Xa está a disposición de tod@s a crítica crónica de A Granxa (Ponteareas). Producida por Verducido, podes atopala co resto das críticas <neste enlace>.

Saudos e sorte en Cuntis!!!

A penúltima xornada da VI Liga da Inverneira de eltiempoentuojete estivo presidida pola carencia de vento, a baixa precipitación e temperaturas con relativa amplitude térmica. A chuvia foi protagonista na primeira metade do día e o vento, por ausencia, durante toda a xornada.

Na távoa de resultados atopamos dous gañadores con 55 puntos e con apostas moi preto da realidade. Un deles anda moi activo nas derradeiras xornadas furando duro dentro do Top-10, mentras o outro vencedor loita por asomar a cachola na zona media da clasificación xeral. Recordatorio importante para o tardoso da xornada, quen de non ser pola penalización, estaría recollendo o premio da semana. A impuntualidade deixouno sen proveito.

Para a derradeira xornada, en Xesteiras, quedan moitas cuestións sen resolver. O líder semella que terá un paseo vitorioso en Cuntis, mentras as loitas polo podio, a mellora de clasificación e unha dura pelexa por un posto no Top-10, serán algunhas das batallas principais da etapa final.

Pero antes podes comprobar por ti mesmo os datos recollidos na penultima xornada da Inverneira, picando no botón de embaixo e así estar preparad@s para o embate final en Cuntis.

Saudos a tod@s!!!

A penúltima xornada da VI Liga da Inverneira, en A Granxa, agarda unha borrasca para a primeira parte do día. Pode ser das derradeiras oportunidades de mellorar a tua posición na Clasificación Xeral. Ponteareas é terra de xiadas e néboas, pero este fin de semana a protagonista será a chuvia.

Nas apostas de temperaturas máximas atopamos rexistros dende os 13 ata os 16º C., con picos de 17 e 18º C. As mínimas, entre os 5 e os 9º C., con pico en 4º C. Na pluviosidade as apostas están entre os 2 e os 10 litros, con picos abundantes de 23 e 26 algún rácano con 0 e 1 litros. Os refachos de vento establécense entre os 13 e os 56 km/h., cun pico de 76.

Polo tanto agardamos moitas loitas por unha posición mellor na távoa de clasificación. Unha xornada de semi-primaveira en Ponteareas que podes seguir ao vivo dende este enlace ou dende o Menú de Acceso rápido.

As apostas:

Sorte e clima!!!

A partires dunha reclamación presentada por Alucarda, expoñemos os feitos.

A apostante en cuestión presentara duas apostas o venres 28 de Marzal. A távoa non recoñeceu máis que a primeira aposta e desdeñou a segunda. No repaso visual rutinario non apreciamos ese troco. Pero a tenor da reclamación poidemos ver:

A segunda aposta está dentro do tempo regulamentario, polo tanto debería ser a correcta.

Polo tanto, tivemos que facer unha revisión dos puntos da xornada e a clasificación xeral. Na xornada a única modificación corresponde a Alucarda, pero na Clasificación xeral existen varios trocos de posición. Podes ver os trocos nos resultados definitivos de Xinzo neste enlace.

Dende eltiempoentuojete recomendamos enviar unha mensaxe cando emitades unha segunda ou terceira aposta. O email é eltiempoentuojete@gmail.com. Ademáis podedes comprobar as távoas de apostas do sábado para ver se coinciden coas apostas do formulario. En caso contrario, envía un email o correo anterior.

Pedimos desculpas ós dagnificados e a tod@s os apostantes polo erro cometido. A diferencia de Juan Carlos I, non aseguramos que non se volva repetir. Pero trataremos de mellorar.

Saudos e sorte en Ponteareas!!!