En Fornelos de Montes comeza a derradeira quenda de xornadas da VI Liga da Inverneira. 6 etapas onde atopamos xornadas de costa e de interior, de media altitude e achanzadas, e entre elas, algunha das denominadas etapas trampa.

Na primeira visitamos Fornelos de Montes, unha das máis chuviosas do país galego. As prediccións falan de chuvia en cantidade media, pero Fornelos nunca ensina as suas cartas ata o día de autos.

As apostas de temperatura máxima son moi estables, entre os 9 e os 13º C., cun pico de 15. As mínimas, tamén moi apertadas, establécense entre os 3 e os 7º C. A maioría das apostas de auga van dende os 2 ata os 10 litros, con picos máximos en 14, 17 e 18, e mínima de 0. Polo que respecta as apostas de refacho de vento abranguen dende os 30 ata os 60 km/h., con picos de 65 por riba e de 20 por baixo.

Desta maneira temos unha xornada moi igualada e que promete emoción ata os derradeiros instantes, e promete un final de infarto. Podes seguir a xornada ao vivo dende este enlace, a partires da madrugada do domingo.

As apostas:

Saude e clima!!!

Xornada de grandes puntuacións a celebrada no concello de Pedrafita do Cebreiro, na 19ª xornada da Liga da Inverneira. Somentes 3 participantes baixaron da liña dos 50 puntos, dous deles penalizados. Noraboa a tod@s polo acerto acadado.

No cumio atopamos a 2 vencedores ó unísono, con 59 puntos. Un deles estivo separado do pleno por unha décima na temperatura e o outro por menos de 2 km/hora. Os 2 enleados no Top-10, meten medo no resto de compoñentes da parte alta da távoa clasificatoria.

Por tras, pequenos movimentos na xeral, que podes investigar por tí mesmo nos datos recollidos na xornada de O Cebreiro. Podes atopar un enlace baixo estas liñas.

Saudos e sorte!!!

Damos conta dunha implementación, ainda que máis ben e a posta en funcionamento da Xeral ao vivo. Na páxina de A etapa ao vivo, no menú de Acceso rápido, ademáis de atopar o enlace a Meteogalicia ao vivo e á Távoa da xornada ao vivo, agora tamén tes un enlace ao vivo para a Clasificación Xeral. Agardemos que traballe coma debería e que esta nova información sexa dispensada para deleite de usuar@s.

Moita sorte a tod@s!!!

A derradeira xornada de alta montaña ven acompañada pola entrada do anticiclón das Azores e semella que deixará de chover para a desputa da etapa de eltiempoentuojete. Tamén se aprecia nas apostas unhas temperaturas anormalmente altas para o tempo e a zona de xogo.

Atopamos nas temperaturas máximas apostas de entre 10 e 14º C., con pico baixo en 9 e máximo en 15º C.. A maioría das apostas de chuvia están baleiras, non sendo litros soltos e un Nostradamus que presenta 44 litros. O refacho de vento enmárcase entre os 13 e os 65 km/hora.

Deste xeito imos ter unha xornada moi emocionante, con apostas moi parellas e, ainda que semella de transición, pode definir o resto da competición, pola altura na que nos atopamos no calendario. Podes seguir a xornada ao vivo dende este enlace a partires da madrugada do domingo.

As apostas:

Sorte e clima!!!