Xa está dispoñible para case tódolos públicos a Crítica crónica da xornada de Punta Candieira, 22ª da VI Liga da Inverneira. Está perpetrada por Canducho, afamado felósofo da escola de Anocles. Podes acceder á páxina das Críticas-crónicas dende o botón embaixo este texto.
Recorda que somentes quedan tres xornadas para rematar a Liga da Inverneira. Ainda que xa preparamos unha Primaveira no exilio.
Mentras en Ourense acadaban este domingo os 26º C., o norte da comunidade quedaba baixo as nubes e costáballe chegar ata os 10º C. Os apostantes de eltiempoentuojete quedaron retratad@s na temperatura máxima, na que ninguén se puido achegar á marca de Punta Candieira. O vento tamén foi baixo para o lugar do xogo, o que fixo que un destacado levara unha etapa con pinta de múltiples vencedores.
Polo tanto, vencedor en soidade, cunha marca lonxe do resto do pelotón. O liderato non corre perigo e albíscanse pequenos movimentos na Clasificación xeral, moitos á conta dos “amigos do retraso”. Tres xornadas restan para o remate e calqueira puntiño é valorable.
Podes consultar tódolos resultados de P. Candieira e a sua repercusión xa xeral picando no botón embaixo exposto.
Dende eltiempoentuojete damos conta da publicación da Crítica crónica da xornada 21, en Fontecada, perpetrada por Iago. Pedimos desculpas porque estaba planificada para onte a sua publicación, pero, da mesma maneira que o Adianto de apostas, un faio na rede impedíunos todo tipo de comunicación. Podes acceder ás Críticas dende o botón de embaixo.
Recordade que de madrugada conectaremos o servizo de Xornada ao vivo, e tamén o de Clasificación ao vivo.
Semella que a 22ª xornada da VI Liga da Inverneira vai ser de transición. Rodeados como estamos de anticiclóns, a etapa do domingo ven sen auga e sen vento, e ademáis seica o sol vai ser o grande protagonista.
A maioría das apostas en temperatura máxima están entre os 13 e os 17º C., con punta de 20. As mínimas están estre os 5 e os 8º C., con unha punta en 12. Na pluviosidade non atopamos nen un solo litro e no refacho de vento as apostas van dende os 13 ata os 70 km./hora.
De tódolos xeitos, a estas alturas calqueira punto gañado ou perdido conta para o final, cada vez máis próximo. Con esta son 4 as etapas restantes e cada punto é necesario e podes botalo de menos cando remate. Podes seguir a xornada ao vivo dende este enlace, a partires da madrugada do domingo.
A etapa de Fontecada fixo honor á sua fama de chuviosa e converteuse nunha xornada para valentes. A chuvia comezou forte, xa de madrugada, o mesmo que o refacho que antes das 02:00 xa estaba por riba dos 70 km/h. A temperatura non se moveu ata o final do día.
Moitos foron os movimentos ó longo do día na clasificación xeral. Incluso o novato do ano estivo no liderato durante unhas horas. Co paso do tempo e a chuvia baixou ata o 4º posto, pero o derrame hídrico devolveuno ata a segunda plaza, moi achuchado polos persecutores. O resultado final deixa un líder moi adiantado e agardando o remate da Liga para recoller o 3º galardón consecutivo. Pero non cho imos poñer sinxelo..!!
O gañador en soidade fixo unha auténtica exhibición hídrica clavando os 45 litros caidos e supera con moito o segundo clasificado, sendo o único que traspasou a fronteira dos 50 puntos. Da calaña de apostantes que agardas o mellor en xornadas coma ésta.
Se queres indagar nos datos recollidos da 21ª xornada da VI Liga da Inverneira, en Fontecada, pica no botón de embaixo.
