Segunda xornada da IX Liga de Primaveira en Ontario e o alto acerto predictivo d@s participantes. Somentes quen tiña penalización baixou dos 50 puntos. A temperatura mínima quedou en 0º C., moi estable durante a madrugada. O termómetro elevou a máxima ata os 8º C. acadados na sobremesa. Carencia de precipitacións e un refacho que a axencia canadiana retocou nos rexistros históricos ata os 55 km/h.

Poderían ser os 3 tenores, pero os 7 gañadores semella máis un orfeón. 58 puntos achegaron ó seu marcador Nanuq, Balboa, Breogán77, Julio, Botikas, Oscar e Verducido. Grande calidade de apostas nas temperaturas, un pouco menos en xeral para o vento.

Con 57 puntos atopamos a Aki, Sarabia e Xowi, que xogando na casa víuse superado por moit@s aspirantes ó título en Canadá.

Estes son as 10 mellores puntuacións da xornada. Para acceder a tódolos datos recabados nesta etapa en Toronto, pica no enlace que ofertamos embaixo.

A xeral segue comandada por Verducido, con duas vitorias nas etapas desputadas. Oscar ten un punto menos e unha vitoria. Botikas e Julio comparten o terceiro chanzo do podio a dous puntos do líder e unha vitoria por cachola. Sarabia e Beocha marchan a tres puntos da cacheira da xeral. Breogán77 perde un punto máis, na sétima praza. E ata 6 competidores batallan polo Top-10 empatados a 112 puntos. Víbora, Kaltxon, Compoñente Sur, Xowi, Rasta76 e Balboa estarán en loita nas próximas xornadas.

En poucas ocasións temos que felicitar por partida doble a un gañador nas dúas competicións en xogo. Esta semana, un dos vencedores na liga meteorolóxica copou tamén a mellor aposta na liga dos terremotos. Nanuq estivo preto do pleno acertando a localización do maior terremoto no domingo. Con 496 puntos, somentes 2 puntos na escala de Magnitude o apartaron de facer historia na sua primeira vitoria na competición sísmica. Entra no Top-10 da xeral coma un hipopótamo na bañeira da túa casa.

Na illa do lado estaba ubicado Botikas, preto tamén de facer doblete. 494 puntos, dous por baixo do vencedor. Ascende moderadamente na xeral. E nun arquipélago cercano a Vanuatu atopamos a Kaltxon, con 488 puntos. Colle o mando da clasificación xeral con altas puntuacións. Belenchis, Budainca e Julio seguen de preto ó líder provisional.

Se queres saber máis do acontecido na 2ª xornada da Liga dos Terremotos, pica no enlace embaixo estas letras.

Saúde e sorte!!!

Acostumad@s a xogar en pequenas poboacións, Toronto pode ser unha das cidades máis desenroladas nas que realizamos unha etapa de eltiempoentuojete. E temos a Xowi, un dos xogadores máis estables e destacados, desprazado na sua cidade natal para a celebración da segunda xornada da IX Liga de Primaveira. A foto que ilustra este post e desta mesma semana, á sua chegada a Toronto. Tentará ser profeta na sua terra, pero conta cunha banda meteoludópata na procura dunha vitoria no continente norteamericano.

Semella outra etapa con tempo seco, ainda que a vitoria pode caer en calqueira participante. As apostas en temperatura máxima van dende os 7 ata os 10º C., cunha aposta soicida de 21º C. As apostas para as mínimas oscilan entre 1 e -3º C. Somentes atopamos 2 apostas con chuvia, unha coa mínima e outra con 7 litros (¿?). As apostas en refacho de vento atópanse entre os 32 e os 53 km/h., cunha aposta á baixa de 14 km/h.

Moita proximidade entre apostas asegura unha xornada vibrante dende o primeiro minuto ata o derradeiro. Se non queres perdela, podes acceder á xornada ao vivo dende este enlace, a partires das 06:00 horas desta mesma madrugada.

A OjeteQuake tamén compite na sua segunda etapa. Grande acumulación de envites na parte oriental de Asia, ainda que tamén en China, Myanmar e India. Outras apostas van cara o continente americano, en Chile, Perú e no Caribe, ademáis de duas apostas ao sureste de Arxentina, na zona das Illas Sandwich do Sul. A magnitude máxima apostada é de 6.0 Mg. para a costa de Tokio.

Esta xornada tamén é retransmitida ao vivo dende este enlace a partires das 01:00 horas desta mesma noite.

As apostas:

Saúde e sorte!!!

• Antes de nada pedir desculpas polos faios ocorridos nesta xornada de estrea das novas competicións. Agardamos corrixilos nas datas vindeiras e causar osmínimos problemas. Contamos coa vosa colaboración e sinceridade para mellorar e facer máis cómodo o viaxe pola web.

Primeira xornada do éxodo migratorio de eltiempoentuojete e semella que todo continúa como rematara as anteriores competicións. A primeira xornada meteorolóxica en Ontario (Canadá) comeza cos dous mellores clasificados na Inverneira copando os lugares de honra na xeral do certame de Primaveira. A xornada inaugural da V OjeteQuake (a Liga dos Terremotos) volve a ver coma líder a un dos aventaxados nesta competición con moito por diante e a facilidade de trocos neste tipo de liga.

A xornada en Thunder Bay comezou cunha madrugada fría na que se acadou a temperatura mínima de -4º C. A máxima chegou no mediodía ata os 5º C. A chuvia non apareceu ata despois do remate da etapa, polo que o marcador quedou a 0. Os refachos de vento aumentaron despois da sobremesa e recolléuse o dato máximo en 41 km/h.

Beocha mallou as temperaturas e a pluviosidade, quedando a un só kilómetro do pleno en Thunder Bay. O que fixo pleno en vento foi Verducido, o que lle permitiu contrarrestar o punto perdido en temperatura e igualar con Beocha a 59 puntazos.

58 puntos acadaron Michi e Oscar, clásicos das inauguracións. Reparten o podio e, coma sempre, postúlanse coma aspirantes ó título.

Con 57 puntos atopamos un grupo ilustre, con xente que xa ven forte dende a competición en Galicia. Kaltxon, Julio, Sarabia, Víbora e Botikas seguen na liña amosada no final da Inverneira e colócanse a tiro de pedra da cachola da clasificación xeral.

Éstes son o 9 mellores clasificados na xornada inaugural en Ontario, Canadá. Se queres coñecer tódolos detalles do acontecido en Thunder Bay, pica no enlace embaixo exposto.

E na presentación da Liga dos Terremotos, a primeira xornada deixou un sismo de grao medio, 5,4 Mg. nunha zona con moitas apostas acubilladas, o sureste asiático. A mellor por cercanía foi a de Popolo, pero pasóuse de freada na magnitude. Lume presentóu a mellor combinación de distancia e magnitude e lava a primeira etapa nesta edición. Marius, Balboa, Xowi, Iago, Kaltxon, Belenchis, Oscar, Jose Lopez e Compoñente Sur están separados por 15 míseros puntos. Son o Top-10 na xeral.

Se queres indagar nos resultados extraidos da 1º etapa da V OjeteQuake (2022) preme o botón situado embaixo deste texto.

• No que atingue ó plano persoal, eltiempoentuojete despide a Ocandepavlov con grande pena e cariño. Formarás parte de nós para sempre. Boa viaxe Goyo.

Saúde e sorte!!!