A primeira xornada en Croacia deixa un sabor de boca amargo para moit@s dos participantes na X Liga de Primaveira no Adriático. Somentes media ducia de xogadores deron rañado puntos no parámetro de temperatura mínima. Non se recorda cousa igual nas competicións desputadas. Cunha media aproximada de 9/10º C. apostados, a realidade xeóulle o sangue á maioría cun resultado de -1º C. e preto de redondear a -2. As máximas estiveron no agardado, do mesmo xeito que o refacho de vento e a esperada falta de chuvia. Foi ese o parámetro que decidiu a xornada inaugural da competición.
Comezaba a xornada a 6º C., pero na madrugada acadóuse a xa comentada de -1º C. Cara o mediodía fixóuse a temperatura máxima nos 25º. De precipitación, nin pegada. Na sobremesa chegaba o refacho máximo do día, reflexado nos 24 km/h. rexistrados. Todo de acordo ó plan da maioría, non sendo esa temperatura mínima inesperada. Esta foi a razón pola que somentes 3 apostantes acadaran os 50 puntos no marcador final.
E a gloria nesta xornada de apertura foi para un xogador en soidade. Bar Pequeno quedou co trunfo, á conta da menor aposta en temperatura mínima. Apañou 6 puntos nese parámetro, que non son moitos nunha etapa normal, pero que en Brezovacko foron definitivos para levar a vitoria con 54 puntos. Mallou a temperatura máxima e perdeu 2 puntos no vento. De agasallo marcha co liderato da Liga e semella querer dar a sorpresa no Adriático. Parabens!!
53 puntos para Julio que despois de gañar na derradeira xornada da Inverneira semella que segue quente e busca despuntar. Levou 4 puntos na mínima, moito en comparación co resto e perdeu somentes un punto no vento. Gran xornada para el. Noraboa.
O que sempre está quente é Botikas, marcando a 3ª mellor puntuación en Croacia con 51 puntos. Puntuou na mínima e perdeu 2 puntos no vento e mantén unha liña comparable á da morte nos electrocardiogramas.
E ata 7 meteoludópatas quedaron a un punto dos 50 que marcaron os tres primeiros. Sarabia, Punteiro, o novato Pájaro, Mingos, Lukas, Compoñente Sur e Beocha lograron non arredarse moito da cacheira da clasificación xeral e agardarán mellor momento para asaltar o podio. Non estivo mal para o que puido ser, polo que tamén para eles a felicitación correspondente.
Estes foron os 10 mellores na xornada inaugural da X Liga de Primaveira, en Brezovacko. Para obter toda a información precisa sobre o acontecido en Croacia, pica no enlace que indicamos baixo estas letras.
Benvid@s de novo a unha nova aventura meteoludópata de eltiempoentuojete. Nesta ocasión desprazámonos ata o norte do Mar Adriático para a desputa da X Liga de Primaveira. Ata mediados de Xuño ó longo de 10 etapas visitaremos Croacia, Italia e Eslovenia na procura dun vencedor para a única no mundo porra meteorolóxica amateur.
Contamos cun novo membro, Pájaro, e un reincidente de anteriores campañas, Okonor, ós que lle damos unha calurosa benvida a esta súa web. Agardamos que o voso paso por eltiempoentuojete quede reflictido nos anales da web, con conquistas e logros que permanezan nas nosas mentes durante xeracións de meteoludópatas.
Iniciamos esta nova competición en Croacia, na zona dos Lagos de Plitvice, un parque natural no oeste do país, preto das costas do Adriático. Semella que alí xa están en Primaveira, dacordo ás apostas recollidas este venres.
As apostas para temperatura máxima van dende os 20 ata os 26º C. Polo que atinxe ás mínimas, estas oscilan entre os 3 e os 15º C., unhas diferencias abismais entre os apostantes. Somentes Okonor sinala a presencia de chuvia, con 2 litros, ainda que quizais sepa algo que os demáis ignoran. No tocante ó refacho de vento, están representados dende os 12 ata os 39 km/h.
Como consello para as prediccións, observar que o máis importante vai ser atopar o sitio en cuestión, polo que recomendamos visitar á páxina de cada xornada, xa que o nome da etapa ven representado polo nome da estación meteorolóxica, que non sempre atende a un lugar concreto. Outro tema é distinguir lugares con nome presente noutros paises, como no caso das etapas en Croacia e Eslovenia, que poden figurar noutros paises como Bosnia, Serbia, República Checa, etc. Buscar o lugar xeográfico concreto será o máis importante.
Para acceder ós datos actualizados do MetOffice (cada 5 minutos actualízanse) temos preparado un tutorial ao que podes acceder dende eiquí. Pero como atallo, comentar que debes pulsar en “Table” na web de MetOffice (accesible dende o enlace de Resultados ao vivo) e despois de escoller os parámetros de observación (Observation options) e actualizar en “Upgarde table“, picar en “Table Summary” para acadar os mínimos e máximos en Temperatura (Air temperature), Pluviosidade (Rainfall accumulation) e Refacho de vento (Wind gust). Para estes últimos debes facer a conversión de nudos a kilómetros por hora.
E non vos preocupedes moito polos resultados desta primeira xornada, ainda quedarán 9 máis despois desta… Sorte a tod@s!!
Dende eltiempoentuojete poñemos no teu coñecemento o inicio da nova competición meteorolóxica para esta primaveira. A X Liga de Primaveira na súa edición no Adriático, con sedes en Croacia, Italia e Eslovenia. Para xogar con nós somentes debes entrar na web e fozar nela. Para o máis importante, vai ó menú de acceso rápido no menú principal, onde poderás atopar a etapa en curso, o Formulario de aposta e a Xornada ao vivo para seguila en direto o domingo.
Para calqueira dúbida, envía unha mensaxe a este correo eltiempoentuojete@gmail.com e tentaremos solucionar tódalas dúbidas do mellor xeito posible. Tamén no caso no que atopes información errónea ou mesmo falta da mesma. Ou calqueira cousa que nos queiras contar ou consellos para mellorar o desenrolo do xogo e da web.
Non esquezas que somos unha web única no mundo en apostas meteorolóxicas e totalmente gratuita. Só nos move a ciencia e a ludopatía lúdica.
Agardamos por tí no inicio da competición datada para o día 7 de abril, con aposta o venres 5 de abril antes das 24:00 horas.
Fin de festa en Xesteiras, concello de Cuntis, onde se desputaba a etapa final da X Liga da Inverneira de Galicia e xa coñecemos os resultados definitivos da competición senlleira de eltiempoentuojete.
As primeiras horas de competición deixaron varios parámetros definitivos ata o final do día. A temperatura mínima baixou ata os 10º C. n a primeira hora, do mesmo xeito que o refacho de vento, que acadou unha cota de 61 km/h., marca moi por riba do apostado pola maioría. A chuvia caía de seguido e ás 04:00 horas xa acumulara 6 litros no pluviómetro. Así se mantivo ata o mediodía, cando a temperatura máxima chegaba ós 13º C. e a chuvia engadía 2 litros máis no contador, sinalando os 8 litros que xa serían definitivos. No final de etapa ainda subiu a temperatura pero sen chegar a modificar os valores acadados. A chuvia estivo no límite para trocar detalles na xeral e incluso trocar os vencedores de etapa, pero ese feito non se produciu.
Deste xeito atopamos unha vitoria grupal con 4 participantes no cumio co 52 puntos. Tres deles involucrados no Top-10 da xeral. Verducido reduciu as diferenzas co líder Botikas pero sen premio. Defendeu sen problemas o posto con Kaltxon, acadando outro subcampeonato. Beocha tamén defendeu posición e remata nunha 4ª praza con bo sabor de boca vendo o desenvolvemento da liga. Xowi desempatou con Landrán, ainda que se chovera somentes 0.1 ltros máis perdería a vitoria e a praza. Non sucedeu e remata na 6ª posición. Polo Top-20 Julio sí que acadou o seu obxectivo de rematar dentro do mesmo. Perseguíu a vitoria co premio do 20º posto da xeral.
Con 51 puntos chegaron á meta Punteiro e Modesto. Punteiro remata 11º, unha posición impensable para el na primeira parte da Liga. Gran resultado pola recuperación na segunda volta. Modesto sube ó posto 17 con pena de non chover máis e subir un pouco máis na que foi unha competición decepcionante para el. Os dous rematan forte e melloran.
Breogán77 e Kaltxon finalizaron con 50 puntos. Kaltxon mantivo a 3ª praza pero non poido chegar ata Verducido. Podio para o que será aspirante a títulos nas próximas competicións, con grandes sensacións e carencia de medos. Breogán77 defendeu o derradeiro chanzo do Top-10 co coitelo nos dentes e, aparte da clasificación, leva un pleno, formando parte dun club m´ñais que exclusivo en eltiempoentuojete.
48 puntos obtiveron Popolo e Víbora, levando a súa rivalidade ata o extremo. Non puideron con Punteiro pero sí con Compoñente Sur que certificou un baixón nas derradeiras etapas. Rematan compartindo o 12º posto, cunha difícil de igualar paridade nos seus marcadores.
Estes foron os dez mellores xogadores por puntuación. Para acadar máis datos pica no botón de enlace que ofertamos embaixo do resumo final da competición.
Pequeno resumo
Botikas volve gañar a Liga da Inverneira despois dun ano no segundo posto e desempata a igualdade de trunfos con Verducido, co que intercambia posición respecto a edición anterior. 4 Ligas da Inverneira o convirten no mellor xogador en Galicia, por riba das 3 de Verducido. A súa sala de trofeos foi ampliada e non semella que baixe de nivel. Se acaso somos os demais os que temos que mellorar.
Verducido acada un novo subcampeonato. Non puido resistir os derradeiros embates do agora tetracampión e tense que conformar con seguirlle a matrícula. De seguro xa está a pensar nas novas edicións e promete vinganza.
Kaltxon confírmase coma aspirante ó trono dos dous multicampións dando un paso adiante que agardemos non sexa unha ilusión. Gran tempada para el, a da súa confirmación coma duro opoñente.
Beocha non pudo con Kaltxon para acadar un novo podio pero defendéuse con forza de Landrán e Marius e debe estar satisfeira do conseguido. Forte nas etapas de chuvia torrencial agardará outra oportunidade para atrapar un título que se lle resiste.
Marius tamén deu un paso adiante para consagrarse coma aspirante, superando a moitas vacas sagradas da competición. 5º posto do que debe sentirse fachendoso. Se lle queda unha espiña cravada é a de non levar unha vitoria.
Xowi rematou forte, loitou o pudo nestas derradeiras xornadas para acadar o mellor posto posible. Do que tamén pode estar orgulloso é das 4 vitorias ligueiras, feito que non se pode esquecer.
Landrán finaliza 7º con 2 vitorias. Sería para festexar se non tivera 2 penalizacións enriba que lle darían a 4ª praza. De ser máis constante loitaría polo podio ou incluso a vitoria final. Pero o dos retrasos pódese remediar. Aquí hai aspirante.
Para Mina a 8ª praza seguro que lle sabe a pouco, pero vendo cómo se desenrolou a Liga, debería estar orgullosa. Top-10 e dúas vitorias para ela.
Balboa apostou sen medo durante este desafío e ten o premio do Top-10 e 2 vitorias. Semella cada vez máis centrado e promete mellores resultados en próximas citas.
Breogán77 cerra o Top-10, ainda que o seu pleno na primeira xornada indicaba que podía rematar mellor. De calqueira maneira engade 2 vitoria no marcador, unha delas sen prezo.
Punteiro, Víbora, Popolo e Compoñente Sur regaláronnos unha loita a morte durante as derradeiras xornadas. Compo e Popolo estiveron sempre nos postos de Top-10 pero Víbora e Punteiro apareceron dende o inferno da clasificación e chegar a estas posicións non é sinxelo, polo que merecen recoñecemento.
Rasdgar remata a súa primeira competición no 15º posto, feito a aplaudir. Moi constante e sen perdas reseñables pódese ver o potencial e agardamos velo nos Top-10 de competición nas seguintes citas.
Agardábase máis de Lume, sobre todo en vitorias, pero foi unha competición dura para ela tendo que vir dende abaixo da clasificación. Tamén de Michi, Modesto e Julio, que terán que esperar para ensinar o seu verdadeiro potencial. No medio, Magor tamén amosa calidade na súa competición inaugural. De tod@s el@s queremos máis no futuro.
