A volta da chuvia nesta 15ª xornada en o Alto do Rodicio produxo unha auténtica desfeita na távoa de resultados, onde ninguén acadou os 50 puntos e somentes 7 meteoludópatas lograron superar os 40. A cantidade de chuvia e o refacho de vento foron os dinamitantes causantes das baixas puntuacións recollidas no concello ourensán de Maceda.

A temperatura mínima chegou na noitiña ata os 5º C. Pola tarde acadóuse a máxima diaria con 9º C. redondeados. A chuvia non deixou de encher o pluviómetro marcando no histórico 41 litros e o vento marcou un refacho máximo de 94 km/h.

Con estes resultados só se pode agardar un gañador en soidade con 49 puntos. M. B Joaquín volveu dar a badalada en xornadas arriscadas e convértese no primeiro xogador en acadar as 3 vitorias nesta edición. Non foron máis puntos porque a súa aposta en refacho deixou moito que desexar, perdendo neste parámetro ata 8 puntos. 2 máis deixou nas temperaturas pero os 19 sobre 20 puntos da pluviosidade permitíulle levantar o trofeo en Maceda. Mantén o posto 22, xa preto do grupo que quere entrar no Top-20 e deixa atrás os persecutores a máis de 30 puntos de diferenza. Pode centrarse en mirar cara arriba!!

Kaltxon suma 48 puntos e acada a 2ª posición na etapa con grandes resultados en temperatura e vento e perdendo 10 puntos na chuvia, que nesta etapa non é moito. Dende a 8ª posición escala ata a 4ª, xa no Top-5 e moi preto do podio. Gran remontada está levando a cabo!!

A lideresa Magor engadiu 47 puntos no seu marcador e semella que medra cando chove. Despois de ir perdendo renda nas etapas en seco, esta de chuvia volve a coller distancia cos lobos que a tentan acosar. Benvida a chuvia para tí!!

E un dos pricipais lobos persecutores, Botikas, suma 46 puntos para manterse na loita polo título. Resultados semellantes a Magor que o manteñen na segunda praza de honra ainda máis alonxado dos seus propios persecutores. Ainda hai tempo para a fazaña!!

Modesto suma 44 puntos no Rodicio e por fin experimenta un crecemento na xeral. Boa aposta de pluviosidade que non secundou nas temperaturas nin no refacho. Puido ser mellor, pero sube dende o 16º posto ata o 13º xa moi preto do Top-10. A manter a liña!!

Compoñente Sur, con 43 puntos, tamén nota o pulo e, dende o posto 20 sube ata o 16º na clasificación xeral. Prepárase para ingresar nogrupo que loita por acadar o Top-10 da xeral. Imos a elo!!

E 42 puntos para Julio que superou a proba da chuvia con creces. Incluso trepou na xeral ata o 3º posto, o bronce do podio. Ainda que bastante acosado polos persecutores, o podio é bo premio nunha etapa deste estilo. Resistir ou superarse?

Esta foron as 7 mellores puntuacións na 15ª etapa da Liga da Inverneira no Alto do Rodicio. Se queres acadar toda a información extraida dos datos no concello de Maceda,preme no botón que deixamos presentado baixo este texto.

Saúde e sorte!!

Nesta 15ª etapa da Liga da Inverneira agardamos a visita da 1ª borrasca do ano, ou máis preciso ainda, unha baixa desprendida doutra borrasca maior que se atopa sobre o continente. Con destino no concello de Maceda, en Ourense, preparámonos para recibila dende o Alto do Rodicio, cunha altitude de case 1000 m. sobre o nivel do mar e que é sensible os refachos que se agardan, xunto coa chuvia e unhas temperaturas en ascenso.

As apostas en temperatura máxima van dende os 7 ata os 12º C. Os valores para as mínimas oscilan entre 2 e 8º C. As precipitacións probables enmárcanse entre os 6 e os 40 litros, mentras que os refachos de vento van dende os 22 ata os 99 km/h.

Ante a disparidade dos parámetros de predicción estamos ante unha xornada con resultado moi axustado e co desafío de atopar un ou vari@s gañadores. Non deixes de seguir a xornada ao vivo dende este enlace a partires das 01:40 desta mesma madrugada e dende a mañanciña do domingo ata o final do día. A primeira borrasca ao vivo, non a perdas!!

As apostas:

Clima ou morte!!

Xornada para recordar a de Serra do Eixo 2024. As portas do Olimpo meteorolóxico amateur ábrense para que faga a súa entrada baixo palio a un participante que petou no teito de cristal da távoa de clasificación. Non se acada un pleno tódolos días, para ser exactos dende fai un ano, un mes e algún días, aquel de Corrubedo na data inicial da edición anterior desta mesma competición. Faremos un resumo de tan insigne xornada.

A temperatura mínima chegou na madrugada ata o 1º C., que ainda que se rebaixou no final do día, non mudou o redondeo. Pola tarde acadóuse a máxima diaria con 7º C., tamén redondeados. Os 0.3 mm. de chuvia redondeou en 0 e o vento marcou un refacho máximo de 16 km/h.

E estas foron as apostas que fixo Julio para entrar na historia da competición e facer os 60 puntos, que son o teito máximo que se pode acadar como puntuación. Pouco que dicir, mallou tódolos parámetros e leva máis que unha vitoria. Só lle falta gañar unha competición longa, algo que tampouco fixeron os outros acaparadores de pleno. Pero estando na posición que está, 4º clasificado, e sendo a segunda vitoria nas derradeiras 3 etapas pode estar en disposición de facer o doblete. a só dous puntos do podio, ameaza en serio a estabilidade da xeral. Ave, Julio!!

59 puntos para Michi que quedou a un só punto de entrar na lenda, mallando temperatura e auga e perdendo un mísero punto (polos pelos) no refacho. Gran puntuación que o leva ata o 17º posto pero que anima aseguir na loita. Chúchalle!!

E gran puntuación para Sarabia con 58 puntos perdendo 2 puntos nas temperaturas pero mallando o refacho. Queda na 12ª posición ás portas do Top-10. Segue nese camiño!!

E ata 7 meteoludópatas compartillan a 4ª mellor puntuación na Serra do Eixo con 57 puntos. Xowi marca xa o 14º posto na xeral. Popolo mantén o terceiro chanzo do podio pero recorta cos seus predecesores. Landrán escala ata a 6ª posición. Punteiro e Lume xa están nas portas do Top-10, onde a loita é feroz, no 13º e 11º posto respectivamente. Balboa no lugar 23 e Kaltxon afianzándose no Top-10 na 8ª posición.

E todo o Top-10 recortou distancias coa lideresa Magor, que ve como os chacales van achegándose por tras e semella que o inverno seco non lle acorda tanto coma o outono húmido que lle dou a posición de cacheira da xeral. Chegará a chuvia, sen dúbida, chegará…

Se queres coñecer tódolos detalles da 14ª xornada da Liga da Inverneira en Serra do Eixo, clica no enlace que ofertamos baixo este texto.

E benvidos á historia viva de eltiempoentuojete!!

Na Serra do Eixo comeza oficialmente a segunda metade da XI edición da Liga da Inverneira. Na comarca de A Veiga e a máis de 1000 metros de altitude despútase a 14ª xornada cun claro acento anticiclónico. Ausencia de chuvia, vento frouxo e temperaturas baixas pero sen estridencias, semella que távoa de clasificación xeral non vai ter demasiados trocos. Ou iso parece…

As apostas en temperatura máxima van dende os 2 ata os 10º C. Os valores para as mínimas oscilan entre -6 e 3º C. As precipitacións probables enmárcanse entre a seca e 1 litro, mentras que os refachos de vento van dende os 5 ata os 35 km/h.

Dada a igualdade dos parámetros augurados estamos ante unha xornada con resultado moi axustado e co desafío de atopar un ou vari@s gañadores. Non deixes de seguir a xornada ao vivo dende este enlace a partires das 01:40 desta mesma madrugada e dende a mañanciña do domingo ata o final do día. O inverno en marcha!!

As apostas:

Saúde e clima!!