Volveu a chuvia a eltiempoentuojete nesta 21ª xornada desputada nun dos templos galegos da precipitación, Fornelos de Montes. Non foron os máis de 50 litros que se rexistraron durante a semana, pero semella rematou a seca que se extendeu por varias semanas. A falta de somentes 5 xornadas hai loitas en tódolos frentes da clasificación xeral, ainda que algúns xa se comezan a definir, quedan etapas moi importantes por diante e ainda non se fixo testamento.

A noite comezaba fria, rexistrando á temperatura mínima do día con 4º C. Inicióuse tamén a chuvia con apenas un par de litros, mentras a temperatura máxima subía ata os 8º C. no mediodía, cando o vento acadaba os 43 km/h. Pero das 21 horas en diante principiaba a romaría, coa volta da chuvia, que finalmente marcou un valor total de 8 litros. A temperatura tamén subíu, chegando ata os 10º definitivos, mentras o vento, miudiño miudiño chegou a acadar os 50 km/h. a falta de 10minutos para o remate da xornada.

Despois deste final axitado celebramos un gañador en soidade, Breogán77 con 57 puntos, mallando a chuvia e rozando o pleno no resto de parámetros. Mantén a derradeira posición do Top-10 pero recorta 3 puntos co 9º. Grande Breogán!!

56 puntos para Víbora e para Magor. Víbora loita con Breogán77 pola mesma praza e non se descoidou, perdendo somentes un punto sobre o gañador e ampliando a marxe sobre os persecutores. Magor sube ata a praza 17 a somentes un punto de acadar outro chanzo máis na súa escalada. Boa xornada para ambos.

Kaltxon, Popolo, Compoñente Sur, Michi, Xowi e Lume fixeron 55 puntos. Kaltxon volve axexar a Botikas polo liderato mentras semella que ambos deixan atrás a Verducido, dagnificado en Fornelos. Achégase a só un punto da súa antiga praza privilexiada e semella que dará loita ata Xesteiras. Xowi e Compoñente Sur seguen en dura loita dentro do Top-10 e anhelan un Top-5 que ven cada vez máis preto das súas aspiracións. 6º e 8º respectivamente. Popolo e Michi perderon folgos nas derradeiras datas pero semella que volven ó rego e tentarán superar un Top-20 que se lles queda curto para a súa extensa traxectoria. Lume, que busca de preto ese mesmo Top-10, tamén busca unha vitoria que se lle resiste nesta edición, sendo como é unha das grandes neste capítulo do xogo.

Estas son as 9 mellores puntuacións da 21ª xornada en Fornelos. Para obter toda a información do acontecido este domingo, pica no enlace que ofertamos embaixo estas letras e prepara ben a seguinte (en Punta Candieira) que queda pouco e non podes rematar así (bueno, Botikas firmaría).

Sorte e clima!!

Dende eltiempoentuojete queremos pedir desculpas pola non publicación do resumo previo á xornada do domingo en Fornelos. Problemas técnicos da web impedíunos a presentación do sumario típico da víspera e, xa de madrugada nestes momentos non podemos facer máis que referir ós datos do Horario de apostas e redirixirvos á Etapa ao vivo (pulsa sobre o texto coloreado).

Comentar que en nada afecta á libre circulación de datos polo que a etapa de Fornelos desenvolverase con normalidade (ou iso agardamos). Nestes momentos xa están actualizados os rexistros recabados a esta hora e para máis exactitude emplazámosvos á mañanciña deste domingo onde a actualización dos datos será contínua ata o final da xornada.

Agradecemos a vosa comprensión.

Saudos e sorte!!

Non se moveu demasiado a xeral no seu conxunto nesta etapa anticiclónica desputada en Lardeira esta fin de semana. O que sí se acadou foi o rexistro mínimo de refacho de vento en toda a historia desta estación en eltiempoentuojete. Isto sumado a unhas temperaturas mornas e á carencia de chuvia fixo que apenas atopemos trocos na Clasificación Xeral. Pero os pequenos movimentos tamén contan e poden ter a súa relevancia na derradeira etapa. Agora baixamos cara a provincia de Pontevedra, a un dos santuarios da chuvia en Galicia e semella que nos vai acompañar durante a fin de semana.

A temperatura mínima marcóuse cedo cun rexistro de 5º C. que se mantivo ata o remate da xornada. A máxima chegou ata os 11.5º C. cara o mediodía, estando por baixo da maioría das apostas. Sen noticias da chuvia o refacho de vento quedou nuns miserables 21 km/h. sinalados na madrugada do domingo.

Con estes rexistros temos un único gañador en Lardeira con 58 puntos. É incrible que Landrán siga no Top-10 da xeral con duas penalizacións enriba e que ainda esté en disposición de loitar polo Top-5. Logrou 19 puntos nas temperaturas e outros tantos no vento, e por suposto mallou a pluviosidade. Segunda vitoria na Liga, as duas en soidade e empata na 7ª praza con Xowi. De non chegar tarde nesas duas etapas estaría na 5ª praza e pedindo máis. De calqueira forma, parabéns pola vitoria e pola traxectoria nesta edición.

A segunda mellor marca da xornada, con 57 puntos, corresponde a Marius e a Julio. Grande desempeño dos dous. Marius mantén a 5ª praza e recorta 3 puntos a Beocha na 4ª. Boa traxectoria nesta segunda volta e con altas perspectivas na espera da chuvia. Julio pola súa parte sube ata a posición 19 con vistas a varios próximos obxectivos e pode dar un pulo neste derradeiro tramo de competición.

Aportan 56 puntos o líder Botikas, Xowi e Balboa, grande resultado para eles. Botikas amplía a sús diferencia sobre Kaltxon e Verducido, quedando 5 puntos por riba deles. Xowi sube un posto ata o 7º e semella moi activo despois de gañar en O Cebreiro. Balboa, cun percorrido errático, mantense ás portas do Top-10 sen lograr ainda recuperar o perdido.

Con 55 puntos están Verducido, Rasdgar e Punteiro buscando mellora. Verducido perde un punto con Botikas e empata con Kaltxon na segunda praza. Rasdgar segue ó pé da porta do Top-10 á busca dunha oportunidade que pode estar en Fornelos. Punteiro sube unha posición e tamén busca o seu billete de entrada nese Top-10 con moit@s pretendentes.

Estes son os 9 mellores clasificados nesta 20ª etapa da X Liga da Inverneira. Para acadar toda a información recabada, pica no enlace que deixamos baixo estas letras.

Saudos e sorte!!