Primeira etapa de montaña do mes de decembro, un clásico, en A Fonsagrada. A estación de O Xipro recibe á tropa de eltiempoentuojete cunha xornada con friaxe e posibles nevaradas, xusto o que necesitamos para darlle emoción á competición. De novo estaremos atent@s o que faga Juanito Caminante, gurú da chuvia nesta edición. Con moito pesar temos que penalizar a duas competidoras tardosas por menos de 5 minutos, nun dos casos no Top-10 da xeral. A puntualidade, ás veces é o parámetro esquecido.

As apostas en temperatura máxima oscilan entre os 4 e os 7º C. Tamén apertadas as apostas de temperatura mínima, con valores que van dende os 0 ata os 5º C. As cantidades de chuvia están entre os 3 e os 14 litros, quizais o parámetro máis aberto. Os refachos de vento arrancan en 31 e rematan en 69 km/h.

Con estes valores tan axustados so podemos agardar unha grande etapa no domingo, no que os competidores buscarán asentantarse na táboa da Clasificación Xeral. Se queres seguila ao vivo, preme neste enlace a partires das 01:30 horas desta madrugada..

As apostas:

Saúde e sorte!!!

Xa están dispoñibles os datos e estadísticas de acerto no recén rematado mes de novembro. Podes atopar @s participantes máis louread@s nas derradeiras 4 etapas da Liga da Inverneira. Os mellores en cada parámetro, as vitorias e as medias de puntuación neste tramo de Liga. Pica no enlace para acceder á información.

Saúde e clima!!!

O regreso da chuvia non colleu desprevidos @s meteoludópatas de eltiempoentuojete na súa parada e fonda en A Gándara, no concello de Vimianzo. Ata 8 participantes mallaron a cantidade de auga recollida: 9 litros. Denantes, na madrugada, a temperatura mínima non baixou dos 7º C., A máxima chegou ata os 11º C. no mediodía, un valor dentro da maioría das apostas. Pouco despóis de marcar a temperatura máxima rexistróuse o refacho máximo do día, con 57 km/h., cifras dentro do agardado polas prediccións.

De todas estas circunstancias asoma a cacheira un antigo vencedor da Liga da Inverneira. Víbora acadou 59 puntazos para unha etapa sobre mollado. Afitou a temperatura e a chuvia, somentes deixou un punto no refacho de vento. Entra no Top-10 compartindo posición para o asalto ao grupo principal.

Julio achegou 58 puntos, perdendo un deles na temperatura mínima e outro no refacho, parámetro que segue a dominar con destreza. Sitúase ás portas do Top-10 cando estamos a piques de comezar as xornadas de montaña, moi ventosas noutras ocasións.

57 puntos engaden Alucarda e Juanito Caminante. O líder volve demostrar que a chuvia é o seu mellor escenario, onde se desenvolve coma troita na poza. Rouba 5 puntos á segunda praza e somentes o gañador de etapa restóulle algún punto no Top-10. Semella que vai pasar o que resta de Liga no santuario da Virxe da Cova. Alucarda tamén desprende confianza no tempo húmido. Volta á 4ª praza compartida e a tiro de pedra dos adiantados.

Con 56 puntos atopamos a Nanuq, Beocha, Botikas, Modesto e Aki, tod@s inmersos en loitas no Top-10. Semella que calqueira pode optar ó título se continúan nesta xeira de resultados. Kaltxon, Landrán e Budainca acadan a mesma cifra pero, máis aló do posto 30, teñen moito por mellorar.

Juanito Caminante segue no liderato, con 9 puntos sobre Xowi, que ten 3 máis que Nanuq e 4 máis que Alucarda, Beocha e Verducido. A seguir e moi de preto, Botikas e Modesto. Pelexando polo Top-10, compartindo puntuación, Sarabia, Víbora e Aki pechan os 11 mellores da Clasificación xeral.

Se queres coñecer todo o acontecido na 10ª etapa da Liga da Inverneira, en A Gándara, pica no enlace embaixo exposto.

• Nos próximos días publicaremos as estadísticas relativas ó mes de novembro

Saúde e sorte!!!

Após 3 semanas do mes de novembro, todas elas de seca, semella que a chuvia volta a eltiempoentuojete para a desputa da 10ª etapa. A Gándara, en Vimianzo, agarda polas nosas prediccións, nunha semana con confluencias varias, onde o protagonismo ven da man de Arwen, unha borrasca que ven do norte tentando amedrentar o anticiclón, estomballado no medio da océano Atlántico.

Polo que respecta ás temperaturas máximas, oscilan entre os 9 ata os 14º C. Moi apertadas ás mínimas, dende os 4 a os 8º C., cun pico alto en 10º e outro baixo en 2º C. As prediccións para a recollida de chuvia establécense entre 1 e 13 litros, con apostas en tódolos valores. Os refachos de vento van dende os 19 ata os 77 km/h., moita marxe de puntuacións.

Se eu fora tí non perdería o desenrolo da etapa de A Gándara por nada do mundo. Xornada apertada pero con marxe de mellora para tódol@s competidores. Xa dende as 01:30 hras desta madrugada, podes seguila ao vivo dende este enlace.

As apostas:

Saúde e sorte!!!