A chuvia voltou ser a protagonista indireta da penúltima rolda da Ojete’s Cup 2020 en Belice. Comezamos a dubidar do rendemento das leiras de cana de azucre…

A semifinal entre Oscar e Compoñente Sur dicidíuse pola mínima, a conta do litro de diferenza nas suas apostas. Segunda final para Oscar, mentras Compoñente Sur buscará a medalla de bronce.

A mesma posición pola que loitará Jose Lopez, quen, tamén pola auga perdeu a eliminatoria co “negacionista” da auga Breogán77. Xogará a sua primeira final do torneo do K.O.

A auga tamén decidiu o enfrontamento entre Michi e Bar Pequeno, que xogará pola 7ª praza. Michi ten unha cita co 5º posto.

A esa loita presentarase Marius, que acadou a mellor puntuación da 3ª rolda. Beocha tentará a vitoria pola 7ª praza.

Na cara B do cadro Botikas derrotou a Xowi á conta da cantidade de chuvia e competirá pola 9ª praza con Verducido, que gañou a Julio polo mesmo parámetro. Éste medirase a Xowi polo 11º lugar da távoa.

Víbora superou a Alucarda e Lukas a Iago. Xogarán entre eles polo 13º lugar, unha vez acadada unha vitoria. Por lograr esa vitoria e non perder tódalas roldas xogarán Alucarda e Iago. Ninguén quixera estar no seu lugar…

Se queres ver por tí mesmo os datos recollidos en Belmopán, fai clic no botón de embaixo.

Na OjeteQuake 2020 todo se vai decidir na derradeira xornada. O maior quake do día foi na illa de Kokopo, en Papua Nueva Guinea, cunha magnitude de 5,5. O apostante máis preto do sismo foi Víbora, que acada a sua primeira vitoria nesta edición, ainda que pode que non lle chegue para lotar polo título a semana seguinte, Nesta loita están os 5 primeiros, con apenas 100 puntos de marxe. O gañador tamén podería estar entre os 9 mellores, pero terían que atopar unha localización illada. Lukas recupera o liderato e está en disposición de acadar o título, ainda cunha penalización por tempo na 7ª xornada.

Para acceder a tódolos datos recollidos na 9ª etapa da OjeteQuake 2020, preme no botón de embaixo.

Saúde e clima!!!

Belmopán recibe á tropa de eltiempoentuojete para a celebración das semifinais da Ojete’s Cup 2020. De novo ameazas de chuvia que farán da xornada unha emocionante proba de valor na pluviosidade.

Compoñente Sur e Oscar buscan a gloria da final cuns marcadores moi parellos. As maiores discrepancias están na temperatura.

Breogan77 e Jose Lopez, moi igualados nas temperaturas pero con amplias diferenzas na auga e no refacho de vento.

Bar Pequeno e Michi, na mesma onda, teñen variantes significativas en auga e vento.

Beocha e Marius, con apostas semellantes, difiren levemente na auga e a temperatura máxima.

Botikas e Xowi comparten apostas en temperatura e discrepan pouco no resto dos parámetros.

Julio e Verducido, con parámetros semellantes, atopan as diferenzas na auga.

Alucarda e Víbora marcan diferenzas na temperatura máxima e na auga. Tamén dispar as apostas en vento.

Lukas e Iago basan as discrepancias na chuvia e na temperatura mínima.

Deste xeito gran penúltima xornada da tempada con moito que decidir e que podes seguir ao vivo dende este enlace.

Na OjeteQuake, coma sempre a maioría das apostas están confinadas na zona do sureste asiático, entre Filipinas, Malasia e Indonesia. Duas apostas no sur de Xapón e unha cara o norte. Tres apostas no sur de Alaska e unha á espera de confirmación. Podes seguir a xornada sísmica ao vivo dende eiquí.

As apostas:

Saúde e sorte!!!

Segunda xornada da Ojete’s Cup 2020 en Belice e a chuvia volta facer estragos ó non rexistrarse nen pinga de auga.

Compoñente Sur pasa a semifinais á conta da temperatura mínima e o refacho, ainda que Bar Pequeno tiña un punto a favor na auga.

Tamén pasa a semifinais Oscar, cos mesmos detalles que o enfrontamento anterior. A temperatura mínima afundiu a Michi.

Na outra semifinal atopamos a Jose Lopez, que eliminou a Beocha pola diferenza na chuvia.

O seu contrincante será Breogán77, que superou a Marius en tódolos parámetros menos no refacho de vento.

Pola banda B do Cadro, Botikas gañóulle a Alucarda á conta das temperaturas.

A diferenza da auga foi o detonante da derrota de Víbora ante Xowi, máis estable.

Julio acadou a máxima puntuación da xornada para superar a un penalizado Lukas.

Máis sinxelo foi o pase de Verducido ante un “non comparecente” Iago.

Polo tanto temos unhas semifinais compricadas de predicir, con contendentes pouco vistos nestas tesituras. Agás Oscar, campión deste torneo naos atrás, o resto son novatos nas semifinais da Ojete’s Cup. A batalla polo 5º posto tamén está moi parella, con afán de redención nos enfrontamentos.

Polo lado dos derrotados en 1ª rolda, as semifinais polo 9º posto semellan partidos polo título, a tenor dos ilustres nomes dos competidores. A loita por non perder tódolas eliminatorias tamén ten importancia, ninguén quere quedar o faroliño de cola.

Para comprobar os datos da 2ª rolda da Ojete’s Cup 2020 en Belice, pica no botón de embaixo. No Cadro de Competición verás o teu próximo contrincante.

Na OjeteQuake, Lume foi a única no ámbito do maior terremoto do domingo, situado no Arco Aleutiano, que vai dende a península de Kamchatka ata o Golfo de Alaska. A penalización por tempo do ex-líder Lukas, fai que apenas exista distancia significativa entre o Top-10. Quedan 2 xornadas moi emocionantes e onde calqueira pode gañar, pero somentes o fará un/ha del@s.

Podes revisar os datos da 8ª xornada da OjeteQuake 2020 facendo click no enlace seguinte.

Saudos e sorte!!!

Estamos na hora de seleccionar ós 4 mellores xogadores en Belice. Semella que, a diferenza da 1ª xornada, as apostas están moito máis apertadas, sobre todo no parámetro da pluviosidade.

Bar Pequeno e Compoñente Sur marcan distancias no refacho e un pouco na temperatura mínima, con auga case semellante.

Oscar e Michi difiren pouco en tódolos parámetros. Decidirá a temperatura mínima, con refacho e auga na mesma onda.

As apostas de Beocha e Jose Lopez son case idénticas. Pode decidir os 2 litros de discrepancia en auga.

Breogan77 e Marius marcan diferenzas nas temperaturas, pero co resto dos parámetros moi similares.

Pola banda dos perdedores en 1ª rolda, Botikas e Alucarda comparten criterio na temperatura e na auga. Poden marcar distancias no refacho.

Víbora e Xowi alonxan o seu camiño na auga e no refacho, decisivos neste enfrontamento.

Julio e Lukas igualan na pluviosidade, pero no resto marcan grandes diferenzas. A penalización de Lukas pode ser definitiva.

No enfrontamento Verducido-Iago ainda agardamos por Iago que, de apostar antes das 18:00 horas, xogará penalizado.

Moi moi apertada esta segunda rolda, que podes seguir ao vivo dende eiquí, a partires das 08:00 da madrugada do domingo.

No tocante á OjeteQuake, a metade das apostas están no lugar de sempre, entre Indonesia e Filipinas. O resto, bastante espallado, ubícanse cara o Océano Pacífico, en Fiji e Xapón, con Canadá, Chile e México na banda americana. 2 apostas no Golfo de Bengala, con China e Mongolia en Asia continental. Tamén unha aposta en África, entre Mozambique e Madagascar.

Polo tanto, xornada con grandes oportunidades en moitos lugares do globo. Podes seguir a 8ª xornada da OjeteQuake dende eiqui, a partires das 02:00 horas da madrugada.

As apostas:

Saudos e sorte!!!