Este fin de semana poñemos punto e final á VII Liga da Inverneira de Galiza na estación meteorolóxica de O Xistral, en Muras. Ia ser a suplente de Cabeza de Manzaneda, pero non chegou a debutar e foi Calvos a elixida. Desta vez semella que vai decidir o campionato e, sendo nova, temos poucos datos do que alí acontece. Sen referencias de anos pasados, imos presentar algún dato que pode axudar coma un cravo a lume vivo a ter esperanzas de mellorar na clasificación xeral. E, no pior dos casos, as estadísticas están para rompelas…

No caso da configuración final do podio, imos apoiarnos nos datos de acerto das xornadas xogadas nesta edición.

O acerto en temperatura da vantaxe a Verducido e o de pluviosidade, a Botikas. O refacho de vento reflicte un empate, polo que os leghóns están por riba da testa para esta derradeira data. Beocha ten as porcentaxes máis baixas nos tres parámetros, pero como dixemos, a estadística está para rompela… Podemos concluir que unha xornada de chuvia beneficiaría a Botikas e as temperaturas amplias a Verducido. Ademáis, o tema da vitoria é claro. Se gaña Botikas, leva o trofeo. Se gaña Verducido e non comparte con Botikas, leva o trofeo. Se non se da nengún destes casos, Botikas dispón de un único punto de vantaxe, pois no caso de empate, as duas vitorias en soidade de Verducido superan a unha en soidade e outra compartida no caso de Botikas. No caso de Beocha, sen vitorias, so debería facer 20 puntos máis que os seus predecesores.

Na loita por acadar a cuarta praza, son 6 os principais contendentes. O defensor do chanzo, Modesto, ostenta as mellores porcentaxes de acerto en temperatura e refacho de vento. Pero na pluviosidade pecha o grupo. Está a pedir un día solleiro…

Punteiro flaquea onde aperta Modesto, pero lidera a estadística baixo a chuvia. Está a pedir que caia o ceo…

Julio ten marcas mediocres en temperatura e chuvia, pero mellora no refacho. Este pide un vendaval…

Víbora, con valores decentes en temperatura e chuvia, pero sofre cando o vento medra en intensidade.

Marius semella o máis regular en tódolos parámetros polo que súa aposta pode ser a referencia.

Finalmente Xowi obtén baixas calificacións na temperatura e na pluviosidade, pero ten un bo dato no vento, e quizáis este sexa o parámetro máis compricado na xornada de O Xistral.

Noutras loitas, Mina tentará atacar o Top-10 que mantén Balboa. Landrán e Michi cacheira a cacheira polo posto 12. Gran batalla tamén dende o posto 14, de Kaltxon, ata o 22 de Breogán77, con Nanuq, Lume, Budainca, Popolo, Sarabia, Compoñente Sur e Aki coma intermediarios. Por baixo disto, buscar unha vitoria de etapa na derradeira de Liga e ser pioneiro na estrea de O Xistral no final soñado por calquera meteoludópata amateur. Ou profesionais…

Saúde e clima!!!

Grande xornada en Ponteareas a tenor das puntuacións obtidas pola maioría d@s participantes nesta penúltima cita do calendario da VII Liga da Inverneira na Galiza.

Soamente Mutombo, con penalización, baixou dos 50 puntos e a media total anda preto dos 55 puntos. A temperatura mínima marcóuse na madrugada do sábado, con 7º C. Cara a noitiña agardábase unha entrada de aire frío que non rebaixou a cota ainda que quedou preto de facelo. A máxima semellaba definitiva na sobremesa, con 17º C. Pero o sol brillou pouco antes das 17:00 h. e quedou axustada por pouco nos 18º C. Na madrugada asomaron as chuviscas, pero somentes se rexistraron 0.2 litros, insuficiente para ter en conta. O refacho de vento costóulle superar os 20 km/h., pero ascendeu ata os 24 km/h. cara as 14:00 horas.

A vitoria compartida foi para Julio e Punteiro con 58 puntos, moi activos neste final de competición e ainda recuperándose dunhas xornadas de perfil baixo para o que acostuman. Segundo éxito para Punteiro e terceiro para Julio. Poden marcar diferencias no caso de empates a puntos.

Con 57 pts., Modesto mantén a praza de privilexio e loitará por mantela na xornada final. Mina achégase á 10ª praza, en mans de Balboa, 5 puntos por enriba. Michi empata con Landrán no posto 12 e loitarán de preto para acadalo definitivamente. E ata 10 xogadores acadan os 56 puntos, entre eles os líderes Botikas e Verducido. Ademais, Iru, Aki, Compoñente Sur, Sarabia, Budainca, Nanuq, Marius e Víbora.

A loita pola vitoria final continúa coa mesma distancia entre Botikas e Verducido. Cada un roubou un punto nas temperaturas e a igualdade no resto de parámetros fixo que empataran na xornada e Botikas gozará dun punto de vantaxe na derradeira cita. Os dous que frouxeaban nas derradeiras xornadas déronlle a volta á cunca cunha vitoria que fai tremer os compoñentes do “grupo soicida”. Punteiro acada a sua segunda vitoria e empata na cuarta praza con Modesto, que ten mellor coeficiente de vitorias. Julio dou conta de Víbora e agazápase a dous puntos da mellor praza posible, agora en mans de Modesto. Marius tampouco aproveitou e segue a dous puntos de Víbora e a 6 da 4ª praza. Xowi queda descolgado definitivamente (ou non) desta loita.

Se queres coñecer todo o acontecido na penúltima etapa de Liga, en A Granxa, pica no enlace embaixo estas letras.

Aviso importante:

A derradeira xornada, a desputar en Xesteiras, Cuntis, ven de ser trocada por mor do non funcionamento do anemómetro da estación. Para evitar problemas de última hora, decidimos non agardar por ela e sustituila por unha estación suplente. Esta vai ser a de O Xistral, no concello de Muras, na provincia de Lugo. Era suplente de Cabeza de Manzaneda, pero fallou nesa ocasión. Pregamos a Eolo para que nesta ocasión sexan respetados os seus sinais. Todo está preparado, enlaces, acceso e información da etapa, que podes atopar no Calendario de Liga.

Saúde e sorte!!!

Duas xornadas restan para o remate da presente edición da Liga da Inverneira. E semella non van ser doadas, comezando cunha etapa complexa en A Granxa, no concello de Ponteareas. Agárdase unha fronte atlántica e unha entrada na tardiña de outra procedente do norte. Xornada de ambiente revolto como se agarda das etapas máis preto do troco da estación.

As apostas de temperatura máxima oscilan entre os 14 e os 19º C. As mínimas van dende os 8 ata os 13º C. Ata oito apostas con chuvia, entre 1 e 2 litros, no medio das apostas maioritarias sobre seco. O refacho de vento establécese entre os 8 e os 40 km/h.

Con apostas tan apertadas podemos supoñer unha etapa moi reñida, acorde ás apostas recibidas e os buratos mínimos entre moit@s d@s competidores. Podes seguila ao vivo dende este enlace a partir da 01:30 desta mesma madrugada. Non perdas o desenvolvemento da penúltima e decisiva xornada da VII Liga da Inverneira de Galiza.

As apostas:

Saúde e sorte!!!