Semellaba que nesta xornada tiñamos tódolos números para levar o “gordo” de Nadal. Grande variedade de apostas en tódolos campos predicían unha xornada con moitos movimentos na Clasificación xeral.

O gañador en soidade levaba tempo sen acadar a vitoria, pero con ela sube ata o 10º posto de gañadores históricos ainda que na xeral do ano en curso segue afundido máis alá do posto 20. Na segunda praza da xornada, o defensor do título volta recoller o liderato. Xunto coa 2ª clasificada collen renta co terceiro posto cando xa pasamos o ecuador da competición. Semella que se non se espabila dende atrás o campionato vai ser cousa de dous.

Se queres indagar nos datos deixados pola 13ª xornada da Liga da Inverneira, en Ventosa, preme no botón debaixo estas liñas.

Saudos e sorte!!!

Antes ainda de comezar queremos dar conta da publicación, desta vez en formato video, da Crítica crónica da xornada de Marroxo, a 12ª xornada da Liga da Inverneira. Pódela atopar eiquí embaixo, no enlace ás Crónicas.

Na xornada que nos ocupa, as prediccións das axencias pronostican unha nova vaga de borrascas para a fin de semana. Ventosa é o lugar escollido para a predicción dos compoñentes de eltiempoentuojete.

E nótase nas apostas que vai ser unha xornada compricada. As temperaturas máximas están entre os 6 e os 11º C., con picos de 12 e 14º C. As mínimas, van dende -1 ata os 8º C. A variable da auga compréndese entre os 7 e os 29 litros, con picos de 36 e 55 litros. Os refachos acadan unha intensidade de ata 130 km/h.. Por baixo, dende 50 Km/h., con picos baixos de 32 e 35.

Con todo isto temos unha nova xornada de infarto que podes seguir ao vivo dende este enlace. Conecta de noite pero actualiza cara o mediodía e toda a tarde.

As apostas:

• Corrixíuse unha aposta de Popolo, na temperatura, por solicitude propia, dentro de tempo.

Saudos e sorte!!!

Nova xornada baixo a chuvia, desta vez en territorio monfortino e na que a xeral movéuse de acordo a variedade de apostas recibidas. A chuvia caeu durante todo o día, acadando os 27 litros recollidos. As temperaturas estiveron moi preto das prediccións, da mesma maneira que o refacho de vento, preto dos 50 km/h.

Nos resultados atopamos a primeira vitoria en terras de Lemos aque agora toma as rendas da clasificación xeral. Vitoria en soidade que lle permite tomar o primeiro posto na histórica de vitorias. 56 puntos, gran resultado para unha xornada coma ésta e deixando a cabeza da xeral moi apertada cando estamos a piques de subir os cumios máis altos da comunidade.

Se queres indagar no sucedido na xornada do domingo, en Marroxo, preme no botón abaixo exposto.

Saude e sorte!!!

Nova xornada da Liga da Inverneira de eltiempoentuojete e nova quenda de borrascas atlánticas en Galicia. Desta vez leva asociadas alertas amarelas e laranxas. Ainda así a xornada vaise desputar no interior do país, polo que será compricado predicir as cantidades de auga, de vento e acondicionar unhas temperaturas que nesta parte do ano adoitan ser baixas e con clima seco.

Desta maneira temos as temperaturas máximas nun rango de entre 9 e 14º C. As mínimas van dende os 9 ata os 4º C. No eido da pluviosidade temos apostas dende os 4 ata os 51 litros. Seica vai haber diferenzas… O refacho enmárcase entre os 22 ata os 69 Kms/h. A priori a xeral vaise mover. Podes seguir a xornada ao vivo dende este enlace.

As apostas:

Saudos e sorte!!!