Dende eltiempoentuojete presentamos o novo desafío para a primaveira de 2020. A VII edición da Liga de Primaveira vaise celebrar en territorio australiano. Vai ser a terceira visita que facemos ó xigantesco país de Oceanía. Despóis de facer parada e fonda en Tasmania (2016) e no Western Territory (2018), desta vez o destino será a costa de New South Wales, no extremo oriental de Australia. 9 xornadas acariñando o Mar de Tasmania e unha etapa final na estación de esquí máis grande de Australia, a pouco máis de 200 kms. de Camberra.

Coma sempre, terá moito gañado quen consiga unha boa ubicación da estación meteorolóxica en xogo. Por iso sempre recomendamos pasar pola páxina da xornada, onde se informa con precisión do lugar de xogo. O ser un territorio da Commonwealth, o nome do lugar pode ter outros similares noutros territorios con nomenclatura inglesa. Por iso a xeografía será unha parte importante das apostas.

Hai programadas 10 xornadas, todas a xogar no domingo. As penalizacións por chegar fora do tempo regulamentado aplicaranse dende a primeira xornada. A diferencia horaria é favorable, polo que as apostas terán menos de 24 horas de diferenza co inicio da xornada. A costa de New South Wales ten 10 horas máis que a correspondente a de Galicia, polo que a xornada ao vivo comezará cara o mediodía do sábado. Os resultados serán presentados o luns o mediodía, dado que non coñecemos o tempo de verificación dos datos.

A axencia distribuidora de datos, coma nas anteriores ocasións será o BOM, o Bureau of Meteorology do Australian Goverment. En principio somentes actualizan os datos duas veces ó día, pero agardamos atopar unha opción máis polo miúdo. (Atopado un sistema por horas).

• Os parámetros de temperatura máxima e mínima e o refacho de vento tómanse nas 24 horas correspondentes ao día en curso, e son verificadas cando pasan ós datos históricos do mes polo BOM.
• O parámetro da auga tómase dende as 09:00 horas da xornada ata as 09:00 horas do día seguinte por parte do BOM. Nós colleremos os datos recollidos dentro das 24 horas que nos corresponden e faremos a suma. Polo tanto, ese rexistro será distinto o dato que o BOM almacena nos históricos do mes. Por mor disto, o dato da pluviosidade non necesitará verificación na távoa mensual.

A competición dará comezo o domingo día 5 de abril, con aposta o día venres 3 e finalizará o 7 de xuño de 2020. As xornadas serán os domingos, con apostas o venres antes da 24:00 horas. Para máis información, pasa pola páxina de Regulamento. Tamén podes poñerte en contacto no correo electrónico da páxina: eltiempoentuojete@gmail.com

Xa está a disposición de tod@s a crítica crónica da derradeira xornada da VI Liga da Inverneira, en Xesteiras, Cuntis. Perpetrada por Popolo, aborda temas de actualidade, con xermes históricos. Podes atopala no botón de embaixo.

Recorda que a partires de mañán Venres 20 de Marzo comezaremos a desgranar a VII Liga de Primaveira. E para deixar unha pequena perla, podemos dicir que o continente seleccionado é Oceanía.

Saude e sorte!!!

Namentras agardamos pola crítica crónica da etapa final da Liga da Inverneira, publicamos unha pequena aproximación á relación do Coronavirus COVID-19 co clima, cunha comparativa con pandemias por coronavirus dos derradeiros anos. Presentada por Verducido, podes acceder clicando no botón de embaixo. Tamén podes ler outras monografías dende eiquí.

Saúdos e coidadiño!!!

A derradeira xornada da VI Liga da Inverneira de eltiempoentuojete estivo á altura dunha etapa final e a estación respondeu coma non fixera o ano pasado. eltiempoentuojete corona por terceiro ano consecutivo a Botikas, o lóstrego atetillado de Arzúa. Cando gañas duas veces consecutivas entras na suite do Olimpo da meteoroloxía amateur, pero con esta terceira vitoria hai que darlle as chaves e o código da alarma. eltiempoentuojete, coma no “1,2,3, responda otra vez“, tamén regalamos apartamentos en zonas exclusivas. Noraboa o merecido campión!!!

Polo que corresponde á xornada, os tres primeiros clasificados foron os mellores en Xesteiras, signo do competida que estivo a etapa. Non se moveu nada no Top-10 agás a perda do mesmo de Alucarda, por unha penalización por retraso. Tamén penado Juanito Caminante, mantivo o posto cunha moi decente puntuación. Destacar o 3º posto do novato do ano, Julio, diamante en bruto que agardamos continúe a traxectoria amosada nesta competición.

Antes de presentar os datos de Xesteiras, eltiempoentuojete quere agradecer a tódol@s que xogades con nós esta tempada, ós que manexan as távoas e a páxina para facer posible unha competición ÚNICA a nivel mundial. A calqueira que fixera, dunha maneira ou doutra, con pequenos ou grandes apoios, calqueira cousa que axudara o mantemento e apoio a eltiempoentuojete, mil grazas por estar eiquí, con nós.

Ademáis, estades tod@s convidad@s á proxima competición, a celebrar en primaveira en New South Wales e da cal daremos conta a partir desta fin de semana. As autoridades permiten viaxes on-line e non agardamos problemas en Australia.

Se queres investigar nos datos acadados na xornada final da VI Liga da Inverneira, en Xesteiras, Cuntis, pica no botón abaixo estas liñas.

Sorte e clima!!!

Xornada final da VI Liga da Inverneira marcada pola irrupción do coronavirus, alias COVID-19. En eltiempoentuojete tamén temos cuarentena, fixada meses atrás, pero voltaremos no mes de Abril coa competición fora das nosas fronteiras, a VII Liga de Primaveira. Namentras, recorda lavar as mans, gardar distancias e evitar sair da casa na medida do posible.

Pero ainda temos traballo na derradeira da Inverneira. Por riba da coronación do líder absoluto nas 2 tempadas pasadas, temos moitas loitas por dilucidar, tanto na configuración do podio coma na do Top-10 final. E a vitoria de etapa para o resto que non xoga nada, ainda que tamén pode ser importante para desempates entre xogador@s.

As apostas de temperatura máxima, moi abertas, van dende os 6 ata os 14º C. Nas mínimas, apostas entre 2 e 7º C. Na pluviosidade temos apostas dende 0 ata 22 litros, ainda que a maioría delas andan entre 5 e 10 litros. O refacho de vento, tamén con moita amplitude, vai dende os 21 ata o 85 km/h.

Desta maneira quizáis academos un gañador en soidade nunha xornada con moitas variables e, recordemos, nun lugar onde a meteoroloxía adoita ofertar moitas sorpresas ó longo da xornada. Podes seguila ao vivo dende este enlace.

As apostas:

Saudos e sorte!!!