Ancares xa tiña un historial de chuvia bastante activo nos anos anteriores. 5 das 7 edicións desputadas xogáronse en mollado, pero cunha recollida máxima de 6 litros. Este ano rachou a cabaza con 31 litros apañados neste domingo. Foi o parámetro máis abultado, pero precisou moito acerto tanto nas temperaturas coma nos refachos de vento. A xornada iniciou con 4º C., que fixou a mínima do día, e foi subindo na madrugada e xa no mediodía marcóuse a temperatura máxima en 7º C. A chuvia caeu durante toda a etapa, acumulando auga con valores de ata 1 litro cada 10 minutos. Ata as 23:00 horas mantívose a tendencia de chuvia forte. Na derradeira hora baixou a cadencia, acadando un total de 31 litros no final do día. Os refachos de vento non baixaron dos 45 km/h. ata as 17 horas, cando comezou o declive. Antes xa se chegara ó valor máximo, con 61 km/h. pouco antes do mediodía.

Moit@s foron os líderes transitorios mentras os parámetros mudaban. Xente afundida rexurdiu e @s primeiros líderes espetáronse cos trocos. Nos derradeiros momentos foron as apostas máis arriscadas as que reverdeceron e notaron melloras na clasificación xeral.

O reconto final sinala a Punteiro coma gran vencedor dunha etapa espectacular. Deixa atrás un punto na temperatura, tres na pluviosidade e outros tantos no vento para un total de 53 puntos. Ingresa no Top-10 e convértese en ameaza no que queda de Liga da Inverneira.

51 puntos acadou Nanuq, con apostas precisas en temperatura e vento e deixando 7 puntos na pluviosidade. Salta do 9º ata o 5º posto, deixando atrás un par de xornadas de perfil baixo.

50 puntos foron os achegados por Julio, o xogador coa aposta máis arricada en auga. Pena dos 6 puntos perdidos no refacho, un parámetro no que adoita destacar. Outro que ingresa no Top-10 pola vía rápida e ainda está a tempo de dar un disgusto á tropa destacada.

Aki e Marius ingresan 47 puntos na conta, con grandes prediccións na temperatura, mediocres na chuvia e no vento. Aki volta ó Top-10 no derradeiro lugar e Marius colócase ás portas dese Top con boas sensacións nestas últimas etapas.

46 puntos para Verducido, que se fai coa segunda praza e queda a somentes dous puntos do líder, Xowi, que sente o medo de preto.

44 puntos suman Beocha e Kaltxon. Beocha perde a segunda praza pero recorta puntos ó lider, quedando a tres puntos. Kaltxon entra no Top-20 e amosa melloras sustanciais.

42 puntos para o líder Xowi, Víbora, Sarabia, Ocandepavlov, Juanito Caminante e Iru. Xowi mantén o liderato, Víbora vive un retroceso na xeral, da mesma maneira que Ocandepavlov, mentras Sarabia e Juanito Caminante manteñen a posición. Iru está perdidiño na posición 25.

Se queres consultar tódolos datos extraidos da 16ª etapa da Liga da Inverneira, en Ancares, pica no enlace embaixo estas letras.

Saúde e sorte!!!

Etapa de altura a que nos agarda en Ancares, a máis de 1300 metros de altitude e coa ameaza dunha borrasca atlántica que podería convertir o escenario nun inferno meteorolóxico. É das etapas que mudan a clasificación xeral, con tódolos parámetros en acción, pois segundo as apostas, hai moita marxe entre participantes.

As apostas en temperatura máxima oscilan entre os 6 e os 14º C. Parámetro aberto. As temperaturas mínimas reflicten case a mesma disparidade, con apostas entre 1 e 8º C., cunha punta máxima de 11º C. As prediccións para a chuvia establécense entre 2 e 32 litros, con todo tipo de valores intermedios. Parámetro aberto a tope. Os refachos de vento sinalan uns valores que van dende os 20 e os 95 Km/h. Outro parámetro con banda ampla, cunha marxe máis que folgado.

Desta forma temos ante nós unha das etapas que han de marcar o desenrolo posterior da VIII Liga da Inverneira. Podes seguila ao vivo dende este enlace a partires da 01:30 horas desta mesma madrugada.

As apostas:

Saúde e sorte!!!

Primeira xornada do ano 2022 e semella que a clasificación xeral volta a estar máis parella que nunca antes nesta edición. As temperaturas foron altas para a época do ano, cunha mínima que quedou estancada en 7º C. A máxima acadóuse no mediodía, cun valor de 12º C. A chuvia concentróuse nas primeiras horas do día, enchendo 2 litros na cubeta da estación. Os refachos de vento tamén se notaron máis nesas primeiras horas, deixando un máximo de 45 km/h.

Verducido volve gañar no Alto do Rodicio, despois de facelo no 2015 e no 2017. Mallou as temperaturas e maila chuvia, deixando dous puntos no refacho para un total de 58 puntos. Achégase ata a terceira praza, a 6 puntos do líder e a 1 do segundo chanzo da xeral.

Con 57 puntos entraron Xowi, que continúa no liderato, Michi, que mantén a 17ª praza, Breogán77, no lugar 19 e Rasta76, máis aló do posto 25.

Beocha sube ata a segunda praza da xeral á conta dos 56 puntos acadados, a 5 do líder. Tamén Botikas replica a puntuación para manter a 5ª praza, botándose enriba de Juanito Caminante. Mesmos 56 puntos para Julio, Punteiro e Balboa, que tentan entrar no Top-10 da xeral.

Estes son os 10 mellores clasificados no Alto do Rodicio. A xeral segue liderada por Xowi, con Beocha e Verducido en postos de podio. Juanito Caminante semella agardar pola tormenta na 4ª praza, xusto por diante de Botikas. Sarabia e Popolo andan á sua procura collendo distancia sobre Ocandepavlov e a dupla Nanuq–Modesto que pechan o Top-10 nesta 15ª etapa da Liga da Inverneira.

Se queres coñecer todo o acontecido na xornada do Alto do Rodicio podes atopar máis información no enlace que achegamos baixo este párrafo.

Saúde e boas festas!!!