Botikas fai un chamamento para parar a contaminación mariña por pellets, á conta do vertido chegado ás costas galegas. Pica na foto superior para coñecer máis a fondo a problemática destas accións e cómo combatilas no futuro.
Semella que este ano Meteogalicia non é fiable. Demasiadas incidencias nas estacións meteorolóxicas participantes na X Liga da Inverneira de eltiempoentuojete. Eso sí, a maioría das veces é unha historia repetida. Faios no anemómetro da estación. Esta semana, en Ancares, a enésima deficiencia técnica dos seus barosanemos (único sinónimo atopado). Despois de amosar durante todo o día un refacho de vento de 72 km/h. (ningunha predicción falaba de nada superior ós 40 km/h.) e incluso chegou a incluirse nos datos históricos (que dan validez ós rexistros), Meteogalicia enviou esa marca ao ostracismo e decidiu invalidar calqueira dato recollido. Incluso durante un tempo os datos históricos do día chegaron a amosar 18 litros de chuvia recollida!!, como puido observar Modesto, gañador de primeira hora e condenado ao ostracismo xunto co refacho. Finalmente os resultados son os que podedes consultar no botón de enlace no final deste artigo.
O final o dato de chuvia foi rexeitado e levado a 0 e as marcas de temperatura máxima acadaron os 5º C. e o da mínima os -3º C.
E seguro que para sorpresa propia o gañador foi Lukas, que fixo pleno nos parámetros xogados para un total de 40 puntos (o máximo posible). Mallóuno todo (menos a incógnita do vento) e vence en soidade nesta xornada anómala. Chega ata as portas do Top-20 superando a Lume por vitorias, a segunda conseguida nesta edición.
Por tras un grupo de 4 participantes con 39 puntos. O malogrado Modesto, xa a tiro de pedra do Top-10, Xowi, recén ingresado no mesmo, Breogán77, que acada a 7ª praza a conta de Compoñente Sur e Popolo, rival antolóxico de Modesto.
Con 38 puntos atopamos a Landrán, que volve ameazar a Mina pola 5ª praza, e xunto a el, Víbora, Mingos e Balboa loitando a brazo rachado por entrar no desexado Top-10 que mantén este último. Magor levaba unhas semanas silente pero esta marca pode aupalo máis alá da 20ª posición que ocupa dende fai un mes.
Estes son os 10 mellores marcadores desta 16ª etapa da Liga da Inverneira. Para acadar tódolos datos da xornada (os que non frustrou Meteogalicia) podes picar no botón de enlace que ofertamos baixo estas letras.
P.D. Esta semana visitamos Calvos de Randín, cunha das máis famosas xeadas do país. Atrévete a gañar no coxelador!!
Por riba do 1200 m. de altitude en Ancares imos desputar a 16ª xornada da Liga da Inverneira nun ambiente anticiclónico. Primeiras temperaturas baixo 0 da tempada é o que nos imos atopar no concello de Cervantes que será ainda máis frio coas prediccións de vento frouxo que pronostica xeadas importantes. Haberá que ver onde chegan esas temperaturas no mediodía co sol no alto…
E non serán as apostas o que nos poña de acordo ós meteoludópatas apostantes nesta xornada. As prediccións nas temperaturas máximas oscilan entre os 2 e os 10º C., cunha aposta arriscada de 14º C. No que atinxe ás mínimas atopamos valores que van dende os 2 ata os -6º C., cunha aposta peregrina que chega ata os 6º C. positivos. Do mesmo apostante atopamos a única aposta en mollado con 2 litros acumulados. O resto de casiñas están baleiras. Polo que respecta ós refachos de vento, as apostas varían dende os 9 ata os 64 km/h. ainda que a maioría de participantes optou por unha marxe de 15-40 km/h.
Para ser unha xornada anticiclónica as diferenzas son grandes polo que non deberías de deixar de seguir a xornada ao dende este enlace a partires da 01:30 horas desta mesma madrugada e pola mañanciña do domingo en seguimento contínuo ata o remate do día. Promete ser apaixoante. Acompáñanos neste carrusel ao vivo!!
Rematada a 15ª etapa da Liga da Inverneira podemos destacar a perda dunha boa oportunidade para mellorar a clasificación xeral. Non sabemos se por falta de previsión ou por medo a sobrepasar os límites os meteoludópatas apostantes quedaron lonxe da marca final de chuvia no Alto do Rodicio. Tod@s tivemos (inclúome no saco) a posibilidade de acadar máis altas cotas de acerto neste parámetro coa consecuente melloría. Pero o síndrome do dedo covarde fixo que tódol@s apostantes quedaran por baixo do valor final de chuvia. Quedan moitas xornadas ainda e non podemos andar a medirnos neste momento da historia…
Os primeiros instantes da xornada foron decisivos para o desenvolvemento da mesma. Os primeiros datos marcaron a temperatura máxima no Alto do Rodicio con 6º C., xa inamovibles. Tamén a marca de refacho de vento se rexistrou nesa primitiva hora, acadando os 55 km/h. E como se agardaba tamén a chuvia fixo aparición, chegando ata os 10 litros cara as 03:30 horas e, despois dun impás relativamente corto, retomando actividade máis aló das 05:00 horas e reflictindo un valor de 13 litros redondeados. Cara a hora do vermú volveu á actividade sumando medio litro máis, insuficiente para mudar o xa establecido. Para a temperatura mínima foi necesario agardar ata a derradeira hora do día, establecendo un valor de 2º C.
O troco final na temperatura fixo que Modesto tivera que compartir a vitoria con Mina e Compoñente Sur. O máis intrépido na chuvia foi Modesto, pero o alto acerto en temperatura de Mina e Compoñente Sur igualaron os marcadores para repartir o trunfo con 52 puntos. Mina mantén a 5ª posición pero achegándose moito á 4ª praza de Beocha. Compoñente Sur supera a Breogán77 e conquire a 7ª praza recortando o burato coa élite do Top-10, o mesmo o que se achega Modesto, catapultado á 14ª posición e buscando entrar no exclusivo club. Parabéns para tod@s el@s.
Con 51 puntos anotados están Xowi, Víbora e Verducido, todos na loita polas posicións de honra. Xowi e Víbora recuperan unha posición, Xowi para entrar no Top-10 e Víbora inmediatamente despois. Verducido colle a segunda praza en soitario despois de acadar 2 puntos máis que Kaltxon e o líder Botikas para non perder o tren deste último.
Con 50 puntos entro Breogán77, ainda que perdendo posición. Válelle para alonxarse un pouco de Balboa, seu máis inmediato perseguidor.
E 49 puntos suman o líder Botikas, Kaltxon, Rasdgar, Popolo e Michi. O líder mantén posición de privilexio, Kaltxon segue no destacado Top-3 mentras Michi, Popolo e Rasdgar avanzan xuntiños cara o Top-10 nas posicións 16, 17 e 18 respectivamente, ainda que é unha zona de moita competencia e deben nadar contracorrente.
Estes son as 12 mellores puntuacións da 15ª etapa, desputada no Alto do Rodicio. Se queres acadar máis detalles do acontecido onte na comarca de Maceda, pica no enlace que deixamos baixo estas letras.
