Espectacular xornada final a desputada este domindo en Orlando, para poñer remate a unha das Ligas máis desputadas das xogadas en eltiempoentuojete. Moit@s eran os candidatos nesta etapa que viña co sambenito xa repetido de trebóns e chuvasquería, case sempre insignificantes. Pero agardábanos unha sorpresa en forma de chuvia e vento en abundancia.
Durante o inicio da xornada fóise acumulando a temperatura ata chegar no mediodía a 34º C. Nese momento comezou a formarse unha boina treboenta que deixaba tronadas e Trazas de chuvia, pero que non foron suficientes para mover o pluviómetro. Non foi ata pouco antes das 18:00 h. que comezou a soplar o vento e a chuvia facía a súa aparición a cachón. En 5 minutos o medidor acadaba os 5 litros. Cara as 18:30 subía a marca a 9 litros e pico e a clasificación xeral daba un capitón case definitivo. Neses momentos de chuvia intensa o vento rexistrou refachos de 54 km/h. Ademáis, engadíronse 0.3 litros, que deixaba o reconto final de chuvia redondeado á alza en 10 litros. Esta perturbación tamén fixo baixar a temperatura mínima ata os 24º C.
Orlando premiou a valentía case soicida dos apostantes con máis cantidade de auga. Ainda que o refacho foi un parámetro importante, o loureiro recollido polos mellores da etapa foi debido ás apostas máis húmidas. Botikas pasou agachado toda a competición, pero os grades nomes da meteoroloxía amateur sempre levan u recordo. 19 putos na temperatura, 19 na pluviosidade, e somentes unha perda de 3 puntos no vento, que non evitou a súa enésima vitoria, desta vez en soidade con 55 pts. Esa puntuación permítelle entrar o Top-10, directamente no posto 7. Un punto por tras, Sarabia acada máis que un podio de etapa. Aposta moi similar a Botikas, perdeu un punto máis no refacho, pero o mellor falarémolo despois. Rasta76, Balboa e Kaladrakas despiden a liga con 53 pts. Marius e Punteiro acadan os 52. Modesto, Compoñente Sur e Budainca pechan o Top-10 da etapa con 51 pts.
E como dicimos, a osadía ás veces ten recompensa. Dende o 6º posto saltou Sarabia ata a vitoria final na Liga. Tras o derrumbe de Breogán77, empatou a puntos con Xowi, pero a maior cantidade de vitorias abaneou o trunfo cara Sarabia. Porta aberta do Olimpo meteoamateur de eltiempoentuojete para unha das competidoras senlleiras da familia meteoludópata. Grande aplauso para a primeira vitoria nunha competición das grandes de eltiempoentuojete. Ata o ano que ven, a Primaveira xa ten dona. Noraboa!!
No podio acompañan Xowi, cunha liña moi seria e que somentes o desempate alonxou do trofeo das flores. A Breogán77 faltóulle a experiencia e quizais tamén sufríu do síndrome do “dedo frouxo“. aquel que fai que o teu dedo clique medidas baixas nos parámetros de xogo cando estás na vangarda da clasificación. Compoñente Sur perde unha posición con respecto á derradeira xornada, a que lle rouba Sarabia. 4ª posición cun xogo moi serio que permite albergar esperanza no futuro próximo. Nanuq fai 5º e Jose Lopez 6º, notando melloría dende fai un par de tempadas e semella queren ficar no Top-10. Van no bo camiño. Botikas logra o 7º lugar, acompañado a puntos por Rasta76 e Modesto. Pouco premio para todos eles. Iago pecha o Top-10. Podía ser mellor, pero facía tempo que non o atopábamos nestas posicións adiantadas. Parabéns para toda a tropa.
Para acadar toda a información relativa á etapa final da VIII Liga de Primaveira, en Orlando, preme no botón abaixo exposto.
Na OjeteQuake, labazada sísmica para todol@s competidores, que obviaron o continente americano e foi precisamente alí, no centro do continente onde se xestou a traxedia para o sismoludópatas. O maior sismo do día producíuse preto de Nueva Concepción, en Guatemala, cunha intensidade media, 5,4 Mg. O máis preto do epicentro sí estaba en continente americano, pero en Alaska, lonxe de Guatemala. Así, Verducido acada a vitoria case de rebote, sen poder superar os 400 puntos e deixando a clasificación xeral con poucos trocos e moita incertidumbre. O liderato segue en poder de Víbora, con Breogán77 e Jose Lopez continuando a ocupar o podio.
Se queres investigar sobre o acaecido na 10ª xornada da OjeteQuake 2021, fai clic no enlace embaixo estas liñas.
Esta semana daremos todos os datos do VIII Torneo de Vran, con calificación para a Ojete’s Cup. De momento xa podemos adiantar que o Vran pasarémolo en Alaska, tamén territorio americano, ainda que menos “sudista”. En breve, toda a información necesaria. Continuade atent@s!!!
Saúde e sorte!!!
