Lardeira, 20ª etapa da X Liga da Inverneira, é a derradeira da xeira montañosa polas provincias orientais do país. Esta despedida localízase a máis de 1600 m. de altitude ás beiras dos irmáns leoneses. É unha das zonas máis ventosas de toda Galicia e ainda encabeza a lista das etapas con máis vento rexistrado en eltiempoentuojete. Mais semella que nesta ocasión non vai batir o seu propio record. Agardase unha nova xornada anticiclónica, con temperaturas por riba do normal nesta época do ano, sen chuvia e cun vento frouxo que seguro dará lugar a néboas nos vales colindantes. Non semella que na clasificación xeral vaia a haber disturbios pero como xa sabemos, cada punto pode ser un imperio.

As apostas para as temperaturas máximas oscilan entre os 10 e os 17º C., bastantes diferenzas para unha xornada deste tipo. Polo que respecta ás mínimas, atopamos valores entre os 2 e os 7º C. Sen sinais de chuvia, os refachos de vento van dende os 7 ata os 46 Km/h.

Con estes datos, coma sempre, necesitamos un gañador e o lunes á maña podería ser o teu nome o que encacheire o listado. Podes seguir a etapa ao vivo dende este enlace a partires da 01:40 desta mesma madrugada e, en horario contínuo, dende a mañanciña do domingo ata o remate da xornada. Non agardes a que cho conten!!

As apostas:

Saúde e sorte!!

En O Cebreiro celebróuse a penúltima das etapas de montaña que se desenvolven maioritariamente na zona oriental do país, en Lugo e Ourense. Somentes resta Lardeira, en Carballeda de Valdeorras e voltaremos cara a costa galega. Foi esta etapa de O Cebreiro seca e morna e con vento suave, o que propiciou altas puntuacións e poucos movementos na Clasificación Xeral.

A temperatura mínima marcóuse no amencer do domingo rexistrando 6º C., impropia do final do mes de xaneiro nesta zona. A máxima acadóuse na sobremesa con un valor de 12.6 redondeado a 13º C. Nin rastro de chuvia e cun vento que sinalou o seu refacho máximo na madrugada do domingo, pouco antes da temperatura mínima, con 42 km/h.

E, ainda que pareza mentira, obtivemos un gañador en soidade, a pesar da competitividade e as altas puntuacións. Xowi, con 59 puntos, somentes errou no vento, mallando as temperaturas. Sube ata o 8º posto e sitúase a só 8 puntos do Top-5, un gran aliciente para esta vaca sagrada da predicción amateur. Parabens para o canadiano!!

Ata 5 apostantes acadaron a 2ª mellor puntuación do día con 58 puntos. Marius supera a Mina e chega ata o Top-5, ainda que terá que loitar para mantelo ou para mellorar posición. Compoñente Sur mantén a 7ª praza e achégase ata o Top-5. Víbora tamén ameaza os seus predecesores e xa está a 3 puntos do Top-10. Rasdgar tamén sube unha posición, ata a 13ª e atópase cun gran burato para chegar ata o Top-10, pero se mantén a súa traxectoria pode ir comendo terreo. Punteiro escala ata a praza 16 dende a 19 e continúa a recuperación.

Outros 5 meteoludópatas suman 57 puntos en O Cebreiro. O trio de cacheira da xeral, Botikas, Kaltxon e Verducido non modifica nin posicións nin distancia, polo que como antes desta xornada. Modesto e Popolo manteñen a súa loita particular, con Modesto subindo un posto ata o 14º e Popolo trepando 3 ata o 15º.

Se queres máis información do acontecido na 19ª xornada da Liga da Inverneira, desputada en O Cebreiro, pica no enlace que ofertamos baixo estas letras.

De novo agardamos unha xornada de altas presións, con ceos maiormente despexados, temperaturas mornas e ventos frouxos. Pero esta alta presión tamén se vive na táboa xeral de clasificación, onde os marxes son cada vez máis pequenos cando somentes restan 7 xornadas para o desenlace final. E non se pode agardar a etapas con grandes cantidades de chuvia para axitar o limoeiro, hai que se ir movendo a modiño para buscar a posición desexada. Nunca se sabe se a chuvia virá ó rescate e cómo nos comportaremos cando chegue o momento. Con isto queremos dicir que tódalas etapas son importantes, incluso esta de O Cebreiro, que semella insulsa e de transición. Cada punto conta e o derradeiro día podes botalo en falta…

As apostas en temperatura máxima enmárcanse entre os 10 e os 14º C. Polo que respecta ás mínimas atopamos valores dende os 2 ata os 7º C. Somentes un apostante cheirou auga e se lanzou á aventura con 2 litros, o resto, deserto. No que atinxe ós refachos de vento, temos valores entre os 10 e os 51 km/h.

A pesares de ser unha xornada sen chuvia temos ante nós unha etapa moi emocionante, con algúns factores de diversidade e coa clasificación xeral en xogo. Podes seguila ao vivo dende este enlace a partires da 01:40 desta mesma madrugada e dende a mañanciña do domingo en horario ininterrumpido ata o remate do tempo reglamentario. Non a perdas, calqueira punto é importante a estas alturas de competición e mañán estaremos a contalo en directo.

As apostas

Saúde e sorte!!