A Liga da Inverneira de eltiempoentuojete chega á metade da competición, dando por rematado o outono en Ventosa, concello de Navia de Suarna. Para ser unha etapa sobre seco e acadar altas puntuacións, a clasificación xeral remexéuse a conciencia. A temperatura máxima chegou ata os 11º C. no mediodía, mentras a mínima mantívose en 4º C. ata o fin da etapa, cando a falta de 10 minutos para o remate picou cara abaixo, deixando o valor final en 3º C. A chuvia estivo ausente mentras o vento marcou o seu máximo na madrugada do domingo, 30 km/h.

Con estes valores voltamos ter unha gañadora en soidade. Sarabia fixo 59 puntazos, quedando a somentes 3 km/h. dun pleno. Cravou o resto de parámetros para acadar a sua primeira vitoria nesta edición da Liga de Galicia.

Xowi, Ocandepavlov e Rasta76 acumularon 58 puntos, cada un no seu estrato da xeral.

E ata 8 competidores sumaron 57 puntos. Beocha, Botikas e Popolo transitan entre os mellores, afianzándose no Top-10. Julio, Punteiro e Compoñente Sur andan ensilados entre o posto 10 e o 20. Iru e Belenchis navegan no cabo da táboa, semella que remontando.

Na derradeira xornada do outono aproveitou Xowi para roubarlle o título de Mariscal de Outono a Juanito Caminante, que segue a perder puntos cando o ceo está despexado. Semellaba poder conservar o liderato en Ventosa, pero unha etapa mediocre máis unha gran xornada de Xowi relegóuno á segunda praza. Beocha non defraudou e mantén a terceira praza a 4 puntos do líder e a 3 do segundo posto. Botikas supera a Verducido e Nanuq na 4ª praza, que os deixa en 5º e 6º lugar. Popolo continúa apertando e xa está na 7º praza. Aki está na 8ª escada, empatado con Sarabia, a vencedora en Ventosa. O Top-10 ven culminado por Modesto a 16 puntos do liderato.

Para acadar toda a información do acontecido na 13ª etapa, en Ventosa, pica no enlace embaixo exposto.

• Cara mediados da semana publicaremos as estadísticas relativas á primeira metade da competición meteorolóxica.

Ventosa, en Navia de Suarna, marca o fin do outono en eltiempoentuojete. Despóis desta xornada comezaremos as datas xa no propio inverno meteorolóxico, polo que merece a pena rematar con dignidade esta primeira fase de competición. Asistiremos tamén á derradeira etapa anticiclónica, na espera da chegada das borrascas atlánticas na próxima semana. Pero esta etapa ainda se atopa dentro da posibilidade de inversión térmica. Veremos se Juanito Caminante remata a xornada coma campión de outono ou se a seca vai perxudicar a súa traxectoria.

As apostas en temperatura máxima van dende os 9 e os 14º C. Pola parte das mínimas, as apostas amosan valores entre 1 e 5º C. As apostas en pluviosidade están baleiras, mentras os refachos de vento oscilan entre os 10 e os 45 km/h.

Xornada moi igualada e cun desenlace incerto, que merece a pena ser seguida ao vivo dende este enlace a partires da 01:30 horas desta mesma madrugada.

As apostas:

Saúde e sorte!!!

Grande xornada en Marroxo, con moita leria para ser unha etapa sobre seco. Moitos movimentos na xeral á conta dun anticiclón que trocou a tendencia xeral da semana, facendo da predicción unha aposta a cegas en Monforte de Lemos.

As temperaturas comezaron altas, pero cairon na madrugada por mor da falta de vento. A entrada de refachos máis fortes deixaron ás mínimas en 4º C. No mediodía as máximas acadaron os 12º C., por baixo da maioría das apostas. A chuvia non estaba convidada nesta etapa namentras os refachos de vento chegaban ós 29 km/h. no abrente do día.

A vitoria levóuna Iago cunha predicción excelente que quedou a un so kilómetro de vento de obter un pleno mítico. Mallou tódolos parámetros agás esa mínima diferenza no vento, para un total de 59 puntazos. Quizáis o máis importante desta vitoria é que Iago foi o encargado de coller o número de lotaría que esta casa vai xogar no vindeiro sorteo de Nadal. Agardamos que tivera o mesmo tino nas suas prediccións que á hora de escoller o décimo de lotaría. Primeira vitoria amais de ser en soidade, ainda que afundido na xeral. Será ascendido no caso de premio de categoría.

Xowi e Popolo avanzan dentro do Top-10 e xa amenazan ó líder, ó que lle restaron 5 puntos. 58 puntos que comparten con Breogán77 e Kaltxon ainda que navegan máis aló do posto 20.

Mina e Beocha finalizaron a xornada con 57 puntos. Beocha entra no grupo persecutor de Juanito Caminante e Mina tenta arranxar a desfeita de O Xipro.

Sarabia presenta 56 puntos e mantén o Top-10. Mesmo número de puntos para Marius e Punteiro, que comparten tamén a posición na xeral e semella que veñen remontando.

Éstes son os 10 mellores na xornada de Marroxo, nas terras de Lemos. Se queres coñecer todo o acontecido nesta 12ª etapa, pica no enlace exposto baixo estas letras.

Se ainda non o fixeches, ponte en contacto con nós para decidir o destino da participación de lotaría que tes asignada coma xogador de eltiempoentuojete nesta edición da Liga da Inverneira. Igual mercamos Meteogalicia!!

Saúde e sorte!!!