A capital de Pakistán, Islamabad, foi o escenario para o desenrolo da etapa que puxo o colofón tanto á Ojete’s Cup 2025 coma á 11ª tempada de competicións meteorolóxicas de eltiempoentuojete. A punto estivo de chafarnos ó terrible terremoto na provincia próxima de Afganistán, pero xa foi tarde e non estragou os resultados definitivos da 4ª e última rolda do torneo do un-contra-un. Non foi a chuvia, inexistente, a protagonista da xornada, senón o vento, que por fin acadou unha forza que semellaba inexistente neste confín do planeta.

A temperatura mínima acadou na madrugada os 22º C. Pola tarde acadóuse a máxima diaria con 31º C. A presencia da chuvia, presente na madrugada con 0.2 litros, non foi presaxio de nada, pois o resto do día a seca foi o predominante. O vento marcou un refacho máximo de consideración con respecto a este país de 18.7 nós, 35 km/h. redondeados.

Non houbo sorpresas con respecto á gran final, ainda que a vitoria de Botikas sobre Kaltxon tivo que levarse ata o desempate, onde un único kilómetro por hora marcou a diferenza e premia a Botikas co segundo título da tempada. Ben loitado por Kaltxon, que de entrar coma 6ª cacheira de serie puxo en apretos ó campión e deixou a marca dun aspirante a todo. Xogadores ós que estar atentos de cara á seguinte tempada.

Julio non dou tregua a Compoñente Sur na loita polo bronce. Fixo valer a súa mellor clasificación e, por suposto, unha gran traxectoria nesta tempada, con grandes vitorias e sempre clasificado entre os mellores en tódalas competicións. Compoñente Sur somentes se doblegou ante o segundo e o terceiro clasificado nesta edición. Agardamos velos ós dóus entre os mellores da Liga da Inverneira.

Bar Pequeno volveu demostrar que a primaveira e o vran son ás épocas onde se desenvolve mellor. Gañou a Breogán77, Marius e o cacheira de serie número 2, Verducido, para levar a 5ª praza final. Só perdeu co vixente vencedor, Botikas. Verducido foi sobrepasado claramente por 5 puntos e queda cun 6º posto final e mal sabor de boca.

Os dóus litros de auga foron definitivos no enfrontamento entre Beocha e Marius polo 7º posto que levou este último. Tempada irregular para Marius pero con final feliz. Todo o contrario para Beocha, con podios nas competicións e un final acerbo nesta Ojete’s Cup. Agardamos velos no Top-10 da Liga da Inverneira.

As grandes cantidades de auga pronosticadas por Sarabia traduxéronse na vitoria aplastante de Breogán77 na final B, co premio do 9º posto. Acada 3 vitorias, despois de perder na 1ª rolda con Bar Pequeno. Non se pode queixar, ainda que a súa tempada tivo altibaixos. No mesmo caso, Sarabia, ainda que non será raro atopala nos primeiros postos na competición en Galicia.

Popolo estivo derrotado por Denodeno ata que a confirmación do refacho de vento se fixo efectiva. Iso desembocou nun desempate no que o refacho de Popolo impúxose ó de Denodeno, acadando aposición 11. Os dóus moi irregulares coma case sempre, ainda que a Denodeno o calor dalle forza. Clásicos.

Rasta e Landrán xogaban por un posto 13 que non satisfacía a nengún dos dóus. Tamén eiquí a diferenza nas cantidades de auga foi o detonante da vitoria sen contemplacións de Landrán. Agardábamos máis del nesta tempada e supoñemos melloras no seu xogo na seguinte tempada. De Rasta, resignación, na busca dun doping que o leve ata o Top-10.

Se hai unha confrontación compricada de xogar e posiblemente que xere máis ansiedade nos participantes, esa é a de apañar unha vitoria alomenos e non marchar con 4 derrotas nas 4 roldas. Foi o vivido por Víbora e Xowi por evitar a vergoña. Víbora eludiu esa responsabilidade pasando por riba dun Xowi que marcha có rabo entre as pernas. A mensaxe final para os dóus: estabades entre os 16 mellores. Moit@s non estiveron entre nós. Xa deixárades a vergoña tras de vós.

E non imos esquecer ós gañadores do día, Marius e Julio con 54 puntos. Apostaron pola seca e saíulles de medo.Pena de refachos baixos, pero o trunfo foi deles.

Esta foi unha aproximación o acontecido en Islamabad, xornada final que decidiu as posicións definitivas no torneo de emparexamentos, a Ojete’s Cup. Para acadar toda a información detallada, pica no enlace que ofertamos baixo este texto.

En breves, tódalas novidades para a tempada 2025/26.

Saúde e sorte!!

Derradeira xornada da tempada 2024/25 de eltiempoentuojete. Este domingo decidiráse a última competición, a Ojete’s Cup en Pakistán. E, sacando algúns enfrontamentos onde os competidores non se puxeron de acordo, as apostas son moi semellantes, polo que agardamos unha grande rivalidade por achegarse ó mellor que se pode mellorar nestaxornada final.

As apostas en temperatura máxima están moi abertas e van dende os 28 ata os 34º C. Os valores para as mínimas oscilan entre 22 e os 25º C., estas cunha pequena oscilación. As precipitacións móvense nun rango de amplitude de entre 0 e 15 litros, mentras que os refachos de vento van dende os 10 ata os 31 km/h.

As diferenzas no enfrontamento pola vitoria final entre Botikas e Kaltxon son insignificantes. Semella que será apenas un punto o que os separe. Incluso no caso de empate, os refachos son moi semellantes.

O mesmo caso pola medalla de bronce, con Compoñente Sur e Julio separados pola aposta en chuvia.

Máis contraste atopamos pola loita polo 5º posto, con variedade nas apostas de Bar Pequeno e Verducido.

Pouca disparidade tamén nas cifras de Beocha e Marius pola 7ª praza.

Na final B sí atopamos incompatibilidade entre Sarabia e Breogán77, sobre todo na aposta sobre chuvia.

No enfrontamento entre Denodeno e Popolo as diferenzas están na chuvia, co resto de parámetros moi similares.

No mesmo caso atopamos a loita pola praza 13 entre Landrán e Rasta.

E tamén a auga será xuíz e verdugo na batalla por evitar a vergoña entre Víbora e Xowi.

Semella compricado de predicir vencedores con estas variadas diferenzas e haberá que agardar ata o derradeiro minuto da xornada, cara as 21:30 horas do domingo. Non deixes de seguir a xornada ao vivo dende este enlace a partires das 10:30 da noitiña do sábado, debido ás diferencias horarias co país asiático.

As apostas:

Sorte e clima!!

Despóis do desenrolo da 3ª rolda de competición da X Ojete’s Cup en Pakistán e tendo a derradeira xornada coma definitiva, temos algunhas dúbidas que pasamos a desenvolver. Os datos de chuvia e vento que ofertamos dirante o domingo na etapa ao vivo foron sustituidos no computo final pola axencia meteorolóxica FAWS de Pakistán. Pedimos desculpas por elo ainda que foron contas baseadas no que estaba a acontecer en directo. O primeiro dato de vento rexistrado ás 00:10 da etapa “semellaba” de 9 nós, por iso durante todo o día foi o reflictido na táboa de clasificación. A rebaixa a menos da metade foi unha corrección da axencia pakistaní nos resultados finais. Do mesmo xeito, nós contamos 1.5 litros na madrugada e 4.8 litros despóis das 19 horas para un total de 6.3 litros, que foi o amosado ata o remate do día. A axencia mostra 2 resultados distintos para a mesma hora, as 00:10. A primeira é a que tedes nos resultados de Malam Jabba. Na segunda amosábase 13.4 litros, totalmente irreal xa que tomamos os datos do día anterior (269 litros) e os datos do día seguinte (274 litros) que contradecían os 13 do total e os 6 amosados pola organización, dando a razón (sospeitosa) á axencia pakistaní. En calquera caso, os datos que temos son estes e non podemos contradecilos máis que con suposicións. Realmente nós cremos nos datos amosados (6 litros e 9 nós) pero non temos como corrixir os da axencia provedora dos datos.

Deste desaguisado obtemos un vencedor en soidade, Verducido, con 55 puntos, mallando a chuvia e perdendo 3 puntos nas temperaturas e 2 no refacho. Por tras, Breogán77 con 54 puntos, Sarabia, Beocha e Kaltxon con 53 puntos e Botikas con 52 puntos.

Botikas gañou a súa semifinal contra Julio coa marxe que lle deu a puntería na temperatura. Enfrontarase a Kaltxón, que venceu con solvencia a Compoñente Sur superandoó na chuvia e no vento. Final entre Botikas-Kaltxon e loita por medalla de bronce entre Compoñente Sur e Julio.

Na loita polo 5º posto teremos a Verducido e Bar Pequeno. Ambos derrotaron por 2 puntos de diferenza a Beocha e Marius, que buscarán a 7ª praza final.

A final B, que conta da 9ª praza, enfrontará a Breogán77 con Sarabia, vencedores sobre Denodeno e Popolo respectivamente, que estarán na batalla polo 11º posto.

Pola 13ª praza e segunda vitoria atopamos a Rasta e Landrán, que se desfixeron de Víbora e Xowi, este último perdeu no desempate por pior coeficiente de vento. Víbora e Xowi librarán un combate fraticida para non despedir a tempada sen vitoria na Ojete’s Cup. Somentes un xogador gañará todas as confrontacións e somentes un non acadará nengunha vitoria.

Esta foi unha aproximación o acontecido en Malam Jabba e á xornada final que decidirá a posición definitiva no torneo de emparexamentos. Para acadar toda a información detallada, pica no enlace que ofertamos baixo este texto.

Festa e vran!!