A segunda xornada da VII Liga da Inverneira xógase na costa lucense. Pero o Penedo do Galo non é unha praia, senón un monte o que lle gusta o outono. Recolleu nesta semana cantidades de auga superiores ós 20 litros diarios e o refacho acadou os 132 km/h.
Semella que non será o domingo un día coma os anteriores, pero a borrasca Alex ainda está preto e deixará unha xornada de incógnitas a resolver polos meteoludópatas de eltiempoentuojete.
As temperaturas máximas encádranse entre os 11 e os 18º C. As mínimas van dende os 5 ata os 13º C. Nas apostas de pluviosidade, moita amplitude con valores que chegan ata os 23 litros e con mínimos arredor dos 2 litros. Moita variedade neste parámetro. No refacho de vento podemos atopar marcas dende os 21 ata os 95 km/h.
Primeira xornada da VII Liga da Inverneira, marcada pola inestabilidade na atmósfera e a estabilidade nos resultados d@s meteoludópatas de eltiempoentuojete.
Grandes felicitacións para a gran maioría de participantes pola calidade das apostas. Somentes 3 apostas non superaron os 50 puntos e ata 30 apostantes acadaron ou superaron os 53 puntos. Noraboa polo tino exhibido.
A vitoria levouna Michi, que suma a segunda neste enclave. Roubou a posición a Popolo tras baixar a temperatura mínima cara a noitiña, desfacendo a marca habitual da madrugada. A vitoria en soidade ten o agasallo do liderato da Liga sen mirar para as beiras.
Na segunda praza, a un soitario punto, un trio de aspirantes con Xowi, Lukas e Popolo. Dous por tras do líder, Balboa, Sarabia, Nanuq e Mingos. Con 55 puntos, e ampliando o Top-10 ata o 17, Julio, Jose Lopez, Juanito Caminante, M. B, Juaquín, Bar Pequeno, Ocandepavlov, Verducido, Punteiro e Lume. Moit@s grandes aspirantes neste primeiro grupo que non perden comba neste inicio de competición.
Por tras, un grupo que sobrepasa os 50 puntos e que, dende un pouco máis lonxe, vixía sen ser visto. Algúns ilustres atopamos que de seguro van mellorar esa posición.
No vagón de cola atopamos a Breogán77, vencedor na Ojete’s Cup de Belize. O vento foi quen de doblalo, pero non rompeu e verémolo nas prazas superiores. Modesto, o novato do ano perdeu puntos en tódolos parámetros e debe axustar os regraxes da sua predicción. Caso distinto o de Kaltxon, que abriu o rego no domingo e enchoupou as leiras. Cunha boa aposta sobre temperatura, era moi cedo para os grelos. Deberán remar a contracorrente, pero sen tolear, que ainda quedan 25 no peto.
Se queres coñecer todo o que deu de sí a xornada inaugural da VII Liga da Inverneira, en Corrubedo, preme no botón de embaixo estas liñas.
Corrubedo é a etapa encargada de dar o trabucazo de saída para a nova tempada de eltiempoentuojete. Coma cada ano, o concello de Ribeira recolle as prediccións meteorolóxicas da tropa de climatólogos amateurs. Este ano ven acompañada de tempo inestable, pero a incertidumbre é a nosa felicidade.
36 competidores apresentáronse antes das 24:00 horas (máis ou menos), pero a normativa permite eses pequenos retrasos nas primeiras xornadas. Con apostas moi semellantes, calqueira pode levar a vitoria e, de agasallo, o liderato da Liga.
As temperaturas máximas oscilan entre os 18 e os 23º C, con pico alto en 25 e baixo en 16º C.
As mínimas van dende os 11 ata os 16º C, cun pico mínimo en 6º C. Bastante amplitude neste parámetro.
Nas apostas de pluviosidade manda a seca absoluta, con algún litro solto e duas apostas moi húmidas, con 6 e 17 litros.
As prediccións para o refacho máximo de vento están moi apertadas, coa maioría de apostantes entre os 20 e os 50 km/h., cun pico máximo de 61 e un mínimo de 12 km/h.
Polo tanto agardamos moita emoción no desenrolo da etapa iniciática da VII Liga da Inverneira de Galicia. Podes seguila ao vivo dende este enlace a partires das 02:30 desta madrugada.
Destacamos neste primeiro embate a grande afluencia de meteoludópatas e agradecemos a tod@s a vosa presenza neste experimento “científico” de caracter único. Saudos a Modesto, novo integrante e a M. B. Juaquin, vello compoñente, troca de apodo e quizáis de sorte. A ver como vos portades…
Dende eltiempoentuojete damos inicio a 8ª tempada coa celebración na terra nai das competicións meteorolóxicas amateurs: A Liga da Inverneira na Galiza.
Ésta é a sétima edición da competición máis completa das realizadas nesta web. Contará con 26 xornadas repartidas por todo o país, a maioría grandes coñecidas polos meteoludópatas de eltiempoentuojete. A situación temporal das etapas tamén corresponde na sua maioría ás desputadas anteriormente, O comezo, coma de costume, será en Corrubedo esta mesma fin de semana. Recorda facer a tua aposta antes das 24:00 horas (máis detalles, eiquí).
Se coñeces algún friki que queira xogar connosco, estás en disposición de invitar a quen te pete. Non esquezades darlle unhas nocións do xogo e adoctrinalos na meteoludopatía científica. E sobre todo, darlle importancia a puntualidade nas apostas.
Este ano, coma os derradeiros, o obxetivo a batir será Botikas. Lenda das ligas meteorolóxicas, sobre todo na Galiza, quen o derroque terá suite presidencial no Olimpo Meteorolóxico. Da mesma forma, Botikas tentará batise a él mesmo, obxetivo compricado pola alta efectividade xeral nas derradeiras competicións. Agardamos unha competencia fonda ata a derradeira xornada, en Cuntis, e elevando o listón da calidade das predicións ata superar ás axencias meteorolóxicas profesionais.
Nese senso seguimos a confiar a resposta ás nosas apostas en Meteogalicia, que agardamos traballe coma sempre (ou mellor) e non ter problemas na recepción dos resultados das estacións en xogo.
A web xa ten á tua disposición os enlaces necesarios para a desputa da primeira xornada, que podes consultar nos menús e na barra lateral. Pero se atopas calqueira dato erróneo ou faio de funcionamento de enlaces ou semellante, non dubides en facérnolo saber en Fala con nós!!, ou no correo electrónico eltiempoentuojete@gmail.com. Axudándonos, axudas atódol@s xogadores.
Polo tanto, non deixes de participar nunha competición única no seu xénero, lonxe do convencional. A partires de agora está aberto o Formulario de apostas para depositar a tua aposta antes das 24:00 horas do venres 25 de septembro. Vamos, en tres días. O desnlace, o domingo, no que podes seguir o desenrolo da etapa na Xornada ao vivo.
