba 23º C. e que posteriormente, no histórico, retocóuse ata os 24º C. definitivos. A xornada ao vivo amosaba precipitación lixeira cara as 03:00 horas, pero no se viu consolidado no histórico, deixando a precipitación en 0. Os refachos chegaron ata os 30 km/h., que foron aumentados no histórico ata os 32 km/h.

Desta forma temos un vencedor en soidade, no linde do marco que sinala o pleno. 59 puntos para Oscar, que mallaba temperatura e auga e que coa rectificación do histórico quitáballe 1 punto na temperatura, pero lle redondeaba o vento para rematar coa mesma puntuación que ao vivo. Se non fora pola penalización acumulada estaría no Top-10 da Liga de Primaveira.

58 puntos para Sarabia, que somentes perdeu 2 puntos no refacho, atinando no resto dos parámetros. Colle o relevo de Julio, penalizado por tardío, e entra no Top-5 da Liga canadiana.

Con 57 puntos entran Modesto, Bar Pequeno, Rasta76 e Marius. Máis aló do posto 20 atopamos a Bar Pequeno e Rasta76, achegándose ó Top-10 a Modesto e Marius sube ata a 6ª plaza, intimidando ó Top-5.

E ata 8 meteoludópatas achegan 56 puntos no seu marcador. Michi, Budainca, Balboa, Mina, Lume, Aki, Botikas e Mjölnir. Destacan Botikas, que aumenta a diferenza no liderato, Mina chegando ata a 3ª praza e Lume, que colle o derradeiro posto do Top-10. O resto deambulan máis aló do posto 18 que marca Michi.

Se queres acceder a tódolos datos recollidos na 8ª etapa da Liga de Primaveira, pica no enlace que deixamos baixo este párrafo.

Na 8ª xornada da OjeteQuake 2022 poidemos ver a recuperación do anterior líder, Kaltxon, que perdeu o trono á conta dunha penalización, levando a etapa en soidade e accedendo ó 2º posto da xeral, a escasos 16 puntos do novo líder, Víbora. Kaltxon foi o que apostou máis preto do epicentro do sismo gañador, nas Loyalty Islands, ao este de Nova Caledonia. Perdeu 10 puntos na magnitude máxima, que foi de 5,2 Mg., resultando en 486 puntazos. Xowi, no sureste das Illas Salomón obtivo a segunda mellor puntuación. Balboa, outro dos pretendentes ó título, marcou a terceira mellor marca dende Papua Occidental, con mellor magnitude que os competidores máis cercanos. A os tres podedes atopalos entre o Top-5 da xeral sísmica.

Para acadar tódolos datos recollidos na 8ª etapa da V Liga OjeteQuake 2022, preme no botón enlazado baixo estas letras.

Saúde e sorte!!!

A xornada a desputar en Chatham e a primeira das tres que restan para rematar a IX Liga de Primaveira en Ontario. É o momento de poñer todo o raxo na grella, sen esquecer o punto de sal. Compre ser efectivo xa dende esta xornada e xa imos coñecendo o cambiante clima de Ontario, polo que mellor estuda todo o posible o que resta de competición. Nesta xornada semella que a chuvia terá poucas oportunidades de aparición, pero xa saimos enganados nesta mesma situación. A destacar a penalización por demora do 3º clasificado, Julio, que ainda poderá loitar polo podio, iso si, dende unha posición moito menos aventaxada.

As apostas de temperatura máxima van dende os 23 ata os 28º C., pouca marxe entre prediccións. Nas temperaturas mínimas temos valores dende os 11 ata os 17º C. E ata 4 meteoludópatas engadiron 1 litro de auga na casiña da pluviosidade. No que afecta ós refachos de vento, obtivemos rachas de entre 19 e 51 km/h., o parámetro máis aberto.

Esta etapa comeza cara as 06:00 horas e podes seguila ao vivo dende este enlace. Merece a pena botarlle un ollo durante o domingo nunha xornada que xa entra no terreo das decisivas.

Na xornada da OjeteQuake 2022 continúa a tendencia a concentrar a maioría de apostas no este de Asia, desta volta arreconcheghadas entre o sur de Xapón e Papúa Nova Guinea. Apostas tamén no Mar de Bering, Illas Salomón e aledaños de Fiji. Apostas tamén en Mongolia, China, Birmania e no sur de Vietnam. Unha aposta no centro do Océano Índico, en Irán e na fronteira de Irak con Turquía. Ademáis, marcas en Perú, na costa oeste de USA e nas Illas Sandwich. A magnitude máxima apostada é de 7, con varias que superan os 6 Mg.

Xornada sísmica con moitas variables, que comezará ás 02:00 horas desta mesma madrugada e que podes seguir ao vivo dende este enlace.

As apostas:

Saúde e sorte!!!

Batalla librada ata o derradeiro minuto (e máis aló) na campa de Kitchener – Waterloo, sobre un terreo que se agardaba enchoupado, pero que non foi máis que un chifirís para non levantar o po que arrastraba o vento norte que en ocasións sopraba con forza. As temperaturas acadaron a máxima ás 09:00 horas da mañán con 17º C. e despois comezou a baixar, chegando ata os 6º C. no axuste do luns. Eses axuste tamén nos informou da cantidade de chuvia, con 0.4 litros que deixa a 0 este parámetro. O que sí notou aumento no histórico foi o vento, que medraba ata os 48 km/h.

Con estes datos coronamos a un gañador en soidade, profeta na sua terra, ó noso canadiano favorito, Xowi. 56 puntos con grande efectividade en tódolos parámetros. Perde un punto na temperatura, dous na auga e outro no refacho para consolidarse coma aspirante ao título na sua provincia de Ontario, navegando agora no Top-5 a 8 puntos da cacheira da xeral.

Con 54 puntos, un grupo formado por Modesto, Landrán, Rasta76, Breogán77, Mina e Lume. Somentes Mina circula no Top-10, o resto tenta trepar por mellorar unha posición ruinosa.

E con 53 puntos outro grupo numeroso co líder Botikas, Lukas e Marius no Top-10, mentras Víbora, Compoñente Sur, Iago, Nanuq e Aki establécense entre o posto 10 e o 20.

Para coñecer tódolos detalles do acontecido na 7º etapa da IX Liga de Primaveira en Ontario, pica no enlace embaixo este párrafo.

A 7ª etapa da V Liga OjeteQuake tivo duas zonas claramente máis activas durante o domingo. Dos 5 maiores sismos, 3 corresponden á área de Xapón e os outros 2 á zona de Fiji. Dous destes 5 chegaron a superar os 6 Mg. de intensidade, ainda que o de Fiji chegou ata os 6,3 Mg., converténdose no maior fito acadado nesta edición da Liga dos Terremotos. E non moi lonxe, en Vanuatu agardaban agachados Nanuq e Beocha. Compartindo localización tivemos que fixarnos na Magnitude apostada para acadar un resultado favorable a Nanuq, con maior intensidade. Segunda vitoria nesta edición que o deixa ás portas do Top-10 sísmico. O retraso do líder Kaltxon non foi severa e mantén unha 4ª posición que lle permite seguir a soñar co título.

Se queres indagar un pouco máis nos resultados da 7ª etapa, preme no botón dispoñible baixo estas letras.

Saúde e sorte!!!