A 14ª xornada da Liga da Inverneira de eltiempoentuojete estivo marcada polas altas temperaturas acadadas na estación de Serra do Eixo, en A Veiga.

O domingo foi un día primaveral en A Veiga, con temperaturas máximas pouco coñecidas nesta zona e nesta época do ano. Pero ademáis as mínimas non baixaron dos 9º C., a pesares da carencia de precipitacións e do baixo refacho de vento, que auguraba unhas xiadas que non se produciron.

O gañador en soidade leva unha traxectoria irregular. Cando non gaña é por retrasos na entrega das apostas. Sen penalizacións ocuparía postos no Top-10.

Por tras do vencedor, unha recua de xente que agarda entrar no Top-10, e que reducen as distancias cos de enriba. A xeral volta a estar moi apertada e sen buratos insalvables. A montaña está a rexuntar ó pelotón de novo, dando lugar a loitas por posición que antes semellaban perdidas. De novo sorprende o novato do ano, nesta xornada no Top-3 da Clasificación xeral.

• Apunte: Esta xornada o formulario non achegou as apostas de dous membros de eltiempoentuojete. Son os que non aparecen no horario de apostas. Pero afortunadamente os dous tiñan o resgardo que fai o formulario. Os dous en tempo. É a primeira vez que acontece, pero distingue a importancia de pedir un resgardo ó compretar o formulario. Por iso non aparecen no horario pero si na távoa final. Recomendamos pedir o resgardo ante casos coma éste.

Se queres indagar no acontecido na 14ª xornada da Liga da Inverneira, na Serra do Eixo, preme no botón abaixo exposto.

Saudos e sorte!!!

Despois de moitas xornadas co ceo cuberto, perdemos esa dinámica na xornada de Serra da Eixo. A xornada pertencente a Lardeira tivo que ser trocada pola inactividade do anemómetro. O concello lindeiro de A Veiga acolle a 14ª xornada da Liga da Inverneira.

As máximas están entre os 11 e os 17º C. e as mínimas van dende os 10 e os -2º C, moita amplitude neste campo. Na auga non atopamos nengunha gota de auga e no refacho os valores van dende 4 ata 36 km/h. con un pico en 89. Moitas diferenzas que auguran trocos de importancia na xeral.

Podes seguir a xornada ao vivo dende este enlace a partires da madrugada do domingo.

As apostas:

Saudos e sorte!!!

eltiempoentuojete debe comunicar o troco de ubicación da 14ª xornada da Liga da Inverneira. Estaba localizada en Lardeira, no concello de Carballeda de Valdeorras. O anemómetro non traballa dende fai un mes e, a día de hoxe non devolve nengún tipo de dato.

Polo tanto botaremos man da suplente, que neste caso será a de Serra do Eixe, no veciño concello de A Veiga. Xa está dispoñible unha nova páxina para o novo destino, con tódolos datos que poidemos recabar cando non tes o tempo necesario. Pedimos desculpas por iso e agardamos non provocar demasiados problemas a nengún/ha competidor. No enlace de embaixo podedes atopar a nova ubicación cos datos da estación e o enlace ó Formulario de apostas.

Aproveitamos para desexar a mellor destas festas a tód@los que fan posible esta aventulocura climática, entre os que estás tí, ainda que somentes apostes. Estamos a facer historia e tod@s temos a culpa.

Saúde e sorte!!!