Esta é a frase que define a 6ª xornada da Liga da Inverneira, localizada no concello de Ortigueira e con base na Serra da Faladoira. Iso sí, ó longo do día trocaron as távoas con moito dinamismo, tanto no resultado diario como no xeral, subindo e baixando a moit@s dos meteoludópatas e trocando sorrisos en bágoas e viceversa.

Comezaba a xornada cunha temperatura de 10º C. e antes das 02:00 horas acumulábase máis de medio litro de auga e o anemómetro xa marcaba 71 km/h. Cara as 08:00 acadábase a mínima de 8º C. que xa foi definitiva. O vento seguía igual e a cantidade de chuvia subía sen acadar os 2 litros. Antes da 14:00 horas xa se acumulaban 4 litros, a temperatura máxima chegaba ata os 11º C. redondeados e o vento daba un pequeno empurrón ata os 73 km/h. que tamén foron definitivos. Pola tarde chovía miúdo, sen trocos en temperatura e con vento morno. O final do día o pluviómetro rexistraba 7 litros de auga. Cabe destacar que 1 hora despois do remate da etapa a chuvia chegaba a 11 litros e a temperatura baixaba ata os 6º C. Pero xa non contaba para nós.

Ata as derradeiras horas do día os protagonistas da etapa foron Landrán e Lume, con rexistros baixos de auga e moi acertados en vento. As chuvias do final do día remataron coas súas oportunidades de vitoria. Na xeral domiñaba Compoñente Sur, que chegaba a ter 6 puntos de renda no liderato, con aposta baixa en precipitación. O aumento da chuvia e unha mala predicción da temperatura máxima fixo perder toda esa vantaxe.

Os resultados finais deixaron coma vencedores con 56 puntos a Mina, que poido gañar en soidade se remata a xornada 10 minutos antes, puntuación que a deixa no Top-10 na 7ª praza, e a Balboa, que suma a segunda vitoria consecutiva e acada o liderato na Clasificación Xeral cunha renda de 4 puntos sobre Compoñente Sur, que aguanta na segunda praza.

55 puntos obtivo Víbora, rexurdindo das cinzas e trepando ata o posto 23 da xeral. Marius e Punteiro acadaron 54 puntos. Marius marca a 4ª posición da xeral mentras Punteiro sube ata a 21ª.

Landrán, Kaltxon, Botikas e Lume fixeron 53 puntos na Serra da Faladoira. Kaltxon e Botikas establécense no Top-10, con Landrán ás portas do mesmo e Lume no lugar 28 tentando recuperar as penalizacións de etapas anteriores.

Estes son os 9 primeiros clasificados na 6ª etapa desenrolada en Serra da Faladoira. Para acadar datos máis precisos do acontecido onte preme no botón que ofertamos baixo estas letras. E non esquezades que esta foi a derradeira etapa con marxe temporal de aposta. Xa non se permitirán apostas sen penalización despois das 24:00 horas. Poñede unha alarma…

Saudos e sorte!!

Semana grande para as borrascas esta semana na Serra da Faladoira. O tren pasou con forza e ainda non rematou a súa viaxe. Con medias superiores ós 75 km/h. e un acumulado de chuvia por riba dos 100 litros, a estación do concello de Ortigueira prepárase para recibir unha nova borrasca, nomeada pola axencia francesa de meteoroloxía coma Celine. O que trae é máis do mesmo: chuvia, vento e oleaxe. Este sábado está activada a alerta laranxa pero vai ser rebaixada a amarela para este domingo.

E como non podía ser doutra maneira cunha xornada desta pelaxe, temos unha gran variedade nas apostas, sobre todo na auga máis no vento, pero tamén no tocante ás temperaturas. Vai ser todo un desafío. A solución, o domingo na Serra da Faladoira.

Atopamos apostas en canto á temperatura máxima que oscilan entre os 11 e os 16º C. Un apostante chega ata os 21º C. Supoñemos que pensa que o vento ven do sur. Polo que atingue ás mínimas, os valores apostados van dende os 7 ata os 13º C. Moitas destas mínimas “pisan” a algunhas máximas. Con respecto ás cantidades de chuvia, van dende os 2 ata os 25 litros acumulados, cunha aposta máxima de 60 litros, do mesmo apostante que os 21º C. de temperatura máxima. Pero tampouco é que botase por fora na súa aposta de vento, onde atopamos velocidades dende os 30 ata os 95 km/h. Eiquí sí que atopamos diferencias notables.

Destacar os 3 litros do líder Compoñente Sur e os 6 de Breogán77 (2º na xeral) fronte ós 15 litros de Lukas e Bar Pequeno (compartindo esa 2ª praza). Os 34 km/h. de vento de Bar Pequeno fronte os 70 de Balboa, 77 de Botikas e os 80 de Popolo, que marchan inmediatamente por tras. Semella que a Clasificación Xeral pódese mover moito esta fin de semana coa chegada de Celine.

Se eu fose tí estaría moi atento o desenrolo da etapa. Podes seguir a xornada ao vivo dende este enlace a partires das 02:00 horas desta mesma madrugada e tamén en sesión contínua dende a mañanciña do domingo. Agárdanse moitos movimentos e deberías estar ó tanto dos acontecimentos. Non cho perdas!!

As apostas:

Saúde e sorte!!!

Xornada un pouco aburrida a desputada en Ponte Caldelas esta fin de semana. Despois do paso de sucesivas borrascas nos derradeiros días e na espera dunha nova fronte para a tarde do domingo, ésta pasou a zoar pola costa occidental e somentes fixo aparición en terra nas postreiras horas da noite.

Comezaba fria a xornada marcando unha mínima de 9º C. Tamén nesas primeiras horas acadóuse o maior refacho de vento da etapa, uns miserables 12 km/h. que xa non se moverían ata o final do día. Antes do abrente aparecía a chuvia deixando pouco máis dun litro e tivemos que agardar ata o final da xornada para sumar un total de 3 litros, insuficientes para a maioría dos participantes. Para o dato da temperatura máxima fomos ata a sobremesa, onde se acadaron os 16º C. presentes en moitas das apostas do venres.

Punteiro levou a voz cantante coma solista durante a maior parte da xornada, grazas o baleiro no pluviómetro, pero víuse obrigado a compartir a vitoria pola chuvia caida no final do día. Balboa mallou a pluviosidade pero perdeu 2 puntos en temperatura, na que Lukas foi implacable e ainda que perdeu 2 puntos de chuvia chegóulle para conpartir o triunvirato en Ponte Caldelas con 56 puntos. Os dous entran no Top-5 da xeral con claras intencións de non sair deses postos de honra. Punteiro chega ata o posto 26 tratando de esquecer as penalizacións colleitadas por tardoso. Mención especial para Nevoa, rookie neste seu primeiro contacto coa Liga, que tamén compartiría premio se non fora pola penalización por tempo.

55 puntos foron os acadados por Landrán e Compoñente Sur, que despois de mallar as temperaturas colle o liderato da xeral con 3 puntos de marxe sobre o segundo. Landrán atinou na chuvia e asoma a cacheira no Top-20 da Clasificación.

Mina e Bar Pequeno suman 54 puntos en Ponte Caldelas, un pouco castigados pola chuvia pero con boas apostas en vento. Mina entra no Top-20 mentaras Bar Pequeno está a 3 puntos do líder, compartindo a segunda mellor puntuación da competición e semella o seu mellor ano desde que compite en eltiempoentuojete.

Marca de 53 puntos para Modesto, que segue nunha progresión positiva despois dun inicio para esquecer e sitúase ás portas do Top-20, no posto 23.

Michi, Nanuq, Lume e Botikas acadan 52 puntos nesta 5ª etapa, perdendo puntos na sua maioría na auga. Michi e Botikas xa presumen de Top-10 mentras Nanuq xa está preto do Top-20 e Lume no Top-30, tamén con penalizacións que semellan no esquecemento.

Ata eiquí os 12 mellores clasificados na etapa de Ponte Caldelas, 5ª da X Liga da Inverneira de Galiza. Se queres acadar tódolos datos obtidos nesta etapa, pica no enlace que deixamos embaixo estas letras.

Saúde e sorte!!

Ponte Caldelas semella ser outra vagoneta no convoy de borrascas que levan toda a semana a nos flaxelar con forza. Ventos de máis de 100 km/h. e acumuladas de chuvia de máis de 100 litros nalgunhas bisbarras. Foi o caso de Ponte Caldelas este xoves, onde superaron esa cantidade de chuvia e en toda a semana os refachos de vento non baixaron dos 50 km/h. nunha zona onde o vento adoita a ser miúdo. A chegada dunha nova fronte durante a tarde do domingo vainos a complicar a predicción nunha etapa histórica de eltiempoentuojete.

As temperaturas máximas sitúanse entre os 14 e os 17º C. En canto ás mínimas atopamos valores entre os 7 e os 13º C. Un pouco máis abertas que as máximas. Polo que respecta á chuvia, as cantidades varían entre os 3 e os 11 litros, ainda que con unha máxima de 24 e unha mínima que deixa baleiro o pluviómetro. No que atingue ós refachos de vento, temos marcas dende os 11 e os 46 km/h. cunha aposta alcista que chega ata os 60 km/h.

Con estas cifras agárdanos unha etapa con moitas varianzas ó longo do día e con resultado final incerto na espera de que nos deleite (ou non) esa nova fronte á chegar nas derradeiras horas da xornada. Podes seguir a xornada ao vivo dende este enlace a partires das 02:00 horas desta mesma madrugada,ainda que o troco de datos contínuo dará comezo cara a mañanciña do domingo. Non a podes perder!!

As apostas:

Saudos e sorte!!