A 5ª etapa da X Liga de Primaveira, en Roveredo in Piano, desenrolóuse tal como se agardaba, con temperaturas altas, vento frouxo e ausencia de chuvia. As puntuacións foron altas para a maioría dos participantes e a clasificación xeral, salvo casos illados foron poucos ou insignificantes.

Na madrugada do inicio da xornada xa quedaron fixados varios dos parámetros en xogo. A temperatura mínima establecéuse en 13º redondeados, alta para as previsións. O vento tamén marcou o máximo de refacho antes do mediodía cunha velocidade de 13 km/h., en concordancia de moitas das apostas. En toda a xornada non se rexistrou chuvia e despois do xantar a temperatura ascendeu ata os 23º que xa foron definitivos.

A vitoria con 57 puntos repartíuse entre tres meteoludópatas, dous dos cales estaban no alto da clasificación e alí continúan. Landrán e Botikas tiñan exactamente a mesma predicción, mallaron a temperatura máxima, perderon dous puntos na mínima e quedaron a un km/h. do refacho ideal. Landrán, que acadou a segunda vitoria consecutiva, segue a comandar a xeral cun punto sobre Botikas e amplían a diferenza cos persecutores máis cercanos. Tamén repite vitoria Lume, agora no final do Top-10 compartisdo puntuación con outros dous xogadores. Gran xornada para eles cun alto rendemento.

Con 56 puntos atopamos a outros 3 competidores. Beocha ascende un posto ata o 5º en soidade,con 8 puntos de desvantaxe sobre o líder. Por diante, cun punto máis está Julio, con boas sensacións en Roveredo. 4ª praza a 7 puntos do liderato. Bar Pequeno volve ós bos resultados despois dunha xornada desgraciada e outra en ausencia. Pena dela porque hoxe estaría ben situado. Pero os retrasos e ausencias tamén contan. Ocupa a penúltima praza.

Coa terceira mellor puntuación da xornada, 55 puntos, outro trio. Verducido alónxase ca cacheira da xeral e queda a 3 puntos do liderato. Kaltxon sube dende o 9º posto ata o 6º, recuperado dun inicio frouxo. Rasdgar tamén ascende dende o 19º ata o 16º posto.

Estes foron os 9 mellores clasificados en Roveredo, a segunda etapa italiana da X Liga de Primaveira. Cara acadar tódolos datos do acontecido na 5ª xornada pica no enlace que ofertamos baixo estas letras.

Saúde e sorte!!

Chegamos á etapa que marca o fin da primeira metade desta X Liga de Primaveira no Adriático cunha xornada que semella reposada e calma, ainda que ás veces as apariencias enganan. A rexión de Friul Venecia Julia acolle a primeira das duas etapas a desputar no seu territorio. Semella un día primaveral, con vento frouxo, temperaturas altas e baixa ou nula precipitación. Vexamos o que nos contan as apostas.

En temperatura máxima recollemos valores que oscilan entre os 19 e os 25º C. No que respecta ás mínimas temos valores entre os 9 e os 12º C., sendo un parámetro con poucas oscilacións. No que atinxe ás precipitacións, case todas as casiñas están baleiras, ainda que rexistramos apostas entre 1 e 3 litros e unha bastante arriscada de 9 litros. Nos refachos de vento, observamos apostas dende os 12 ata os 39 km/h.

Con este panorama agardamos unha xornada moi desputada e que non deberías perder seguindo este enlace ao vivo dende as 02:00 horas desta mesma madrugada e en horario contínuo dende a mañanciña do domingo ata o remate da xornada. Chegamos ó ecuador da competición e has de estar ben colocado.

Dous detalles destacados. O primeiro o retraso do 5º clasificado, M. B. Joaquín, deixa unha porta aberta no Top-10. O outro…

Atención: Semella que os datos de MetOffice referentes ás precipitacións non son corretas. Ante calqueira dúbida consultaremos diretamente á estación de MeteoRoveredo, con enlace na web da estación de MetOffice. Esta é http://www.meteoroveredo.it/ Ó remate da xornada consultaremos os datos que ofrece para o parámetro de precipitación.

As apostas:

Saúde e sorte!!

Xornada chuviosa na 4ª etapa da X Liga de Primaveira no seu primeiro contacto con terras itálicas do norte. O Lago de Como foi testigo do troco no liderato da xeral e do ascenso e descenso de moit@s meteoludópatas, coa chuvia coma protagonista, xunto a un vento frouxo e unhas temperaturas baixas e con pouca amplitude térmica.

A noite comezou chuviosa e xa de mañanciña o pluviómetro sinalaba máis de 15 litros, cunha temperatura alta que situou a mínima en 8º C. No mediodía acadábase a máxima de chuvia con 17 litros redondeados e unha temperatura máxima de 12º C. O refacho tamén marcou o seu máximo antes do mediodía cuns miserables 7 km/h.

Con estes datos somentes temos a tres supervivintes da masacre que acadaron os 50 puntos. Trio de gañadores composto por Landrán, Lume e Marius. O novo líder, Landrán, foi o que menos puntuación anotou na chuvia dos tres trunfadores, pero o resto dos seus parámetros estivo moi equilibrado. 14 puntos en auga, 18 en temperaturas e outros 18 en vento colócano como cacheira da xeral e, de non ser impuntual, pode ser un novo inquilino no Olimpo meteoludópata. Veremos se os deuses son puntuais ou non. Marius entra no Top-10 á conta dunha boa aposta en chuvia e puntuacións medias en temperatura e chuvia. Engade unha vitoria e reclama un lugar entre a élite. Haberá que seguilo con atención. E xa facía tempo que non viamos gañar a Lume, entre as grandes de vitorias históricas. A mellor puntuación en chuvia pero mediocre na temperatura máxima e no vento. Posto 14 para ela pero que pode ser un punto de inflexión para esquecer o mal resultado da Inverneira.

49 puntos para Kaltxon, que despois de comezar frouxo semella coller o ton no Adriático e xa o vemos acampado no Top-10. Para mal comezo o de Popolo, frouxo e penalizado que sae da poza séptica para chegar o 17º posto e reivindicar un status que o presenta como gañador da 2ª edición da competición de Primaveira.

Tamén iniciaron con mal pé os que ostentan 48 puntos. Modesto crece coma as estrugas de primaveira e empata na derradeira praza do Top-10. Balboa ven dun inferno de malas puntuacións e semella dar un paso adiante nesta edición.

Estes foron os sete mellores nesta primeira xornada italiana. Para coñecer tódolos detalles do acontecido en Falchetto, no Lago di Como, pica no enlace que aparece baixo este texto.

Sorte e clima!!

A 4ª etapa da Liga de Primaveira lévanos ata a 1ª xornada en terras italianas, no Lago di Como, fogar de Donatella Versace, Madonna ou Berlusconi, polo que a zona está rodeada do luxo dos seus paisaxes e o das grandes fortunas que aquí teñen a sua segunda residencia. As axencias meteorolóxicas sinalan tempo chuvioso, con temperaturas primaverais e vento frouxo. Estas son as prediccións dos meteoludópatas de eltiempoentuojete.

No que se refire ás temperaturas máximas, van dende os 11 ata os 18º C. Polo que atinxe ás mínimas, están entre os 3 e os 13º C. Semellan bastante abertas as apostas neste parámetro. Polo que respecta ás precipitacións, temos valores dende os 3 ata os 21 litros, sen acordo posible. Os refachos de vento están representados dende os 9 ata os 32 km/h.

Á vista de apostas tan dispares agárdanos unha xornada moi especial e con oportunidades de mellora para tódolos gustos. Recomendamos vivila en direto dende este enlace ao vivo a partires das 02:00 horas desta mesma madrugada e dende a mañanciña do domingo en horario continuado ata o remate do día. Semella que as diferenzas van marcar o desenrolo da propia Liga, polo que mellor non perder conta do que suceda.

As apostas:

Saúde e sorte!!