O regreso da chuvia non colleu desprevidos @s meteoludópatas de eltiempoentuojete na súa parada e fonda en A Gándara, no concello de Vimianzo. Ata 8 participantes mallaron a cantidade de auga recollida: 9 litros. Denantes, na madrugada, a temperatura mínima non baixou dos 7º C., A máxima chegou ata os 11º C. no mediodía, un valor dentro da maioría das apostas. Pouco despóis de marcar a temperatura máxima rexistróuse o refacho máximo do día, con 57 km/h., cifras dentro do agardado polas prediccións.

De todas estas circunstancias asoma a cacheira un antigo vencedor da Liga da Inverneira. Víbora acadou 59 puntazos para unha etapa sobre mollado. Afitou a temperatura e a chuvia, somentes deixou un punto no refacho de vento. Entra no Top-10 compartindo posición para o asalto ao grupo principal.

Julio achegou 58 puntos, perdendo un deles na temperatura mínima e outro no refacho, parámetro que segue a dominar con destreza. Sitúase ás portas do Top-10 cando estamos a piques de comezar as xornadas de montaña, moi ventosas noutras ocasións.

57 puntos engaden Alucarda e Juanito Caminante. O líder volve demostrar que a chuvia é o seu mellor escenario, onde se desenvolve coma troita na poza. Rouba 5 puntos á segunda praza e somentes o gañador de etapa restóulle algún punto no Top-10. Semella que vai pasar o que resta de Liga no santuario da Virxe da Cova. Alucarda tamén desprende confianza no tempo húmido. Volta á 4ª praza compartida e a tiro de pedra dos adiantados.

Con 56 puntos atopamos a Nanuq, Beocha, Botikas, Modesto e Aki, tod@s inmersos en loitas no Top-10. Semella que calqueira pode optar ó título se continúan nesta xeira de resultados. Kaltxon, Landrán e Budainca acadan a mesma cifra pero, máis aló do posto 30, teñen moito por mellorar.

Juanito Caminante segue no liderato, con 9 puntos sobre Xowi, que ten 3 máis que Nanuq e 4 máis que Alucarda, Beocha e Verducido. A seguir e moi de preto, Botikas e Modesto. Pelexando polo Top-10, compartindo puntuación, Sarabia, Víbora e Aki pechan os 11 mellores da Clasificación xeral.

Se queres coñecer todo o acontecido na 10ª etapa da Liga da Inverneira, en A Gándara, pica no enlace embaixo exposto.

• Nos próximos días publicaremos as estadísticas relativas ó mes de novembro

Saúde e sorte!!!

Após 3 semanas do mes de novembro, todas elas de seca, semella que a chuvia volta a eltiempoentuojete para a desputa da 10ª etapa. A Gándara, en Vimianzo, agarda polas nosas prediccións, nunha semana con confluencias varias, onde o protagonismo ven da man de Arwen, unha borrasca que ven do norte tentando amedrentar o anticiclón, estomballado no medio da océano Atlántico.

Polo que respecta ás temperaturas máximas, oscilan entre os 9 ata os 14º C. Moi apertadas ás mínimas, dende os 4 a os 8º C., cun pico alto en 10º e outro baixo en 2º C. As prediccións para a recollida de chuvia establécense entre 1 e 13 litros, con apostas en tódolos valores. Os refachos de vento van dende os 19 ata os 77 km/h., moita marxe de puntuacións.

Se eu fora tí non perdería o desenrolo da etapa de A Gándara por nada do mundo. Xornada apertada pero con marxe de mellora para tódol@s competidores. Xa dende as 01:30 hras desta madrugada, podes seguila ao vivo dende este enlace.

As apostas:

Saúde e sorte!!!

Esta semana remata a competición do mes de novembro. Polo tanto, temos pensado publicar unha crónica estadística do acontecido no citado mes. E para non chamuscar o cerebro con datos, esta semana publicamos un informe que da algunhas pistas sobre o que acontece na época de xeadas da Liga da Inverneira. Facemos un resumo do acontecido historicamente durante o mes de decembro e o de xaneiro. Máis adiante faremos público o do mes de febreiro. Polo momento deixamos esta primeira aproximación. Podes acceder ó informe picando no botón de embaixo.

Sorte e clima!!!

Xornada libre de chuvia a desputada este domingo na Costa da Morte, no concello de Carnota. A estación de Lira deixa datos moi na liña do apostado pola maioría d@s meteoludópatas, polo que o resultado son grandes puntuacións, todas agás unha por riba dos 50 puntos.

A madrugada do domingo deixou a temperatura mínima en valores altos que non baixaron dos 10º C. As derradeiras horas estivo preto de descender a 9, pero non chegou a modificar a cifra anterior. A máxima tamén puido ser superior ós 16º C. finais, pero quedou a duas décimas de facelo. Sen chuvia en todo o día, o refacho fíxose decisivo. Na primeira metade do día acadóuse unha marca de 24 km/h. A partires do mediodía foi crecendo a forza do vento e pouco antes da caida do sol rexistróuse o refacho máximo do día, 47 Km7h. que foron definitivos para a resolución da táboa de resultados.

Exhibición de Botikas, xogador máis loureado da Liga da Inverneira, con 59 puntos. Un miserable kilómetro por hora afastóuno dun histórico pleno en Lira. Pouco máis que explicar da sua aposta, que semella vai meter o medo nos seus predecesores na Clasificación Xeral.

Seis xogador@s sumaron 58 puntos no seu marcador. Víbora, Popolo, Compoñente Sur, Budainca, Nanuq e Bar Pequeno. Curioso grupo con apostantes en tódalas zonas da táboa xeral. Semella que collen folgos cara o puro inverno galego.

E ata 10 xogadores marcaron 57 puntos, con Beocha, Verducido, Oscar, Xowi, Aki, Sarabia, Landrán, Kalandrakas, Breogán77 e Modesto. Mot@s del@s están imbuidos en loitas dentro do Top-10 xeral.

A xeral segue liderada por Juanito Caminante, que segue perdendo vantaxe cada vez que non chove. Catro puntos por tras chega Xowi. Máis lonxe, a 10 puntos váise achegando Verducido. Nanuq, 4º, Beocha 5ª e Sarabia 6ª tamen rouban puntos á cacheira. Alucarda baixa ata o 7º lugar achuchada por Botikas, Modesto e Aki que tamén rañaron vantaxe co liderato e pechan o Top-10.

Se queres acadar toda a información relevante da 9ª xornada da Liga da Inverneira no concello de Carnota, pica no enlace embaixo exposto.

Saúde e sorte!!!