Saudos, meteoludópatas
Ó contrario do que adoita acontecer en eltiempoentuojete, esta semana xa está dispoñible para tod@s a crítica crónica da xornada pasada, e ainda recente, de Xinzo. Podes atopala co resto das críticas da inverneira na páxina de Críticas-crónicas, ou podes acceder dende o botón de embaixo.
Nova xornada baixo a chuvia, desta vez en Xinzo de Limia e baixo a influencia de duas borrascas chegadas do norte. Queda unha sensación de que se podía axitar máis a clasificación xeral, ainda que sí percebemos trocos que poden definir o final da Liga, pendente somentes de duas xornadas.
A chuvia e o vento fixéronse agardar ata mediada a tardiña, pero cando o fixo recolleu rexistros moi potentes para a zona en xogo. Meteogalicia entrega os datos con unha hora de diferenza, e foi no desconto onde se engadiron 2 litros que deron coma resultado un vencedor en soidade con medio mundo de distancia cos persecutores. 57 puntos nunha xornada onde somentes catro apostantes acadaron os 50 puntos. O gañador ademáis engade a entrada no Top-10 da clasificación xeral. Tamén avanzan os que superaron os 50 puntos.
Podes indagar nos datos recollidos na estación de Xinzo e o seu impacto nas clasificacións entrando na páxina de resultados. Podes facelo picando o botón embaixo estas liñas.
Non foi pensada esta xornada para días de chuvia coma o domingo. Esta é unha xornada para xiadas e inversións térmicas, polo que as prediccións sobre chuvia non van ser sinxelas. A borrasca Jorge ven de visita e vai acumular incógnitas ata o día sinalado.
As apostas de temperatura máxima oscilan entre os 12 e os 13º C., con puntas de 8 e 15º C. As mínimas están entre os 2 e os 5º C., con puntas en 1 e 7º C.. As apostas de pluviosidade teñen maior amplitude, con vari@s Ulises na busca da Odisea, e podes atopar marcas entre 0 e 35 litros. Os refachos de vento van dende os 33 ata os 85 km/h.
Contodo isto temos por diante unha xornada que trocará de rexistros moi a miudo e que podes seguir ao vivo dende este enlace.
Xa está dispoñible para case tódolos públicos a Crítica crónica da xornada de Punta Candieira, 22ª da VI Liga da Inverneira. Está perpetrada por Canducho, afamado felósofo da escola de Anocles. Podes acceder á páxina das Críticas-crónicas dende o botón embaixo este texto.
Recorda que somentes quedan tres xornadas para rematar a Liga da Inverneira. Ainda que xa preparamos unha Primaveira no exilio.
