Moitas veces dende eltiempoentuojete desprezamos, e incluso avergonzamos ás axencias meteorolóxicas profesionais. Hoxe debería de ser unha desas ocasións, pero de cando en vez miramos o noso embigo. E non podemos falar de ledicia polo traballo feito. A pesares de ser unha das estacións de Meteogalicia que máis chuvia recolle dende tempo atrás, a realidade sobrepasou á maioría de apostantes.

Cara as 05:00 horas da madrugada a estación Muralla xa recollera 40 litros de auga e e reportara un refacho de vento de 77 km/h. Fin da partida para moit@s meteoludópatas. O refacho non mudou, pero na cubeta da estación cairon 11 litros máis ata chegar ós 51 litros definitivos. Iso rematou cos derradeiros puntos que ainda quedaban na casiña da chuvia.

No tempo de facer as contas, somentes dous competidores acadaron algún puntiño pluviosidade. O gañador da etapa, Balboa, colleitou 9 puntos en auga, o que lle deu a vitoria cuns míseros 40 puntos. 3 puntos en auga colleitou Nanuq, pero quedou nuns 29 puntos escasos para un Top-5. O mellor sen puntos en auga foi Marius con 38 pts., que cubriu con creces o resto dos parámetros e chega na segunda praza da xornada. Con 37 atopamos a Botikas, Julio e Landrán, presuntos aspirantes ó título. Con 36 están Verducido, Beocha, Modesto e Oscar. Punteiro, Xowi e Mina, con 35, pechan os mellores da xornada. O pior da xornada, aparte dos penalizados, Kalandrakas con 22 pts. Breogán77 con 25. e Michi con 26 puntos.

Na clasificación xeral Verducido segue a liderar, con Botikas e Beocha a 1 e 2 pts. respetivamente. Julio acada o Top-5 xunto con Nanuq, pero cun burato de 16 pts. respecto ó Top-3. Punteiro chega ó 6º posto despois da debacle de Michi, que baixa ata a 6ª praza. Pouco por tras, Marius, Mina, Xowi e Balboa escadan posición cara o Top-10, do que caen Sarabia, Jose Lopez e Aki, ainda que están na fronteira. O resto, procesionarias con distintas puntuacións…

Se queres consultar os resultados do acontecido na xornada de Muralla, pica no botón embaixo estas liñas.

P. D. Semella que o do anticiclón ainda está por ver. Cousas do outono…

Saudos e sorte!!!

Semella que as altas presións van collendo forza no litoral galaico e agárdase unha situación anticiclónica cara a semana que entra. Pero antes do sol, imos ter unha chegada de ventos húmidos do Atlántico que van achegar chuvia á fachada oeste da comunidade. Ademáis, a estación metorolóxica de Muralla adoita entrar entre as Top entre pluviosidade das de Meteogalicia.

Nas apostas atopamos moitas diferenzas, sobre todo nos parámetros de chuvia e vento, polo que agardamos moitos movimentos ó longo da xornada. Nas apostas de temperatura máxima temos valores dende os 13 ata os 18º C. As mínimas, establecidas entre os 7 e os 14º C. Moita apertura nas apostas sobre pluviosidade, que van dende os 3 ata os 40 litros. Os refachos de vento comezan en 23 e acadan os 75 kms/h. Con estas cifras somentes podemos agardar unha xornada a cara de can, con emocións cambiantes e trocos variados na clasificación da xornada e, por alusión, na xeral absoluta.

Se queres seguir a xornada ao vivo, pica neste enlace á etapa en direto, que refresca cada 10 minutos (se todo sae ben).

As apostas:

Saúde e sorte!!!

Salva la selva emite unha alerta sobre a deforestación dos bosques en Nicaragua. Están en perigo por unha subvención de “diñeiro verde”, ainda que pareza unha contradición. Bótalle un ollo á petición que Botikas nos achega na defensa dos ecosistemas.

Saúde e clima!!!

Seica nestes dous últimos anos o outono volta ofrecer a cara máis coñecida do país galego. Chuvia e vento achegados polas borrascas que surcan o Océano Atlántico fan das xornadas de eltiempoentuojete unha incógnita constante neste inicio de tempada.

Landrán foi o máis acertado en Cequeliños con 54 pts., axustando a chuvia ó límite e perdendo 3 puntos en cadanseu parámetro. Un derradeiro litro déulle a vitoria por diante de Xowi.

Xowi, con 53, achégase ó Top-10 compartindo posición con Botikas, tamén no segundo caixón do podio. Budainca sitúase pouco por tras de Xowi, e, na mesma zona atopamos ó novato, Modesto, recuperando o terreo perdido no inicio da competición.

A seguir a este grupo están Verducido, que conserva o liderato con 2 puntos de adianto, e Kaltxón, que trata de sair do pozo do purín. Acadaron os 52 pts.

Con marca e 51 está Michi e Punteiro, metidos na loita interna do Top-10. Marius sube con obxetivo no Top-10 e M. B. Juaquín demostra que cando se chega sen retraso o resultado é mellor.

Con 50, Beocha comparte agora a segunda praza da xeral. Oscar tamén mellora, pero moi afundido no esterco.

Estes 13 nombrad@s son os únicos que acadaron os 50 puntos nunha xornada moi compricada, pero que non afecta en demasía á clasificación xeral.

Na zona séptica afogaron Mingos e Kalandrakas, perdendo posicións importantes, Denodeno simplemente botou máis chumbo no lastre e semella cómodo fondeado na piscina do xurro. Un saudo agarimoso para Mutombo, que marchou de farra con Jean Reno, facendo cine no sur do noso país. Vaia excusa… a ver se apañas un Goya!!

Para acceder a toda a información correspondente a Cequeliños, 7ª xornada da Liga da Inverneira de eltiempoentuojete, pica no botón embaixo estas liñas.

Saude e sorte!!!