5ª xornada da XI Liga de Primaveira que voltou desputarse na selva amazónica, nesta ocasión en El Porvenir, San Martín. Coñecemos de sobra as temperaturas deste tipo de clima, pero desta vez superou tñodalas expectativas dos contendentes de eltiempoentuojete. Sen precipitación e un vento frouxo, foi unha etapa abafante.

A temperatura mínima non baixou na madrugada ata os 22º C., un valor que marcaron moitos d@s apostantes. Pola tarde acadóuse a máxima diaria con 35º C., non agardada por 4 ninguén. A ausencia de chuvia foi na contra do apostado pola maioría e o vento marcou un refacho máximo de 3 m/s, 11 km/h. frouxos, unha marca que axudou a definir o mellor do día.

E ese non foi outro que Breogán77, que con 57 puntos alzóuse co trunfo en El Porvenir, que pode ser unha indirecta sobre o seu futuro papel na competición. Perrdeu 2 puntos na máxima, outro na chuvia e mallou o parámetro da mínima máis o do vento. Ingresa no Top-10 pasando do posto 11ata o 9º. Xa veremos se ten “porvir”.

Trío con 56 puntos para Kaltxon, que colle o 11º posto deixado por Breogán77 e apunta ó Top-10. No cumio da xeral en soidade atopamos a Verducido, cun só punto de diferenza con Beocha, que segue moi activa dende a Inverneira. 1º e 2º posto respectivamente.

Con 55 puntos Denodeno, outro que actívase na primaveira cos lugares exóticos e que entra no Top-10 na posición 7ª. Un pouco máis arriba, na 3ª posición outro que segue un ritmo endiañado dende a Inverneira, Julio, que se atopa a somentes 3 puntos da cacheira da xeral.

E sumando 54 puntos o semideus Botikas, que xa ocupa a 5ª praza da xeral moi preto dos precursores. Mesma puntuación para Mingos, que estivo de líder de etapa durante gran parte do día e que acada o Top-10 no seu derradeiro posto e que leva bos resultados nas últimas 2 etapas.

Completan os 10 mellores resultados, con 53 puntos, Bar Pequeno, que se luce no achanzado amazónico, ainda que con mala posición na xeral e Landrán, que ocupa unha 4ª posición xeral empatado co 3º. Segue sendo ameaza.

Estes foron os 10 mellores resultados escollidos en El Porvenir. Para acadar tódolos datos recollidos na 5ª etapa pica no enlace baixo este texto.

Sorte e clima!!

Despútase esta fin de semana a 5ª etapa da XI Liga de Primaveira no Perú, o que significa que é a xornada que divide a competición tropical en dúas metades e xa poderemos ver quén está en disposición de obter a vitoria e quén xa non ten tantas oportunidades. Ou quizáis non, de acordo ó apertado da clasificación xeral. O nome da etapa, esperanzador, El Porvenir.

As apostas en temperatura máxima están moi pechadas e van dende os 28 ata os 33º C.  cunha aposta á baixa de 20º C. Os valores para as mínimas oscilan entre 18 e os 26º C., máis amplas e cunha aposta por baixo dos 10º C., de 6º C. As precipitacións móvense nun rango tamén de amplitude de entre 0 e 8 litros, cunha aposta sospeitosa da raíña da chuvia, Magor, de 14 litros. Mentras, os refachos de vento van dende os 5 ata os 28 km/h.

O resultado, a partires da amplitude observada en case tódolos parámetros de aposta, semella compricado de predicir e haberá que agardar ata o derradeiro minuto da xornada, xa no noso luns ó amencer, para obter un resultado definitivo. Non deixes de seguir a xornada ao vivo dende este enlace a partires das 10:30 da mañanciña do domingo, debido ás diferencias horarias co país andino, ata o final do día alá, xa na mañán do luns. Para atopar os datos actualizados, busca no mapa (despois de descartar as estacións convencionais e deixar só as automáticas) El Porvenir, ó sur da cidade de Tarapoto, na área norte do país.

As apostas:

Saúde e sorte!!

Primeiro contacto coa selva amazónica peruana en Pichari, xa con altas temperaturas e vento máis que frouxo. A chuvia non foi o agardado pola maioría, nin o vento. Somentes as temperaturas andiveron no acordado polas apostas, ainda que 18 puntos sobre os 20 posibles foi o máximo acadado por unha minoría de apostantes.

A temperatura mínima “baixou” na madrugada ata os 21º C., un valor que non marcaron moitos d@s apostantes. Pola tarde acadóuse a máxima diaria con 27º C., agardada somentes por 4 meteoludópatas. Os 2 litros de chuvia estiveron por baixo do apostado pola maioría e o vento marcou un refacho máximo de 61,7 m/s, 6 km/h. miserentos, unha marca que axudou a definir os mellores do día.

Con estes datos atopamos un vencedor en soidade con 56 puntos, con pouca competencia e escalando postos na xeral. Mingos rexistrou 18 puntos nas temperaturas, perdeu 1 punto na chuvia e outro no vento para alzarse cun trunfo amazónico en contraposición ós malos resultados nas alturas andinas. Dende o 19º posto ata o 10º, Top-10 seguro que non agardado pero non por iso menos celebrado. Senterase coma un inca…

55 puntos para Denodeno que destaca nestas latitudes e sobre todo con estes ventos acougados. Moi parello nas súas puntuacións, sendo o único en facer pleno no vento Dende o 17 ata o 8º posto na xeral, volve aparecer nos destinos exóticos.

Víbora fallou no vento pero foi o mellor nos outros parámetros, polo que os seus 53 puntos eran mellorables. Sube ó posto 9 dende o 13º, polo que o ingreso no Top-10 é bó resultado.

Botikas e Landrán chegaron ata os 52 puntos con similares puntuación nos tres parámetros. Xa estaban ben situados e así contunúan, no Top-10, con Landrán compartindo liderato ainda que con desvantaxe na vitoria e Botikas coa 3ª mellor puntuación.

Sarabia e Rasta asinaron 51 puntos. Sarabia tamén comparte liderato mentras está nun antepenúltimo posto que non lle fai xustiza, ou sí.

4 xogadores con 50 puntos. Julio, que ocupa o 6º posto, Breogán77 no 11º, Beocha no 4º e Verducido coma líder compartido ainda que con mellor coeficiente de vitoria. Todos eles ben situados.

Estes foron os 11 mellores resultados escollidos en Casaccancha. Para acadar tódolos datos recollidos na 4ª etapa pica no enlace baixo este texto.

Pichari é a 4ª etapa da Liga de Primaveira no Perú e significa o primeiro contacto selvático despois de tres xornadas no altiplano andino. As temperaturas serán máis altas e as probabilidades de chuvia maiores, mentras a intensidade do vento descenderá. Poderemos ver cómo estos trocos inflúen na clasificación xeral e se temos altas ou baixas entre os mellores clasificad@s.

As apostas en temperatura máxima están moi abertas e van dende os 19 ata os 31º C. Os valores para as mínimas oscilan entre 15 e os 24º C., moi amplas tamén e con dúas apostas por baixo dso 10º C., unha de 7 e outra de 3º C. As precipitacións móvense nun rango tamén de amplitude de entre 0 e 15 litros, mentras que os refachos de vento van dende os 5 ata os 29 km/h.

O resultado, a partires da amplitude observada en tódolos parámetros de aposta, semella compricado de predicir e haberá que agardar ata o derradeiro minuto da xornada, xa no noso luns ó amencer, para obter un resultado definitivo. Non deixes de seguir a xornada ao vivo dende este enlace a partires das 10:30 da mañanciña do domingo, debido ás diferencias horarias co país andino, ata o final do día alá, xa na mañán do luns. Para atopar os datos actualizados, busca no mapa (despois de descartar as estacións convencionais e deixar só as automáticas) Pichari, ó leste da cidade de Huancayo e o norleste de Ayacucho, na área sur do país.

As apostas:

Saúde e clima!!