A dirección despois de observar, atenta, detida e concienzudamente o funcionamento da páxina de O Xipro, na Fonsagrada, chegou a conclusión que esta non é de fiar, levamos duas xornadas monitorizando os datos, e hoxe leva a a metade do día sin funcionar .

Polo tanto, decidimos adiantar a xornada da vindeira semana, a do Marroxo, en Monforte de Lemos . Así que lembramos a todos que esta dirección non é a culpable, senon o desleixo da administración coas cousas de todos, polo que nega calqueira responsabilidade a afirma que cada pau aguante a súa vela.

Maioría de marcadores por riba de 50 puntos nos deixa a 10ª xornada da Liga da Inverneira desputada en A Gándara, no concello coruñés de Vimianzo. Pouca posibilidade de chuvia, vento morno e temperaturas acordes á época do ano fixeron da competición semanal unha lagoa de case total tranquilidade na despedida da zona occidental de Galicia no seu tránsito cara as provincias de Lugo e Ourense onde maioritariamente se han de desputar as etapas do inverno.

Neste adeus as tivemos unha reducida amplitude térmica. A temperatura mínima acadou os 9º C. na madrugada, por riba de gran parte das prediccións e e subiu ata un valor de 13º no mediodía. Ata ese momento os refachos de vento non superaran os 20 km/h., pero co paso das horas e xa na noitiña chegóuse ata os 38 km/h. definitivos. A esa hora final tamén se agardaba a chuvia en forma de orballo, pero non foi ata rematada a xornada que cairon as primeiras pingas sen importancia.

Con este panorama atopamos a un gañador en soidade. Landrán sumou 58 puntos, perdendo somentes 1 punto na temperatura mínima e outro no vento, a só 2 km/h. do refacho perfecto. Primeira vitoria do ano que lle vale para ascender un posto ata a 6ª praza da xeral e recortar burato co Top-5. Pena da penalización de xornadas pasadas, pero ainda ten tempo de facer historia…

57 puntos para Mutombo na segunda praza. Deixou 2 puntos no vento e 1 na temperatura para manter o 8º posto tras o ascenso de Landrán. Semella unha das mellores tempadas deste veterano xogador que se vai achegando ás prazas de honra da xeral.

E gran grupo dos 56 puntos, o dos terceiros mellores marcadores, con Breogán77, Víbora, Popolo, Budainca, Beocha, Lukas, Denodeno, Mingos e Botikas. Se descontamos a Denodeno, na praza 34, a Budainca na 22 e ascendendo e a Lukas tentando recuperar terreo no posto 19, o resto deste grupo son Top-15. Popolo, Víbora e Mingos están ás portas do Top-10 puxando con forza. Breogán77 e Beocha, na 7ª e 5ª praza respectivamente e recortando cos 4 escapados, entre o que se encontra Botikas presionando ó líder a un só punto.

A xeral segue liderada por Kaltxon cun único punto sobre Botikas e 4 sobre Verducido. Mina semella perder folgos e atópase a 10 puntos do liderato, con Beocha recortando a 7 puntos por tras e pechando o Top-5. Loitando por entrar nel están Landrán, Breogán77, Mutombo, Marius e Compoñente Sur pechando o Top-10 da Clasificación Xeral.

Para acadar toda a información recabada en A Gándara na 10ª etapa da Liga da Inverneira, pica no enlace que expoñemos embaixo estas letras.

Saudos e sorte!!

Nova batalla pola predicción do tempo en Galicia, desta xeira en A Gándara, no concello de Vimianzo. Semella que o anticiclón dos derradeiros días ten as horas contadas, pero os modelos din que comezará a orballar cara a fin do día do domingo. Isto quere dicir que pode ser antes ou despois do remate da xornada de eltiempoentuojete. A seguridade estará nas néboas matinais e no aumento da nubosidade ó longo do día, pero a incertidume chegará cara a noitiña, polo menos no que respecta ó horario de chegada de chuvia e vento.

Isto reflíctese nas apostas para A Gándara, con diferencia de opinións en tódolos aspectos. Pouca chuvia os que apostan por ela, vento frouxo ou medio según o apostante e temperaturas baixas ou mornas dependendo de a quen lle preguntes. Estas etapas de transición poden ser unha trampa e a etapa do domingo vai ser un experimento do que pode acontecer.

Para as temperaturas máximas temos unhas apostas que van dende os 12 ata os 16º C. As mínimas están representadas por valores entre os 4 e os 10º C. Polo que respecta á chuvia, as apostas van dende o baleiro de máis da metade dos meteoludópatas ata os 4 litros de máxima, con moitos 1 e 2 litros. No eido dos refachos de vento, as apostas reflicten valores entre os 10 e os 56 km/h.

Con esta variedade de apostas agardamos unha xornada moi competida, con gañador incerto e con final inesperado. Podes seguir a xornada ao vivo dende este enlace a partires das 02:00 horas desta mesma madrugada ou dende o Acceso Rápido do menú principal. Non a perdas, a tua clarividencia e capacidade de análisis están en xogo.

As apostas:

Saúde e sorte!!