Xornada un pouco aburrida a desputada en Ponte Caldelas esta fin de semana. Despois do paso de sucesivas borrascas nos derradeiros días e na espera dunha nova fronte para a tarde do domingo, ésta pasou a zoar pola costa occidental e somentes fixo aparición en terra nas postreiras horas da noite.

Comezaba fria a xornada marcando unha mínima de 9º C. Tamén nesas primeiras horas acadóuse o maior refacho de vento da etapa, uns miserables 12 km/h. que xa non se moverían ata o final do día. Antes do abrente aparecía a chuvia deixando pouco máis dun litro e tivemos que agardar ata o final da xornada para sumar un total de 3 litros, insuficientes para a maioría dos participantes. Para o dato da temperatura máxima fomos ata a sobremesa, onde se acadaron os 16º C. presentes en moitas das apostas do venres.

Punteiro levou a voz cantante coma solista durante a maior parte da xornada, grazas o baleiro no pluviómetro, pero víuse obrigado a compartir a vitoria pola chuvia caida no final do día. Balboa mallou a pluviosidade pero perdeu 2 puntos en temperatura, na que Lukas foi implacable e ainda que perdeu 2 puntos de chuvia chegóulle para conpartir o triunvirato en Ponte Caldelas con 56 puntos. Os dous entran no Top-5 da xeral con claras intencións de non sair deses postos de honra. Punteiro chega ata o posto 26 tratando de esquecer as penalizacións colleitadas por tardoso. Mención especial para Nevoa, rookie neste seu primeiro contacto coa Liga, que tamén compartiría premio se non fora pola penalización por tempo.

55 puntos foron os acadados por Landrán e Compoñente Sur, que despois de mallar as temperaturas colle o liderato da xeral con 3 puntos de marxe sobre o segundo. Landrán atinou na chuvia e asoma a cacheira no Top-20 da Clasificación.

Mina e Bar Pequeno suman 54 puntos en Ponte Caldelas, un pouco castigados pola chuvia pero con boas apostas en vento. Mina entra no Top-20 mentaras Bar Pequeno está a 3 puntos do líder, compartindo a segunda mellor puntuación da competición e semella o seu mellor ano desde que compite en eltiempoentuojete.

Marca de 53 puntos para Modesto, que segue nunha progresión positiva despois dun inicio para esquecer e sitúase ás portas do Top-20, no posto 23.

Michi, Nanuq, Lume e Botikas acadan 52 puntos nesta 5ª etapa, perdendo puntos na sua maioría na auga. Michi e Botikas xa presumen de Top-10 mentras Nanuq xa está preto do Top-20 e Lume no Top-30, tamén con penalizacións que semellan no esquecemento.

Ata eiquí os 12 mellores clasificados na etapa de Ponte Caldelas, 5ª da X Liga da Inverneira de Galiza. Se queres acadar tódolos datos obtidos nesta etapa, pica no enlace que deixamos embaixo estas letras.

Saúde e sorte!!

Ponte Caldelas semella ser outra vagoneta no convoy de borrascas que levan toda a semana a nos flaxelar con forza. Ventos de máis de 100 km/h. e acumuladas de chuvia de máis de 100 litros nalgunhas bisbarras. Foi o caso de Ponte Caldelas este xoves, onde superaron esa cantidade de chuvia e en toda a semana os refachos de vento non baixaron dos 50 km/h. nunha zona onde o vento adoita a ser miúdo. A chegada dunha nova fronte durante a tarde do domingo vainos a complicar a predicción nunha etapa histórica de eltiempoentuojete.

As temperaturas máximas sitúanse entre os 14 e os 17º C. En canto ás mínimas atopamos valores entre os 7 e os 13º C. Un pouco máis abertas que as máximas. Polo que respecta á chuvia, as cantidades varían entre os 3 e os 11 litros, ainda que con unha máxima de 24 e unha mínima que deixa baleiro o pluviómetro. No que atingue ós refachos de vento, temos marcas dende os 11 e os 46 km/h. cunha aposta alcista que chega ata os 60 km/h.

Con estas cifras agárdanos unha etapa con moitas varianzas ó longo do día e con resultado final incerto na espera de que nos deleite (ou non) esa nova fronte á chegar nas derradeiras horas da xornada. Podes seguir a xornada ao vivo dende este enlace a partires das 02:00 horas desta mesma madrugada,ainda que o troco de datos contínuo dará comezo cara a mañanciña do domingo. Non a podes perder!!

As apostas:

Saudos e sorte!!

Primeira xornada húmida nesta X Liga da Inverneira e este honor destinóuse ó concello de Meis e á sua estación meteorolóxica de A Armenteira. O frente que viña do norte virou a sur pola mañanciña e deixou temperaturas mornas durante o día, chuvia tipo piolla da que molla e un vento suave pero que tivo un refacho puntual superior o que estaba a acontecer. A temperatura, con 17º C. de máxima e 14º C. de mínima xa non se moveu despois do mediodía, igual que o vento, que acadou os 34 km/h., pero a chuvia foise acumulando no pluviómetro e medrou ata os derradeiros minutos da competición. A marca final quedou en 12 litros, na línea da media das apostas dos meteoludópatas.

Nesta voráxine de datos surdíu Xowi, despois de moitos trocos na cacheira da clasificación da xornada, con variedade de líderes e modificacións tamén na Clasificación Xeral. O derradeiro litro de chuvia, consignado no último suspiro de tempo agasallou ó canadiano coa vitoria en soidade con 57 puntos. Coma resultado entra no Top-10 da Xeral, onde comeza a chegar a vella garda de eltiempoentuojete. Noraboa pola exhibición.

Un punto por tras aparecen Lukas e Mutombo con 56 puntos. Tivo durante un tempo a vitoria Mutombo, pero o derradeiro litro deixóuno no segundo chanzo. Lukas chega a ese mesmo chanzo no final da etapa. Os dous sitúanse no Top-10, preparados para dar o salto o liderato.

55 puntos suma Kaltxon, que agardaba un pouco máis de auga e de vento. Na xeral ocupa espazo con Mutombo, no Top-5, ou sexa, entre os mellores ata o de agora.

Con 54 puntos atopamos a un grupo con Modesto, Popolo, Compoñente Sur, Michi e Botikas. A tiro de pedra do líder, Compoñente Sur e Popolo, segundo e terceiro respectivamente. Michi e Botikas, nas portas do Top-10 e Modesto asomando a cachola a 19 puntos do liderato.

Marius achega 53 puntos no marcador, pechando o grupo dos 10 mellores en A Armenteira e tamén tenta abrir a porta de acceso o Top-10 da Clasificación Xeral.

Se queres seguir indagando nos datos extraidos da 4ª xornada da Liga da Inverneira, no concello de Meis, pica no enlace embaixo estas letras.

Saudos e sorte!!!