Saúdos, meteoludópata…

Con este artigo pechamos a 9ª tempada de competicións meteorolóxicas e iniciamos o 10º curso de eltiempoentuojete.

Para rematar a tempada queremos agradecer a tod@s aqueles que xogáchedes cada semana con nós. Ésta é unha páxina de de apostas e estudo do clima que da un traballo importante, leva moito tempo preparar as competicións e, dende fai tres anos, pagamos polo mantemento da web sen anuncios nen publicidade de ningún tipo. Por iso, a nosa única motivación e recompensa é que a xente que xoga se senta a gusto nun certame que (non nos fartamos de dicilo) é único no mundo coñecido. Tí eres parte do impulso que precisamos despois de 10 anos e por iso agradecerémolo sempre.

Agradecementos tamén para os que colaboran activamente no funcionamento da web e do xogo. Mac pola creación, mantemento e desenrolo da táboa excel que permite facer as contas da xornada e a clasificación xeral. A Breogán77 por mellorar os textos das etapas tanto en Galicia coma naos torneos no exilio. A Víbora por avisar @s retrasad@s cada venres e dar os avisos no whatsapp. A Xowi, Modesto, Kaltxon, Landrán, Botikas, Marius e tod@s quen algunha vez remitiu erros nos textos, enlaces ou nas estacións meteorolóxicas en xogo. A César por ser o enlace entre a web e o servizo de hosting. A Petrus pola creación da táboa excel da Liga Sísmica e a Iago pola idea a partir da cal xurdiu a Ojete’s Cup. E por suposto a calqueira participante que creou contido orixinal para as Monografías de eltiempoentuojete. Ainda agardamos para publicar algo da túa propiedade, non te cortes, estamos abertos a calqueira cousa relacionada co clima ou as etapas que desputemos. Anímate a deixar a túa pegada en internet en eltiempoentuojete.

Recordo especial para Ocandepavlov, que nos deixa nesta 9ª tempada. eltiempoentuojete non esquece ós seus heroes.

IX Liga da Inverneira de Galicia

A 10ª tempada de competicións meteorolóxicas comeza coa desputa do torneo que da vida a eltiempoentuojete. A IX Liga da Inverneira, a desputar en Galicia entre finais de setembro e mediados de marzo está xa configurada. O comezo do campionato está datado para o domingo 25 de setembro (con aposta o venres 23) no lugar de sempre, Corrubedo, no concello de Ribeira. Os menús, enlaces e páxinas de destino semella están preparados. Podes acceder á presentación da Liga picando no cartel na parte superior a este texto. Tamén o menú do blog está configurado cara a nova liga. Pero, coma sempre, pedimos a tua complicidade para atopar faios do tipo erros de información, enlaces que apunten a onde non deben ou carencia de datos. Podes remitir calqueira deles, posibles melloras, dudas ou confirmacións enviando un mail o noso enderezo electrónico eltiempoentuojete@gmail.com

Saudos e clima!!!

Chegamos ó remate da 9ª tempada de competición en eltiempoentuojete coa resolución do derradeiro reto, a Ojete’s Cup 2022, celebrada na costa occidental, nos Western Ghats en India. Este vran estivo dominado estadisticamente por Landrán, o mellor aclimatado ó tempo do subcontinente indio.

Ben é certo que Landrán non puido alzar o título de compión na Ojete´s Cup porque chegóulle o faio no pior día. Verducido leva para a vitrina o seu 4º trofeo da Ojete’s Cup, acumulando a metade das edicións desta competición. Xowi completou o podio despois de gañar na loita polo 3º posto ante Popolo.

Presentamos as estadísticas referidas ós meses de xullo e agosto, xunto coas destiladas do IX Torneo de Vran (Brahmaputra) e da Ojete’s Cup (Western Ghats). Incluimos datos históricos do Torneo de Vran e da Ojete’s Cup.

Da mesma maneira expoñemos algúns datos estadísticos do total da 9ª tempada, nas suas 4 competicións, Pica no enlace embaixo estas letras. O claro vencedor foi Verducido, con dúas vitorias e podios en tódalas competicións.

En breve tempo recibirás unha comunicación reservándote un lugar para competir na 9ª Liga de Inverneira de Galicia, cunha 1ª xornada, coma sempre en Corrubedo, probablemente no domingo día 25 de septembro, con aposta o venres 23. Ata daquela, podes relaxarte ou seguir investigando na mellora da tua capacidade predictiva. Pero segue atento, algunha novidade teremos ata entonces…

Saúde e sorte!!!

Semellaba que Kaltxon sería o campión da OjeteQuake 2022 despois dun sismo en Haveluloto, Tonga de 5,6 Mg. Pero cara as 22:30 da noitiña tremía a terra (ou o mar) no oeste de Indonesia, preto de Pariaman, e o USGS dáballe un 5,8 de magnitude. Iso levaba a vitoria de etapa de Kaltxon a Víbora (con segundo posto na xeral) e o campionato do mesmo Kaltxon para as mans de Xowi. Cara as 03:00 da madrugada publicábamos estes resultados coma definitivos.

Pero pola mañan o sismo rexistrado en Indonesia foi rebaixado de madrugada ata os 5,5 Mg., inferior o de Tonga. Despois de investigar un pouco e consolidar datos, constatamos a rebaixa do sismo e a desaparición da magnitude valorada inicialmente en 5,8 Mg. Polo que pasamos a retocar os datos da xornada do domingo para volver a listar por orde de magnitude os terremotos acaecidos e facer as taboas de clasificación de novo. Antes de nada a comparativa entre os sismos de Indonesia antes e despois da rectificación dos datos.

Despois de modificar os datos ó acontecido o resultado e de vitoria na etapa e na xeral de Kaltxon, que despois de estar toda a Liga nos primeiros postos, remata ó grande unha competición na que se adaptou perfectamente. 480 puntos cunha predicción moi sobria, situada ao norte de Fiji e cunha magnitude apostada case perfecta. 474 acadou Belenchis dende o norte de Vanuatu e remata a liga no 28º lugar. Julio sube ata a 4ª praza da xeral despois de engadir 461 puntos no seu marcador cun epicentro na Illas Salomon. Verducido foi o xogador mellor situado con respecto ó epicentro, pero unha magnitude esaxerada que o relega á cuarta mellor puntuación (459) e unha 8ª posición final. Compoñente Sur, con 454 remata 25º na xeral e Iru, con 447 chega ata a posición 22. Budainca e Breogán77 non chegaron ós 400 puntos e quedan na posición 5ª e 6ª respectivamente. Punteiro queda no 7º lugar, mentras Verducido, Iago e Botikas, nesta orde, completan o Top-10 final.

Para acceder ós datos recollidos no derradeiro domingo de competición sísmica, pica no enlace que presentamos baixo estas letras.

Ó longo desta semana faremos un resumo da Ojete’s Cup, da OjeteQuake 2022 e de toda a tempada, acompañadas polas estadísticas das competicións meteorolóxicas e algúns detalles curiosos do acontecido na 9ª tempada de competición de eltiempoentuojete. Non desconectes que ainda quedan sorpresas…!!

Saúde e clima!!!

Ante todo pedir desculpas pola deficiente xestión da derradeira etapa da Ojete’s Cup. Tivemos que prescindir do parámetro de temperatura mínima porque a estación voltou a indicar valores de ata -39ºC. Grazas a tod@s os que avisaron do problema. Fallou o mércores, pero voltou traballar ben esa mesma noite, polo que o vimos coma un problema puntual, dado que non fallara nas derradeiras semanas. Cando fallou de novo o xoves, xa era tarde para un troco, pero sendo un faio que representaba un 25% do total no marcador optamos, dacordo co Regulamento, en rexeitar o parámetro erróneo dos datos da etapa. Quizáis nos equivocamos o non trocala, non o sei, pero pedimos perdón e trataremos de mellorar.

E a qué ven esta introducción? Pois se alguén necesita unha explicación vai ser Botikas, que estará a preguntarse se fixo un pleno ou non. 50 puntazos e todo pendente da temperatura mínima, o parámetro parvo da estación. Non semella que fose un parámetro decisivo para a resolución dos enfrontamentos, polo que pouco afectou ós resultados, pero se eu tivese 50 puntos estaría amolado. Mil disculpas para Botikas.

A temperatura máxima acadou os 30º C., mentres os -39º C. foron rexeitados por improbables, anulando o parámetro da temperatura mínima. A chuvia fixo aparición nas perimeiras horas da xornada, pero non foi quen de superar o 1/2 litro, que nos redondeamos a 0. Os refachos de vento chegaron ata os 14 nós, equivalentes a 26 km/h.

Nos resultados atopamos a Verducido coma vencedor da Ojete’s Cup 2022. Con resultados irregulares, pero gañando os enfrontamentos, Verducido recolle o seu 4º trofeo na competición de un-contra-un. A diferencia estaba na pluviosidade e Landrán errou no parámetro no que estivo a destacar durante as xornadas da India. Os 4 litros afogárono na derradeira cita. De calqueira maneira xa ten espazo no Panteón meteoludópata amateur e agora terá que manter un nome e uns antecedentes. Nese Panteón ten Verducido un ático e un baixo comercial.

Vitoria con premio de podio para Xowi, que acada a terceira praza xeral á conta de Popolo, que voltaba á elite da competición meteorolóxica. Con apostas moi apertadas, a diferenza estivo nos dous puntos da temperatura máxima, que caiu do lado do canadiano. Outro podio para un xogador que engade unha praza de garaxe no Panteón. Popolo amosa unha melloría que fai pensar nunha boa preparación para a nova tempada.

A quinta praza gañouna Beocha, con mellor temperatura máxima e mellor desempeño no refacho de vento. Mina quedou corta na temperatura e pasouse no vento. As duas viven coma estrelas invitadas no Panteón meteoludópata.

Modesto e Punteiro tiveron que chegar ó desempate para dirimir as suas diferenzas. Os fallidos 2 litros apostados por Modesto foron recuperados pola baixa calidade da aposta de Punteiro nos refachos. Unha vez igualados os marcadores, o parámetro de vento era o que marcaría a melloría e Modesto estivo moito máis fino. Punteiro conta cun adosado no Panteón e Modesto presentou o formulario de inscripción.

A final B foi a que tivo os mellores resultados. Botikas mallou tódolos parámetros en funcionamento e quedará coa duda do posible pleno. Marius fixo a segunda mellor marca da xornada e remata moi forte a tempada. Tivo a mala sorte de atoparse co diaño da predicción amateur, dono de case a metade do Panteón. Marius amosa unha melloría no final de tempada e presenta credenciais para o seu ingreso entre os grandes.

Lume e Kaltxon tamén decidiron a sua posición polo refacho de vento. Moi deficitario o de Lume e moi preciso o de Kaltxon, recuperando o punto perdido na pluviosidade. Pouco premio para estes apostantes moi irregulares no seu xogo, pero con bagaxe suficiente para buscar horizontes máis lonxanos e petar na porta do Panteón de ilustres.

Pequenos detalles decidiron a eliminatoria entre Sarabia e Michi. Un punto na temperatura máxima e outro na pluviosidade remontaron o punto acadado por Michi e convertían a Sarabia na 13ª clasificada na Ojete’s Cup 2022. Sarabia ten un adosado (xunto a Punteiro) no Panteón e Michi quere que lle fagan unha “gateira” na porta.

E de novo a pluviosidade foi o factor determinante da loita entre Compoñente Sur e Bar Pequeno. 4 litros afundiron a Bar Pequeno despois de rañar un punto na temperatura máxima. Compoñente Sur acada a sua única vitoria e pode dar cun canto nos dentes. Bar Pequeno conta as batallas por derrotas, pero mellora ano a ano e calqueira día danos un susto. Ese susto que xa debería dar Compoñente Sur, con etapas de abondo no seu lombo. Relaxádevos antes do inicio da 10ª tempada.

Se queres fuchicar nos datos recabados en Ratnagiri, Maharashtra, na derradeira rolda da Ojete’s Cup 2022, pica no enlace que ofertamos embaixo.

A resolución da derradeira xornada da OjeteQuake tardará un pouquiño á conta dunha presentación de recurso. Trátase do aumento ou disminución da magnitude que a axencia fai a posteriori. Estamos a re-analizar a etapa, polo que os datos publicados na Clasificación da OjeteQuake 2022 están baixo investigación e non son definitivos. Agardamos publicar os resultados concluintes antes das 18:00 horas. Ata entón…

Saúde e sorte!!!

A 9ª tempada de eltiempoentuojete chega ó seu fin coa desputa da derradeira xornada da Ojete’s Cup en India e a OjeteQuake 2022. A xornada final da Ojete’s Cup comprende os enfrontamentos finais pola posición definitiva no cadro de competición. Detectamos un problema na estación en xogo (grazas a Kaltxon e Marius pola información) no parámetro da temperatura mínima, pero non fomos quen de arranxar o problema a tempo. O termómetro da estación baixa repentinamente por baixo de 0º, acadando valores de ata -40º C. Pois ben, esta é a resolución.

• Despois de estudar os datos históricos da estación de Ratnagiri e tendo en conta os datos das estacións adyacentes, determinamos que se a temperatura mínima descende por baixo dos 15º C., quedará anulado o parámetro de temperatura mínima, recebendo tod@s os paticipantes 0 puntos nese parámetro. Semella que o resto dos indicadores traballan adecuadamente, pero estaremos atentos a calqueira anomalía nos datos.

As apostas en temperatura máxima van dende os 27 ata os 31º C.. Pola banda das temperaturas mínimas, temos valores dende os 22 ata os 25º C. Non hai moito consenso no que atingue ás apostas en pluviosidade, con 6 xogadores que xogan á seca. Outros 6 apostantes predín 1 litro de auga. Os 4 restantes, dous con 2 litros e dous con 4 litros. A variable de referencia é a de Landrán, con 4. Os refachos de vento oscilan entre os 12 e os 33 km/h.

Con esta igualdade, non deixes de seguir a etapa ao vivo dende este enlace, a partires das 03:00 horas desta mesma madrugada. O torneo decídese este domingo.

Xornada final tamén na OjeteQuake, que decidirá o vencedor/a na Liga dos Terremotos, despois de 21 etapas desputadas nesta edición 2022. Un pouco máis espalladas as apostas nesta ocasión, pero con pista de circo máis activa na zona de o leste de Asia, dende o noreste de Rusia ata o norte de Nova Zelanda. Fora dese ámbito atopamos epicentros apostados preto da Illa Cocos, nas Illas Aleuterias, no oeste de Alaska, ao norte de Chile máis na Patagonia chilena, na zona das Illas Sandwich e nun punto indeterminado do Atlántico Sur. A magnitude máxima apostada é de 7 Mg,, con varias prediccións por riba dos 6 Mg.

Podes acadar tódolos datos da xornada sísmica ao vivo dende este enlace, a partires das 03:00 horas desta madrugada. Ata 6 (ou máis) apostantes teñen opcións de acadar o título sísmico.

As apostas:

Saúde e sorte!!!