Tres únicas xornadas restan para o final da VIII Liga da Inverneira e os puntos valóranse máis que nunca cara un remate de competición con dignidade. Semella que se non entra algunha borrasca nas etapas vindeiras o título pode estar adxudicado. As posicións de honra no Top-10 ainda están por dilucidar, incluindo o podio da xeral, que mantén unha loita aberta entre 4 xogador@s, ainda que se poden sumar outros competidores.

A temperatura mínima tardou pouco en quedar ancorado no 6º C. no comezo da xornada en Fontecada. A partires dese momento a temperatura non fixo senón subir, acadando os 12º C. no mediodía, baixa para o apostado. Ainda que o marcador final de auga mantívose en 0 litros, as gráficas dezminutais amosaban 0.2 litros, o que tampouco trocaba nada. O vento soprou moderado entre o amencer e a soremesa, chegando a unha marca baixa de refacho de 25 km/h.

A vitoria estivo repartida entre 3 competidores que acadaron os 58 puntos en Fontecada. Primeira vitoria nesta 8ª edición para Balboa e Lume, mentras Punteiro fai a terceira, segunda consecutiva. Lume achégase ó Top-20 e Balboa segue na loita por entrar no Top-10. Punteiro afiaza a sua posició dentro dese mesmo Top e tentará mellorar o 9º lugar que ocupa actualmente. Gran xornada para os 3.

Aki e Jose Lopez aumentan o seu marcador xeral e 57 puntos. Jose Lopez entra no Top-20, con posibilidades de subir posicións. Aki, na 8ª posición, tentará reducir os 6 puntos que o alonxan dos 7 principais.

Un grupo de 6 xogador@s achegaron 56 puntos ó seu marcador. Oscar e Iru navegan máis aló do posto 25 e buscan un remate decoroso a unha traxectoria irregular. Mina e Kaltxon circulan en terra de niguén, entre o posto 15 e o 20. Terán 3 oportunidades de posicionarse no Top-10. Julio e Xowi non perderon a oportunidade de restar puntos a Beocha, que terá que defender a medalla de prata. Ademáis, collen folgos ante Botikas, o cuarto en discordia neste grupo “soicida”.

A falta de somentes 3 etapas, as incógnitas están na supervivencia de Verducido como líder, en saber se os persecutores recortan e cómo han de xestionar as suas propias posicións. Moita batalla tamén dentro do Top-10 para acadar unha mellor posición. Pero e que tamén nas fronteiras do Top-10 existe probabilidade de invasión externa. Ata 6 milicias amoréanse ás portas do extrarradio do Olimpo. Moito que desenredar ainda nas datas que restan.

Para examinar por tí mesmo o acontecido en Fontecada, 23ª etapa da Liga da Inverneira, pica no enlace embaixo exposto.

Saúde e clima!!!

Semella que a influencia anticiclónica destas derradeiras xornadas está a ser ameazada pola impaciencia das borrascas atlánticas. O porteiro da discoteca “Anticiclón” é un profesional das Azores que comeza a ter problemas para reter ós temporales pendencieros que chegan dende o oeste cos calcetíns brancos e buscando lea no entroido galego. Unha destas borrascas agárdase para a madrugada do domingo, ainda que o anticiclón tentará minimizar o efecto ou incluso pechar a porta ó visitante atlántico.

As apostas en temperatura máxima oscilan entre os 12 e os 14º C., cunha punta máxima de 30º C. As mínimas deixan valores que van dos 4 ata os 11º C. Recibíronse apostas de pluviosidade de ata 3 litros nunha marea de apostas sobre seco. A maiores, unha arriscada predicción de 18 litros. Os refachos de vento están representados por valores entre os 13 e os 55 km/h.

Etapa a de Fontecada con menos auga do habitual nesta paraxe, pero con moitas loitas en diversas áreas da clasificación xeral, onde un mísero punto pode trocar moitas posicións, importantes neste tramo final da Liga da Inverneira. Podes seguir o desenrolo da xornada dende este enlace a partires da 01:30 horas desta mesma madrugada.

As apostas:

Saúde e sorte!!!

A etapa de Punta Candieira estivo marcada pola imposición das altas presións na atmosfera, o que redundou en tempo case solleiro e temperaturas mornas, que unido a un vento sur/suroeste de gama baixa, deixou unha xornada con pouca amplitude térmica, precipitación case inexistente e vento frouxo para a zona de xogo.

As mínimas non baixaron dos 9º C. na madrugada, alta para a época do ano, pero agardada nun espazo preto do mar. Ata 0.3 litros recolleu a cubeta na mañanciña do domingo, pouco máis que condensación polo abrente do día. A temperatura máxima acadóuse nun mediodía anubrado que fixou en 12º C. cara a hora do vermú. O refacho de vento foi subindo de intensidade despois do amencer e xa cara a noitiña marcaba o seu máximo en 48 km/h., por baixo do agardado pola maioría de meteoludópatas.

Estes resultados deixan coma vencedores en Punta Candieira a Sarabia e Punteiro. Ambos puntúan de maneira similar nos tres parámetros. Dous puntos de perda nas temperaturas, enchente en pluviosidade por baleiro e un punto de perda no vento fai que aconta remate en 57 puntazos.

Con 56 puntos atopamos a Breogán77, con bos resultados nas derradeiras etapas e subindo posicións, e a Jose Lopez, na mesma zona da xeral e tamén ascendendo.

Ata 5 xogadores comparten puntuación con 55 puntos. Xowi e Botikas seguen na loita no Top-5 da xeral. Modesto e Víbora pelexan por entrar no Top-10, mentras Oscar navega no posto 29 da clasificación.

54 puntos suman Verducido, Julio, Juanito Caminante, Popolo e Marius, dentro do Top-10. Ocandepavlov, Lume e Michi comparten espazo na zona do posto 20. Belenchis suma o mesmo valor, pero máis aló do 30º lugar.

O liderato segue en poder de Verducido, que incrementou a vantaxe sobre Beocha ata os 9 puntos. Ésta á sua vez perde parte da distancia co grupo “soicida”, que queda a 5 puntos. A orde deste grupo non ven marcado na xeral, pois ainda cos 3 empatados, a superioridade é de Botikas, polas vitorias. A seguir, Julio e tras él, Xowi. Este grupo tamén expande a vantaxe sobre os persecutores, que agora está en 7 puntos. A parella de cazadores está composta por Nanuq e Juanito Caminante e manteñen unha distancia de 8 puntos sobre Aki, en terra de ninguén. Punteiro tenta recortar a vantaxe de 6 puntos de Aki e desfacerse de Popolo e Marius, empatados no 10º posto da clasificación xeral.

Para investigar no acontecido na 22ª etapa da Liga da Inverneira, en Punta Candieira, preme no botón embaixo exposto.

Saúde e sorte!!!

Semella que o tempo tamén ten unha dura competición para dirimir a supremacía climática na zona do océano Atlántico. As borrascas buscan o seu lugar nesta época do ano mentras se atopan coa resistencia do anticiclón, empeñado en facerse un sitio en pleno centro do Atlántico. Polo norte e polo sur, as borrascas ameazan a estabilidade dictatorial do anticiclón. Prepárase un golpe de estado meteorolóxico?

Unha loita similar vivimos na VIII Liga meteorolóxica de eltiempoentuojete. Tentativas de revolta, rebeldes na busca dun panorama político máis afín ós seus intereses e incluso novos profetas que tentan asaltar o trono da meteoroloxía amateur. Na contra, a orde establecida pretende manter os privilexios propios da burguesía acomodada. Se queres rebelión, non agardes por ninguén. 5 xornadas restan para o remate da Liga e as oportunidades estanse a consumir…

A inestabilidade meteorolóxica de toda esta semana continúa nesta fin de semana. Agardamos pouca ou ningunha chuvia, vento medio e temperaturas con pouca oscilación o estar ó carón do mar. As apostas en temperatura máxima abranguen dende os 12 ata os 15º C. Un pouco máis abertas son as apostas para temperatura mínima, situadas entre os 5 e os 11º C. A predicción para recollida de chuvia oscila entre a seca total e os 6 litros, máximo apostado. Os pronósticos para o refacho de vento van dende os 29 ata os 87 km/h., o parámetro con máis amplitude nos valores.

Achegámonos á parte final da competición e merece a pena seguir a etapa ao vivo dende este enlace, dende a 01:30 horas desta mesma madrugada. A partires de agora os puntos teñen un valor máis determinante e as loitas na xeral ainda teñen un percorrido final a dilucidar.

As apostas:

Saúde e sorte!!!